CROIX D ARGENT DORE

esmaillié ouquel a escript J. N. R. JU. Et est porté ledit pié de quatre bestes petites qui ont elles. Et poise en tout x mars vu onces.

328. Une crois d'argent dorée, dont le pié est quarré sur le lonc, sur lequel pié sont pluseurs pierres de voirre en couleur de saphir et d'esmeraude. Et en est l'arbre tout hachié et cizellé à rainceaus de chesne et quatre pierres, deux en couleur de saphir et les autres de esmeraude. Et derrière le crucefix a une petite crois où il est cloé : et de ladicte crois où il est cloé sont les flourons en manière de fleur de liz.Et poise i marc vu onces et demie.

329. Une grande crois d'argent dorée, dont le pié est fourchié en quatre, fait en manière d'un fenestrage de maçonnerie; et est chascun pié un pou enarchié, garni par les deux costez dedens de petis pilliers rons et par dehors de souages rons tous plains. Et les fourmes desdis fenestrages sont garnis de souages férus de petites croisetes ; en la fourme du devant a un esmail d'asur où est Nostre Seigneur assis sur un siège, qui monstre ses plaies, afublé d'un mantel vert fourré de pourpre ; et la fourme du darriere a un autre esmail d'asur où Nostre Dame, tenant son fils, est assise sur un siège, et en l'autre main elle tient un rainsseau de roses; et en l'une des autres fourmes a un esmail d'asur où est un angle qui tient un encensier; et en l'autre fourme a un angle qui joue du psalterion. Et sur chascun desdis piez ainsi fourchiés, comme dit est, a une beste qui les soustient dont le visage est de homme; et de chascune beste a un petit entablement fait d'une losenge toute plaine. Et dessus lesdis fenestrages a un double souage quarré et greneté, sur quoy se assiet un pillier de maçonnerie quarré, dont en la partie devant a deux fenestrages envoirrez d'asur, et en la part du derrière autant; et en chascun des deux bous a une fenestre envoirrée de vert. Dessus lesquels fenestrages a un autre pillier quarré garni de souages grenetez et esmailliés chascune quarreure : c'est assavoir les deux devant et derrière d'asur où il a en chascun une demie ymage tenant un livre en sa main, et les deux costez d'esmail vers. Sur la fin duquel pillier a un autre pillier assés lonc, sur le quarré revestu de quatre chapiteaus de maçonnerie moult netement ouvrez, dont les fourmes sont d'envoirre-