LE DYMANCHE, DERNIER IOUR DE MARS
La terre de Chenonceau est situee entre la ville de Bleray et de Montrichard, sur la riuière de Cher, de sorte que le chasteau, qui est des-ia acomply dessus la riue par laquelle on vient d'Araboize audicl lieu, se ioint à ung semblable de l'autre part, auecques ung grand pont, si large qu'il peult seruir de salle ou proumenoir, encores qu'il soit enfermé par chascung costé de galleries bordées d'acoudoirs de balustres de bronze dorée qui seruent de commun passage à tout le monde. Soubz les arches de ce pont, qui sont huit grandes et fort belles, les plus grans batteaux qui puissent nauiguer sur la riuière dudict Cher y peuuent aisément fretter, et les aucuns tous mastez. Le chasteau contient plusieurs belles salles, anti-garderobes, garderobes, cabinetz, chapelle, cuyzines et chambres bien fenestrées et orientées, et toute fois le tout se porte sur une arche , par soubz laquelle flue le courant dudict fleuue roide cler sablonneux et abondant de grans et bons poissons : tellement qu’il est tout en l'eau, et que pour y entrer il fault passer par dessus ung pont leuis soubz lequel coule pareillement ladicte riuière.
La principale auenuë audict chasteau est d'ung grand chemin dressé comme une belle allée, sablonné et ung qui est large de trente pas ou enuiron, et long de deux mille, duquel les orées sont closes de grans ormeaux, chesnes vers et autres beaux arbres : en quoy, il fault considérer qu’il est si bien aplany et si droit que si les portes du chasteau et du grand pont-salle sont ouuertes, on voit de
part en part droit iusques à l'autre riue l'autre chasteau pareil et semblable à celuy-cy. Au deffault de ce grand chemin et arriuée l'on rencontre une grande court longue de six cent pas sur trois cens cinquante de large fort belle et bien unie.
Ainsi doncques à l’entree de ladicte court, pour la réception de sa maiesté, estoit nng grand arc triomphal composé de quatre hautes et fortes colones asizes sur leur pié d’estal tuscan, icelles toutes nues, sans pillastres ny arcade, faisant selon la proportion de leurs entre-colomnes trois portaux, dont celuy du meillieu auoit plus de vingt piez de trauers, les bazes, chapiteaux, rouleaux, limaques et reuoltes d'iceux, comme aussi tout le corps des colomnes estoient reuetuz de feulles d'hierre a la rustique, si bien et proprement que le tout demeurait verd, écaillé, et couuert desdictes feulles; sur icelles sans aucung frize par dessus une double et grasse cornice, dont les fillets, bozels, doucines et carrez estoient pareillement couuers de l'hierre, estoit pozé ung grand front enfermé par ses deux costez de deux termes de mosleure reuestuz de semblable sorte, au delà desquels deux autres termes de chacune part enfermoient les écussons et diuises, tant de sa maiesté que des deux Roynes et de Messieurs. En iceluy front, qui estoit de couleur de maçonnerie, du costé de l’auenuë, estoit escript :
î)iu. Francisco diu. Henr. F. 1). Fran. nep. opï.
ATQUE FOEL1C1SS. PRINC. REGIQUE POTENTISS SACRUM.
Qui signifie en françois:
Au diuin François , second de ce nom, fils du diuin Henr. neueu du diu. François, très-bon et très-heureux prince et roy très -puissant. Sacré.
Au-dessus de ce frontispice estoit ung tympan orné semblablement de rhierre ayant en son meillieu une grande larue d’or qui dénotoit la terre, et sur chascung des troys acroteres dudict tympan estoient posez de grans vazes de bronze pleins de feu artificiel qui lançoient leurs flammes liault près d’une lance, et au dessoubs estoit escript dans les acroteres mesmes en italien :
