LES PROVINCES FRANÇAISES

lement Bretaigne Gallo du costé de la Normandie et d'Anjou, et là parlent françois. El en Bretaigne bretonnant, parlent un langage que nul qu'eux n'entand, s'il ne l'apprand. En ce pais ne croist point de vin, se n'est autour de Nantes : mais ils en ont assez de Poictou et d'ailleurs, par mer. Le plus de ces gens ne boivent qu'eaue sinon aux festes : et font moult de beurre qu'ils vendent aux estranges païs, et en mangent en caresme par faute d'huile... En ce païs a grant foison de bons ports de mer, grant foison de bœufs et vaches et bons petits chevaux, grans landes et forests et petites rivières, et plain païs sans montaignes, et grans seigneurs, barons et grant gentillesse, et de forts chasteaux et fortes gens et bons lucteurs, et les menues gens sont vestues de bureaux, et sont bonnes gens de mer. Et ces gens sont rudes gens et grans plaideux.

« Puis y est le païs de la duchié d'Anjou et la comté du Maisne, qui est bon païs et fertil de blez, de bois, de vins, de bestial blanc et rouge, et ce poissons, et y a belle noblesse, bonnes gens d'armes et vaillans, et y a très bon peuple et font leur labour à bœufs, comme en Bretaigne.

« Puis y est la comte du Perche et la comté de Vendosme, qui est très bon païs, de la condition d'Anjou et du Maisne.

« Puis y est la duchié d'Orléans, le païs de Chartres, celuy de Beauce, la comté de Blois et de Dunois, qui sont moult bons païs de blez, de vins. Et y a assez bois en aucuns lieux, et y a bon peuple et grans laboureurs. Ces païs ont esté moult fouliez de la guerre. Il y a deux bonnes citez, c'est-à-sçavoir, Orléans et Chartres, et en ces païs labourent à chevaux.

« Puis y est la comté de Dreux, la cité de Montfort, le païs de Hurepois, le païs de Gaslinois, la comté de Meulan, l'Isle-de- France, le païs de Brie, la comté de Gien, qui sont moult bons païs et fertils de blez, de vins, de bestial, de bois et de rivières. Et y a moult bon peuple et honnestes gens et bons catholiques. Et est à parler proprement le meilleur païs de tout le royaume. Et y sont les citez de Paris qui est la maîtresse cité du royaume et la plus grant, et y est le palais du roy assis au milieu de la ville, et passe la rivière de Seine autour dudit palais : et est icelui palais le mieux composé et édifié, et le plus aranl qui soit en nuls des royaumes des chrestiens : et là est assis la grant chapelle collé-