FORTUNÆ ET GEN US FRANCISCI

C’est a dire, a la fortune, et a la bonne nature de François.

De l’autre cousté du front de cest arc sçauoir est vers la porte du chasteau, estoit dans le meilleu de la table ung fort grand soleil d’or, a l’entour duquel estoient escrits ces vers d’Hesiode, pris dans son liure des œures et des iours.

PANTA IDON DIOS OPHTALMOS KA1 PANTA NOISSAS.

C’est a dire, l’œil de Jupiter voyt tout et toutes choses il considéré.

A chacung costé de l’arc contre l’areste des pillastres estoient deux femmes acoudées, representans des naïades nymphes des eaux et fonteines, lesquelles iettoientpar des vazes sur lesquels elles panchoient la hanche, ung tetin, et l’une des mains, grosse abondance de vin clairet, et pareillement par ung cor quelles tenoient en l’autre, elles le rendait si dru et subtil que l’air sembloit pleuuoir sur leurs testes.

Dans le parapet (c’estoit l’acoudoir qui estoit posé sur le contrescarpe des douues du chasteau et de la terrace) sur lequel elles estoient couchées, qui estoit verd et semé de flambes, il était graué en lettres d’argent.

INDÆ.

Dénotant c’est embleme, que comme les ondes sourdoient des feux, choses contre le naturel, ainsi que des guerres tumultueuses et enflambées, de courroux, malveillance, de haines et de malheur, sortoitlapaix fmablement : et de grand trouble, souuent grande tranquilité. Au delà de l’arc ung peu plus auant sa maiesté rencontra le pont leuis qui estoit leué pour empecher l’entrée de tout le monde au chasteau, tant qu’elle y fust. Contre la face dudict pont (qui si tost que sadicte maiesté en approcha, commença a se baisser) estoit une grande femme peinte en renommée (ouurage comme lesdictes naïades et autres victoires dond parleray cy-après du seigneur de Saint Martin personnage en son art très singulier) ailée et tymbrée d’ung cercle de laurier, qui tenoit en ses mains une grandissime table blanche en laquelle estoit escript en lettres fort longues et fort grosses ce vers :