MANIBUS DATE L1LIA PLENIS
Qui signifie en françois, donner des lis a pleines mains.
Sur le pié destal estoit une colonne brizée et tournaillé de cordons de bouys, desquels elle estoit toute couuerte, et sur l’une des colonnes estoit une victoire présentant la coronne de laurier d’une main quelle auançoitau possible et de l’autre elle auoit aueeques fort bon geste auallée ius-
ques près du genou elle tenoit une branche de palme , aiant la teste embranchée d’ung tour de l’hierre, et reuestuë à l'antique de si bonne grâce, et de telle maiesté que pour estre chose pensée, ordonnée, et fait en ung iour, elle estoit admirable. De l'autre part estoit une renommée aiant en la main une trompe et la teste couronnée pareillement. Comme sa maiesté regardoit ces deesses, une pallas qui estoit brauement et magnifiquement aornée à l'antique auecques son aegis et sa lance du haut d’ung balcon (c'est ung auancement et acoudoir sallissant hors la courtine et macif du logis au second estage par dessus le portail) sur le bord du quel elle auoit les piez, commença de dire a haute voix ces mots :
Roy des François, du ciel ou ton pere demeure :
Pallas suis desoenduë, affin detemonstrer Ce lieu champestre icy : que ie fait racoustrer,
Pour te seruir ung iour de royale demeure.
En acheuant elle laissa tomber sur le roy et sa compagnie grande quantité de chappeaux, guyrlandes, bouquets et fleurs, auecques infinis feuillets dans lesquels estoient imprimez les vers qu’elle auoit prononcez, dond sa maiesté aussi content quesbay print ung grand plaisir.
Au partir de la, acompagné des Roynes princes et seigneurs, il entra au chasteau pour souper d’ou le soir par les fenestres de la salle, quand de rechef l’artillerie eut acheué ses tonnerres, il veit dans la terrace deux grandes colomnes ardentes accompagnées de plusieurs autres feux artificiels, entre autres choses il y auoit deux arbres sur le bord de ladicte terrace vis a vis du chasteau aux branches desquels pendoient des flambes grosses et rondes, lesquelles Ion ne pouuoit apparceuoir a quoy elles estoient attachées de sorte que les arbres sansbrusler, estoient toutesfois tous en feu.
Le lendemain sa maiesté alla se pourmener dans les iardins, et le parc orné et différentié de petits théâtres faitz de gazons, d’intinies tonnelles, pan illons, cabine tz,berseaux, pallemailles, allées, et d’ung grand ieu de baie ceint de pins et autres beaux arbres fruitiers, le tout vyronné d’une part de ladicte rivière du Cher.
Lesquelles choses le sieur Lambert capitaine de la place auoit en telle diligence et de si bonne grâce fait acoustrer que cbascung en estoit emerueillé grandement.
Dans la maistresse allée et plus droite dudict parc au font d’ung boys de haute fustaye s’auançoit ung grand chesne dans l’écorce duquel estoit enfermée une table en laquelle etoient escripts ces vers :
Ou vas tu si grand pas princesse arreste toy.
Et voy de ce grand parc, la mélangé naifue,
Les fleurs et le9 berseaux qui du long de la rlue De mon voisin le Cher, sont a l’entour de moy.
Auant que ma Pallas, mere de vostre roy (Veillent les puïssans dieux que son amour poursuyue)
Eust pris plaisir ic.y il ny auoit fleur viue :
Mais desers et buyssons estoient ce que ie voy.
Les nymphes et les dieux qui gardoient ces riuages Malcontents de l’horreur de mes ronces sauuages S’estoient allé cacher dépits en quelque coing :
Mais si tost qu’ils ont sceu que ceste grand deesse,
Auoit délibéré d’v passer sa tristesse :
Ils ont repris conte ns de Chenonceau le soing.
En une autre grandissime allée non si droite que cesle la, mais pour varier le plaisir ung peu tortueuse du long du riuage et quay de la riuiere, dans ung superbe et très haut chesne , battu des vents et dond les branches écartées e {
eheueluës sembloient superbement dédaigner la petitesse des ormeaux et arbrisseaux qui le coustovoient, il y auoit pareillement une table dans laquelle estoient engrauees ces parolles :
Tous les freres du nort qui mutins dans les cieux.
S’efforcent couroucez de m’eclatter la teste,
La gresle ne la pluye, orage ne tempeste Ne m’ont peut desloger encores de ces lieux.
Le chief aux cieux dressé immobile i’arreste.
Ne craignant que les feuz des foudres furieux Qui vinsent sans mercy par le sort des grands dieux En mil’ éclats volans mecarboller la creste.
Hommes ne craignez point des hommes la fureur,
Quand les dieux tous puissans fauorisent vostre heur Et que vertu en est la maistresse racyne.
Car iamais des malins la force, ne l’orgueil,
N’enfermera le los des justes au cerceuil :
Et ne déplantera une race diuine.
En Fung des cabinetz qui acolloit et s’umbrageoit d’ung bel et grand ormeau, bien branchu et excellent, Ion auoit représenté de gazon ung lieu deuot en façon d’oratoire segregé de la presse et du bruyt : de sorte que le silence sembloit en ce lieu inuiter les personnes a reuerer et penser en celuy qui par sa sainte grâce y auoit amené si illustre et noble compagnie qui est le Dieu tout puissant de qui dépend la tranquilité des humains. Contre ce grand ormeau estoit acolée une table portant ces mots escripts.
Le Dieu, le grand, le puissant, l’infiny Celuy qui fist d’ung rien tout ce grand monde :
Les airs, les cieux, le feu, la terre, et l’onde Tout commencé, tout parfait, et finy.
Et qui l’homme a, d’une raison garny Pour commender a cette chair immonde Affin qu’il peust loger nostre esprit munde Aux cieux desquels le méchant est banny.
Veille sur nous la saincte grâce espandre De sa parolle, et nous la faire entendre Pour le loüer et vaincre l’infidele.
Car il a dit : Je suis ton dieu ialous De ma louange et de l’heur de vous tous Et qui seul puis donner vie immortelle.
Il ne faut doubter que sa maiesté les Roynes, princes, dames et seigneurs furent fort contens et satisfaits. A l’ariuée de sa dicte maiesté tous les ouuriers, bêcheurs, manœuures et subiects de la terre qui estoyent près de nœuf cent allèrent au deuant départis en quatre enseignes selon l’ordre qui sembla meilleure : et n’empescher la veuë de ce beau chemin large et spatieus se parquèrent en bataille enseignes déployées et tabourins battans au dessus d’une croppe et coline laquelle coustoyant la venue sembloit commander audict grand chemin.
Leurs enseignes estoyent de taffetas noir trauersees d’ung coin à l’autre d’ung lambeau de taffetas blanc, couleurs aptes a la demonstrance et signifiance de deuil : et au aient les dicts ouuriers chascung en la main une grande perche blanche au bout de laquelle estoit attaché ung rameau verd.
Au pié des ormeaux, chesnes et autres arbres, ledict sieur Lambert auoit fait assoir les femmes desdicts ouuriers et subjets, ayant toute la teste couronnée d’ung grand et lourd chappeau a la rustique émaillé et piollée de mille couleurs.
Outre que le chemin estoit tout semé et couuert de ionchée verte, de gros bouquets de violletes, de gyrofflées et autres fleurs decentes et conuenables a illustrer et reiouyr la venue d’une si noble et sainte compagnie.
Comme sa maiesté passoit, lesdictes femmes et leurs enfans pleins de joye et allégresse de leur seul instinct (comme presageans la certeine félicité de son régné), en criant d’une voix vive le roi, feirent resonner les airs et les nues de leur cry : ce que tous prindrent a bon et heureux augur, comme il sera si Dieu plaist.
Nous auons omis que soubs les piez de la Pallas dans la frize du balcon estoit ung grand tableau, auquel on lizoit ces mots :
MED IIS IN FLUCTiBLS ARAE.
Qui signifie qu’au meillieu des flots estoient les autels. Pour denotter que Chenonceau qui est sur le Cher estant ce iourd’huy la maison d’une si diuine et illustre princesse et royne, estoit comme ung autel et logis d’une déesse : et véritablement ledict logis est de si bonne grâce et si décemment acoustré, et orné par la diligence de son controlleur le sieur d’Odeau que peu d’autres maisons se voyent si bien accomodées.
EX Fl MO BAUE UC EM.
