FIN AL CIELO N’ANDARA LA FIAMMA
Qui signifie en françois:
Jusques au ciel en reluira la flamme
De l’autre costé du front estoient ces mots :
OB SEDATOS TUMULFUS ET HESTITUTOS DIVIS HONORES.
Pour avoir seoié les tumultes et restitué l’honneur aux dieux.
Cinquantes pas au dessus dudict arc qui auoit enuiron huit toizes de hault sur six de large, se regardoient deux fonteines composées de deux termes plus grans que le naturel assis sur deux bases rustiques iettans l’eau audessus du nombril par une gargoulle d’or façonnée en meufle de Lyon, dont l’eau viuement s’epanchoit en une concque de pierre esleuée sur deux pillastres au front de laquelle estoit graué :
COMMODITATI PUBLICÆ
Qui signifie en françois :
A la commodité publique.
Et par dessus lesdictes gargoulles dans ung entablement qui comme une gayne renfermoit le corps desdits termes estait escript en lettres noires d'autant que les entablemens representoient ung marbre blanc et poly :
Au saint bal des dryades A Phœbus ce grand dieu,
Aux humides naiades J’ay consacré ce lieu.
De Medici la race L’honneur et l’ornement.
Pour plus heurer la place Sy proumene souuent.
Ne troublez point cet’eau ,
O passans, car c’est londe Qui vient à Chenonceau Pour seruir tout le monde.
Qui estoit par-ce que deux autres fonteines estoient es iardins belles et magnifiques, reseruées pour le seruice des Seigneurs, chose très necessaire en ung si grand lieu, auquel tant de gens abondent quant la court y est : principalement si lesdicts lieux sont hors des villes et séparez des gros villages.
Au dessus desdictes tables sortoit la teste des termes embranchée et feulleuë de laurier d’hierre, de grans rouzeaux et bouquets de fleurs qui donnoit grand plaisir aux passans.
plus auant que lesdictes fonteines, nature auoit, pour plus orner toutes choses ( comme si la terre et le ciel eussent d’ung accord consenty d’illustrer la venue d’ung si bon et grand rovi, mis deux beaux chesnes l’ung deuant l’autre, et en pareille distance qu’estoient la largeur et perspectiue de jadicte allée, aux branches et svmets desquels, que nous
allions fait noircir aussi noirs que tac, furent accoliez plusieurs pots a feu, fuzées, moulinets et gyrandoles, que Ton enflamba si dextrement, qu’apres qu'elles eurent siflé et pétillé ung long temps, les éclairs et couleurs de leurs flammes differentes au trauers des fumées obscures qui sembloient anuytter tout le chasteau, donnèrent autant de plaisir que d'admiration a tout le monde.
Au delà desdicts arbres ung peu costierss’affrontoientl'ung a l'autre deux grands obélisques embranchez par les arestes de leurs mosleures et le cintre de leurs niches de rynceaux de l’hierre, depuis leur pié destal iusques a carré, et a la plynthe de leur pointe qui estoit chargée d’une grand pomme d’or ouale. Dans leur pié destal qui estoit composé de calloux verdis à la rustique, sur chascune face estoit posé une table oblongue et rouge, comme aussi estoient ses mosleures tant hautes que basses. En une de ces tables estoit graué en lettres grecques :
AGATI PSICHI BELTISTI THYROUROS.
La bonne conscience est la seureté de la porte.
Et en l'autre ce vers d'Homère, pris de l'Iliade :
OU CRI PANNYCHION EYDEIN BOULIPHORON ANDRA.
Il ne faut pas que celuy qui doibt bailler conseil dorme toute la nuyct.
Au partir des obélisques sa maiesté rencontra ung pont dormant, par sous lequel couloit ung grand canal d'eau viue reuestu descarpe et contrescarpe de pierre. Au trauers lequel murmuroient argentines, deux cleres fonteines qui
sourdoient du contrescarpe mesme, parmy le courant desquelles infinis grans brochets, luz, et grosses carpes, lamproies, bresmes et autres grans poissons amusoient les passans acoudez sur le pont embranche et couuert de grandes touffeures d’hierre lambellées d’or clinquant.
Par ce pont il entra dans la terrace, qui peult auoir troys cent pas de trauers, sur deux cents de long : et qui est si haute au regard de la grande et première court, qu’elle semble comme cauallier commander a tout le reste : de sorte que sans difficulté en s’y proumenant, on en voit toutes les auenues, les iardms et parterres, voire iusques au profond du parc : et on va Ion à pié plein iusques aux premières marches par sur lesquelles ont gangne le pont leuis et l’entree du chasteau.
En ceste terrace, sur le coing du costé du dehors a main gauche, estoit sur ung grand pié destal gris, écaillé, et martellé a la rustique, tout semé de flammes rougeastres, ung pillastre attique, carré, percé à iour selon les oues et ouurages dont il estoit comparty : dans lequel quatre grosses lampes alumées donnoient la nuyt une grande clairté au trauers lesdicts trous : dond il estoit foré de façon qu’iceux pour n’estre reparez par le dedans que de verre de couleur, rendoient des clairtez par le dehors si variables et differentes, que les estoiles sembloient à l’entour dudict pillastre estinceler de toutes pars.
Aussi que comme sa maiesté passoit par deuant, l'on mist le feu à une infinité de fuzées, grenades, pétards et autres artifices de feu qui rauirent la compagnie d’extreme admiration : pour ouyr au mesme instant trente canons qui estoient en bataille sur le quay de la riuiere qui ronflèrent de telle furie que l’air et les cieux en retentirent long temps.
Sur l’une des plynthes du pié d’estal de ce pilastre estoit graué :
LYCNOPHORË.
C’est a dire porte meiche ou porte lampe. Duquel usoient les anciens dans leurs phares et autres lieux magnifiques pour eclairer. Dans le millieu du dict pié d’estalestoitjescript en lettres grecques :
PYR ASBESTON.
C’est a dire feu inestingible : qui est la signifiance du feu qui iadis se gardoit au temple de Veste, et de celuy qui auecques si grande opinion et superstition se nourrissoit immortel dans les sepulchres antiques des anciens roys et monarques.
Sur les quatre pointes dudict lychnophore ou pillastre, ainsi par le dedans allumé de lampes, pendoient des flambeaux de feux artificiels flamboyans si fort que toute la terrace en estoit non seulement eclarée, ains la court basse, le chasteau, et presques le profond de la grande allée.
Au dessus dudict pillastre du cousté du grand iardin qui estoit le gauche en entrant, estoit ung grand perron esleué de sept piez sur deux degrez, au tour desquels s’estendoit, ung préau de gazons, desquels pareillement estoit chaffavdé tout le perron. Sur ce perron estoient troys degrez des mesmes gazons, non carrez comme le perron, mais brizans leur quadrature en sarondissant par le deuant : sur iceux en façon d’autel antique estoit panchante et appuyée contre une colomne rouge asize au millieu, une fort grande table ouale tournallée de cyprès, pin, grenadier, et bouys fane et meurtry, arbres sacrez à Pluton et d’ung cercle noir pour
témoigner l'apparent deuil de ladicte dame royne mere de sa maiesté.
Dans cette table nous auons fait escrire :
Trouppeaux brancheus dond la fuytte poudreuse Ya, iours et nuits gallopant ees buissons,
Céleste vol (oiseaux) dond les chansons Font retentir ceste causte umbrageuse.
Troupe azurée et l’onde tortueuse,
Faisant soudain dix mille limaçons,
Si quelquefois au doux bruit de voz sons,
D’icy passer personne est tant heureuse.
Vous luy direz, soit roy, prince, ou soldart Que son chemin cy mene ou le hasard.
Passant , demeure et voy le saint riuage.
Ou Catherine en dédaignant l’orgueil,
Des hommes vains, pour témoigner son deuil Yeult acheuer les iours de son veuuage.
Sur la syme de la eolomne es toit une grande et grosse teste d'or de Meduze béante et encheuelée de serpens enlacez, pour dénoter que la prudence et sagesse de Minerue, acompagnoit auiourd’huy ladicte royne, par le bon conseil de laquelle la France estoitce iourd'huy bien gouuernée etregie.
Au costez du perron ioignantles bords de la table ouale, il y auoit des plançons rouges, sur la pointe desquels estoient des morions d’or à l’antique, et par leur dessous des depoulles de malch et cottes d'armes à lambeaux dorez auecques carquois et fleiches enlacez en guyze de trophées, par le dessouz desquels audicts plançons estoit attachée une petite table quarrée rouge dans laquelle estoit escript en lettres d'argent :
