DE FRANCE
CIIASTEAU DE CHENONCEAU.
8 janvier 1G03.
Inventaire des meubles, tiltres estant à Chenonceau, faict par le sieur Bailly d’Amboyse, à requeste de Madame de Mercœur, duchesse de Ponthieure, veufve d’Emmanuel de Lorrayne, duc de Mercœur, qui estoit héritier universel de laroyne Loyse, à laquelle ladicte terre de Chenonceau , meubles et tiltres appartenoient comme douairière de France.
Aujourd’huy mercredy, huictiesme jour de janvier, l’an mil six cens troys, à l’heure de six heures du matin, nous, Françoys Fromont, licentié es droicts, conseiller du roy, nostre sire, et son bailly d’Amboyse, à la requeste, poursuicte et diligence de très haulte et puissante princesse dame Marye de Luxembourg, veufve du deffunt très hault et illustre prince, messire Philippes Emmanuel de Lorrayne, vivant duc de Mercœur et de Ponthieure, prince du Sainct-Empire, tutrice et curatrice de damoyselle Françoyse de Lorrayne, fille mineure d’ans des dictsdeffunct sieur et dame de Mercœur, comme il nous est apparu, par l’acte de la nomination et eslection de la dicte dame en la dicte charge, donné en la prévosté de Paris, le mercredy, quinziesme jour de inay, l’an mil six cens deux, signé par collation Jacques et
Nutract, nous sommes h l’elfect de procedder ù la description, prisée et estimation de tous et chacuns les meubles , tiltres , pappiers et enseignemens dellaissés du décès de la deffuncte royne Loyse, dernière douairière de France, de laquelle le dict deffunct seigneur duc de Mercœur, estoit héritier universel , transportez au chasteau de Chenonceau , distant de la ville d’Amboyse, lieu de nostre demeure, de troys lieues environ, accompagnez de Jacques Mercier, greffier ordinaire au baillyage du dict Amboyse, qu’avons appellé pour vacquer avecques nous au faict dudict inventaire et description, où estant arrivez sur l’heure d’entre huict et neuf heures de ce dict jour, s’est la dicte dame duchesse, au dict nom comparue en sa personne, comme aussy s’est comparu noble homme René Adam, Concur (gouverneur) en la maison de ladicte dame Royne, procureur spécial de illustrissime et révérendissime prince, monseigneur Erne de Lorrayne, évesque, conte de Verdun, prince du Sainct-Empire, nommé et eslu poursubrogé-tuteur de la dicte damoyselle Françoyse de Lorrayne par le susdict acte dudict jour mercredy, quinziesme jour de may dernier mil six cens deux, et faict le serment en ladicte charge, quoy que soit, maistre Nicollas Maldamect procureur et entremecteur des affaires du dict seigneur évesque de Verdun , et son procureur spécial , fondé de lettres de procuration , le mercredy vingtsixiesme jour de juin, aussy dernier, mil six cens deux, signé Drouart, comme il nous a faict apparoir par procuration démon dict seigneur, passée par davant Girault et Nutrat , notaires au Chastellect de Paris, le lundy trante et pénultième jour de décembre, aussy dernier, signez Girault et Nutrat, aussy en sa personne, lesquels copie d’acte de curatelle collationné, acte de subrogation et procuration du dict seigneur évesque de Verdun, seront incérés à la fin de ces présentes et, ce faict, la dicte dame duchesse, ensemble le dict Adam , procureur spécial du dict seigneur, évesque de Verdun , nous ont requis proced-
der à la confection duclict inventaire et description des dicts meubles, tiltres, pappiers et enseignemens et estimation d’iceulx meubles , à quoy avons vaqué avecques nostredict greffier, ayant appellé pour b estimation et appréciation d’iceux Florentin Rillard, sergent royal aubaillyage d’Amboyse, etGernval et France, priseurs et vendeurs debiens meubles, Françoys Deschamps, tailleur de la deflimcte royne douairière, et Henry Haultebourg , ouvrier en soye, demeurans, lesdicts Deschamps et Haultebourg, au dict lieu de Chenonceau, desquels avons pris et receu le serment au cas requis, en présence de la dicte dame et dudict Adam, de bien fidellement et en leur conscience procedder au faict de 1 estimation et apréciation des meubles qui leur seront îeprésentés et pour ce faire nous a, ladicte dame, requis nous transporter aux basses courts dudict chasteau où sont les offices d’iceluy, affin de désaprésent inventairier et aprécier les meubles qui s y trouveront et prendre le serment de ceulx qui demeurent es logis d icelles et qui estoient officiers de ladicte deffuncte royne Loyse, s’ils n’ont point en leur possession ou s ils délaissent par fraulde à posséder aulcuns meubles qui ayent appartenu à la dicte deffuncte royne Loyse douairière, où nous estant acheminez et premièrement en la première office où loge Jehan-Baptiste Philipin, concierge desdictes basses courts, avons dudict Philipin pris et receu le serment s’il n’a ou ne possède aulcuns meubles qui soient ou qui ayent appartenu h la dicte defluncte royne Loyse, douairière de France, lequel par le serment cy-dessus par luy faict , nous a juré et dict qu’il n’a et ne possède et ne dellaisse à avoir et posséder aultres meubles qui ayent appartenu ù icelle que ceulx qu’il représentera présentement , et pour ce faire nous a conduictz et menez :
En la grande salle desdicts offices, estant en la basse-court neufve dudict chasteau de Chenonceau, et laquelle il a dict estre la salle ou mangeoyent les gentilshommes de ladicte deffuncte royne :
Une table de bois cliesne garnie de deux tréteaux telle quelle estimée dix solz, cy . x s-
Une aultre petite table aussy de bois cliesne sur quatre pieds estimée cinq solz, cy . v s.
Quatre banceiles aussy de bois cliesne, appellé repartage, ayant chacung six pieds de long, estimez à raison de cinq solz pièce, cy . xx s-
En la cuisine des offices desdictes basses courts :
Une table de bois cliesne, ayant une thoise et demye de long ou environ, servant à cuisine, estimée dix solz, cy x s.
En une aultre cuisine appellée la cuisine du deffunct sieur conte de Fiesques :
Une aultre table de cuisine de bois de cliesne, ayant aussy une thoise et demye de long ou environ, estimée dix solz, cy . x Sl
Et nous a dict ledict Philipin qu’il a mis es mains de Jehan Roullin, sommellier de la dicte dame duchesse, troys aul très tables, qui ont été portées audict chasteau , lesquelles avons différez à inventairier et aprécier, jusques à ce que nous soyons retournez audict chasteau et qu’elles n’ayent esté veues.
Nous sommes aussy transportez en l’office en laquelle colle (loge) Jouane Messine, lequel du vivant de la dicte deffuncte royne, mère du deffunct roy et royne Loyse, dernière douairière, avoit la charge du jardin verd et vollière, duquel avons pareillement pris le serment , par lequel il nous a juré et affirmé n avoii aulcuns meubles qui ayent appartenu à la dicte delfuncte royne douairière.
En l’office en laquelle faict sa demeure Françoys Deschamps, tailleur d’habits de la dicte deffuncte royne douairière, lequel, le serment faict, a aussy juré et affirmé en sa conscience qu’il n’a et ne possède et ne
dellaisse a avoir et posséder aulcuns des meubles de la dicte deffuncte royne douairière ni quiluy ayent apartenu.
En celle ou loge Picard Delplie, fontenier, tant du vivant de dicte deffuncte royne mère que dernière decedée, duquel aussy, le serment pris, a juré et affirmé n’avoir aulcuns desdicts meubles de la dicte deffuncte royne Loyse, dernière décédée.
Du dict lieu nous sommes aussy transportez en la basse court de derrière du dict chasteau, au logis ou faict sa résidance et demeure Françoys Chauvron, dict Chambert , varlet de fourrure de la dicte deffuncte royne Loyse dernière, où estant et parlant h sa femme, nous a dict le dict Chambert , son mary, estre absent et estre ce jourd’huy matin allé en la ville de Bléré, pour aulcunes ses affaires, et après avoir faict lever la main de la dicte femme Chambert et pris le serment d’elle, nous a juré et dict que son dict mary ni elle n’ont et ne possèdent aulcuns meubles qui ayent appartenu à la dicte deffuncte royne dernière.
Au logis où demeure Hugues Boucher, menuisier de ladicte deffuncte royne dernière, aussy le serment de luy pris au cas requis, nous a juré et dict qu’il n’a aulcuns meubles qui ayent apar tenu ù la dicte deffuncte royne, -et l’a aussy juré et affirmé.
Nous sommes aussy du dict lieu transportez au logis où fait sa demeure Anne.... veufve de Cezar de Glanderon, damoyselle, appelé la mesnagerie, où avons trouvé la dicte damoyselle, de laquelle avons aussy pris et receu le serment, au cas requis, par lequel elle a juré et dict qu’elle n’a et ne possède aulcuns meubles qui ayent appartenu à la dicte deffuncte et ne les vouldroit retenir.
Ce faict , nous sommes retournez au dict chasteau en l’une des cuisines duquel, vers la grande gallerie, le dict Roullin nous a représenté et faict veoir les troys tables qui luy ont été baillées par le dict Philipin , concierge des basses courts dudit Chenonceau.
Assavoir une table de cuisine avecques ung treteau et deux petits pilliers de bois, estimez sept solz six deniers, cy . vus. vid.
Une aultre table aussy de bois de sapin, garnye de deux tréteaux , pareille que celle cy-dessus, estimée cinq solz, cy . v s.
Une aultre table aussy de bois de sapin, garnye de deux tréteaux, pareille que celle estimée cy-dessus cinq solz, cy . v s.
Et dudict lieu, ladite dame nous a menez et conduitz en une chambre appelée cabinet, qu’elle a dict estre le cabinet de la dicte deffuncte royne Loyse, dernière douairière, depeincte de ses devises, où ont été trouvez les meubles cy-après, qui ont été descritz et inventairiez comme s’ensuit.
