LA FRANCE

et d'amandes. Et y croist grant foison de ghedes et graine d'escarlate dont l'on laint les draps...

« Puis y est, delà Loire, le pais de Lionnois et de Beaujolois. Là sont les mines d'argent, de cuivre et de pion...

« Puis y est la duchié de Bourgogne et la comté de Charolois, qui est moult bon pais et plain et abondant de tous biens. Sur la rivière de Loire, en ce pais de Charolois, a bains chaulx. Et est ce pays de Bourgogne et de Charolois très fertil de blez, de vins, les meilleurs du royaume, et aussi de bestial et de poissons. Et y a en icelle duchié et sur ladite rivière jusques à Lyon, la cité de Lyon qui est archevesché, la cité de Mascon, la cité de Chalon. Et la principale est nommée Dijon.

« Puis y est le pais de Morvant en icelle duchié, qui est pais de montagnes pleines de neige l'hiver : et entre la ville de Dijon et icelles montagnes est la cité d'Autun. Ce païs est poure païs, et est païs de sablons, et y a assez bestial rouge et grant foison de bois. Et sont les gens dudit païs rudes comme ils sont en païs de montagnes, et aussi sont mesme rudes ceux de la duchié de Bourgogne.

« Puis y est le comté de Champagne, qui est beau païs et bon et plain païs et y a peu de bois, et assez blez et vins, bestial blanc, et labourent à chevaux, et y a assez vaches et petites rivières et y a bonnes toilles. Le peuple de ces païs sont bonnes gens et gens de bonne foy.

« Puis y est la duchié de Bar, qui est très bon païs de blez, de vins, de bestial et de poissons...

(' Puis y est la comté de Retel, le païs de Laonois, et la comté de Guise, et le païs Yermandois, qui sont très bons païs et plains sans montagnes, et y a grant foison blez, \ins et bestial et rivières, et sont bonnes gens, et se tiennent honnestement de vestures et de pannes, et y a grans seigneurs et barons.

« Puis y est le pais d'Artois qui est plain païs et peu de bois, et y a grant foison blez, bestial et petites rivières, et n'y croist point de vin, et boivent cervoises les gens d'iceluy païs, et sont sobres gens et se tiennent bien vestus et sont légiers à coursier et très nettes gens.

« Puis y est le païs de Tournesis, Douai, Lisle, Orcies, qui sont tels païs et de telle condition les gens comme ceux d'Artois. Et

sous CHARLES Vil". 127

y est la cité de Tournay qui est une moult belle cité et forte, et y fait-on moult mercerie et de harnois de guerre, et est cette cité niiement au Roy. Et passe par icelle cité la rivière de l'Escaut qui départ le Royaume et l'Empire. Et en tous iceux pais ne croist point de vin, mais le peuple et poures gens boivent cervoise.

« Puis y est la comté de Flandres * qui joint à icelui pais, qui est riche païs de marchandise qui vient par mer, de tous les royaumes chrestiens, et est ce païs fort peuplé, et y fait-on moult de draps de laines, et y a deux moult bonnes villes, c'est à sçavoir Gant et Bruges. Le païs de soy est poure païs et peu de labour, pour ce qu'il est en eaiies et sablons. Les gens de ces païs sont honnestes gens et bien vestus de fins draps, et de fines pannes, sont grans mangeurs de chairs, de poissons, de laict et de beurres : et sont gens périlleux à course et souvent rebellent contre leur comte ou leur souverain : et n'est ce païs riche que des grans marchandies qui descendent en iceluy païs.

« Puis y est le païs d'Amiennois, de Beauvoisis, de Soissonnois et de Vesquesin le François, qui est très bon païs de blez, de vins, de bestial et de bois, et sont les peuples de ces païs très bonnes gens et très honnestes de vestures et de vivres...

<i Puis y est le païs de Normandie qui est bonne duchié, puissant et riche : et est très bon païs de blé et de bestial blanc et rouge, et foison de belles forests et petites rivières, et grant foison de pommes et poires, dont l'on fait le cidre et le poiré dont le peuple boit, pour ce qu'il n'y croist point de vin, combien qu'il en vient assez par mer et par la rivière de Seine. En ce païs se font de moult bons draps en grant foison, et est ce pays de grant revenu au prince... En ce païs a grant noblesse et de grans seigneurs et barons, et y a grant foison de bons marchans par mer et par terre : et sont les populaires de grant peine et fort laboureux hommes et femmes : et sont honnestes gens de vesture et de mesnaige; et sont grans buveurs en leurs festimens, et grans chières se font par boire.

« Puis y est la duchié de Bretaigne, qui est bon païs, espécia-

1 La description de Gilles Bouvier est intitulée : Explicalion du royaume de France et des provinces voisines.