SOYERIES ET LINGE ESTANS AU BOYS

PREHIBREMENT :

3141. Troys soyeries de soye pareilles, et ont les deux, chascune aux deux bouts, vingt royes d'or, et l'autre, viogt quatre.

3142. Item, une soyerie de soye bleue, à dix neuf larges royes d'or.

3143. Item, ung drap qui a le champ argenté, et a huit larges royes d'or.

3144. Item, une petite touaille de soye blanche, brodée à arbresseaulx.

3145. Item, une grant nappe de soyerie de fil blanc, qui a vi" xvui royes d'or plaines.

3146. Item, une soyerie de soye blanche outrée aux deux boutz de troys très larges royes de soye Muré et noire, à lettres de Damas et osteaulx.

3147. Item, une touaille qui est de fil de coton, et aux deux boutz ouvrée par manière de royes larges, royées de travers.

3148. Item, une touaille de soye ouvrée à façon de nappes, royé de sept larges royes.

3149. Item, deux nappes larges, de soye blanche, à litez, de quoy l'une est de soye violette et vert, et l'autre perse et rouge, contenant environ chascune cinq aulnes et demye.

3150. Item, une autre touaille de soye blanche, et a en chascun bout troys larges royes toutes d'or, semées de rozes blanches.

3151. Item, une autre touaille, ouvrée de l'ouvrage de nappes, qui a quinze royes d'or en manière de fueillages au travers, et deux larges aux deux boutz.

3152. Item, une autre touaille de soyerie, bien large, de soye blanche, ouvrée aux deux boutz de très larges royes à chasteaulx d'argent et autres ouvraiges.

3153. Item, une autre large nappe de soyerie à quatre littez en chascun bout, de soye perse pourfillée de royes d'or.

3154. Item, une semblable, mais que les littez sont de soye violet.

3155. Item, une autre nappe de soyerie, sur champ blanc, et tenue à six littez par manière de royes sur champ bleu, ouvré d'or et d'argent, pourfillées de royes d'or comme dessus.

3156. Item, une autre soyerie de soye blanche, ouvrée à façon de nappes, à troys barres d'or en chascun bout, et treize royes, tint d'or, comme de soye.

3157. Item , deux soy eries pareilles , qui sont pallées de soye blanche et violète, contenant chascune seze royçs d'or et de soye.

3158. Item, une soyerie de soye blanche, neellée à licteaux vers, et est frangée aux deux boutz.

3159. Item, une autre soyerie ouvrée, et est toute tainte en couleur violet.

3160. Item, une petite pièce de soye, crespé, estroicte, par manière de toille, contenant environ six aulnes troys quartiers.

3161. Item, deux aumusses de gorgières^ orfraisiées.