LETTRES DE LOUIS XI POUR LA RÉVISION DU PROCÈS DE JACQUES COEUR
« Loys, etc., aux séneschaux de Heaucaire, de Carcassonne, de Toulouse, gouverneur de Montpellier et à tous nos autres justiciers ou leurs lieutenants, salut. De la partie de nosamezet féaux nos conseillers, l'archevesque de Bourges, Henry Cueur, doyen et maistre ordinaire de nostre Chambre des Comptes, et Geoffroy Cueur , nostre varlet de chambre, enfans de feu Jacques Cueur, en son vivant conseiller et argentier de feu nostre très cher seigneur et père, que Dieu absolve, nous a esté humblement exposé que le dict feu Jacques Cueur, en son vivant, eut grand gouvernement et administration sur le faict des finances et gouvernement du pays de Languedoc où il se gouverna au bien du dict pays et entretennement des subjects d'icelluy , et, durant le dict temps, leva et mit sus grand *navigage de galées sur mer, pour naviguer au pays de Levant, au grand honneur, louange et proffict du royaulme et de la chose publique des Français. Et aussy se entremettoit du faict de marchandise, par les congié et licence de noslre dict feu seigneur et père, tant par mer que par terre, où il conquist grande chevance par son labeur et industrie, à l'occasion de laquelle il eut plu-
* Procès de Jacques Cœur, p. ilid el suiv.
sieurs hayneux et malveillants, lesquels, pour trouver façon de luy pouvoir courir sus, advisèrent ensemble que, attendu que icelluy Jacques Cueur estoit fort en la grâce de nostre dict feu seigneur et père, que, à bien grand peine, pourroient-ils faire choses qu'ils voulsissent pourquoy ils puissent parvenir à la fin à laquelle ils tendoienl, c'est assavoir à sa destruction de corps et de biens-, et, à ceste occasion, machinèrent ensemble que ils luy imposeroient que avait faict empoisonner feue Agnès Sorelle, et sur ce, de leur authorité, et sans mandements et commissions, firent examiner certains faux tesmoings qui, par haynes, promesses d'argent et autrement, indnement déposèrent, comme Ten dict, que le dict feu avait faict empoisonner la dicte Agnès. Par le moyen de laquelle faulse accusation le dict feu Jacques Cueur fut, de tout, mis hors de grâce et en l'indignation de nostre dict feu seigneur et père, et pour la seule grâce des dicts poisons, fut arresté prisonnier au chastel de Taillebourg et tous ses biens tant meubles que autres, quelque part qu'ils fussent, mis en la main de nostre dict feu seigneur et père. Et pour cuider donner couleur à la dicte prinse, et depuis icelle, fust donné commission à Antoine de Chabannes, Otto Castellan, ennemis capitaux du dict feu et autres, pour faire information sur le gouvernement du dict feu, tant au dict pays de Languedoc que sur le faict de sa marchandise, tant par mer que par terre. Pour lesquelles informations faire, le dict Otto Castellan vacca déligemment , et par icelles fit examiner tous les hayneux et malveïllans du dict feu et ses varletz serviteurs et autres gens corrompus, tant par promesse d'argent et autres, que par menasses ; lesquelles informations furent portées par devers aucuns qui se disoient estre du Grand Conseil de nostre dict feu seigneur et père, et par espécial devers le dict Antoine Cha-
bannes, qui se fesoit appeler comte de Dammartin, qui esloit un des principaux adversaires du dict feu sieur (Jacques Cueur). Sur lesquelles informations et autres cas imposez au dict feu^ il fut interrogé par certains commissaires qui à ce furent commis par nostre dict feu seigneur et père.
« Et premièrement, fut interrogé sur le faict des dicts poisons baillez à la dicte Agnès Sorelle; à quoy il respondit qu'il ne l'avoit faict ne faict faire ny qu'il ne sçavoit que c'estoit des poisons. Fut aussy interrogé sur ce que on luy imposoit qu'il avoit faict prendre un chrestien à Montpellier et l'avoit faict vendre par ceux qui menoient ses gallées sur la mer aux Sarrazins et infidèles. A quoy il respondist que on luy avoit dict que un More esclave avoit esté prins par ceux qui menoient ses dictes gallées, et que ceux de Rhodes avoient escript que si on ne le faisait rendre on pourroit donner empeschement à ses dictes gallées pour ce que les dicts Mores et les dictes gallées avoient sauf-conduit et promesse de ne prendre gens esclaves l'un de l'autre, et en pareil cas, les dicts Mores luy avoient rendu un esclave chrestien qui s'en estoit fouy des dictes gallées en Alexandrie, et que, à cette occasion , il le fit rendre, et aussy ne sçavoit pas que il fut chrestien, car il estoit de la terre des Mores, qui de leur propre nature sont infidèles.
(c Fut aussy interrogé sur ce que on luy imposoit que il avoit marchandé et porté ou faict porter du harnois au souldan, et que il en avoit faict présenter partie au nom de nostre dict feu seigneur et père. A quoy il respondit que d'avoir marchandé avec les infidèles et Sarrazins ce avoit esté par congié et permission du Pape, et que nostre dict feu seigneur et père l'avoit chargé d'apporter du harnois aux infidèles pour veoir desquels harnois ils se aydoient, et que
pour complaire à iiostre dict feu seigneur et père, et pour avoir occasion d'apporter du dict harnois, il avoit faict demander congié à nostre Saint Père de porter ou faire porter certaine quantité de harnois au dict souldan^ lequel luy en avoit donné congié, comme luy avoit rapporté TEvesque d'Agde, et à cette occasion avoit faict présenter au dict souldan certaine quantité de guisarmes, deux jazerans et certaine quantité de petits cranequins h tendre à la main et autres; et par ce moyen, fut rapporté du harnois du dict pays à nostre dict feu seigneur et père.
« Fut aussy interrogé sur plusieurs sommes de deniers qu'il avoit exigées du dict pays de Languedoc au nom de nostre dict feu seigneur et père, qu'il avoit applicquées à son proffict. A quoy il respondit que il ne se trouveroit ppint qu'il eut exigé aucune somme d'or ne d'argent dont il n'eust tenu et eust bonne volonté de tenir bon et loyal compte à noslre dict feu seigneur et père, et qu'il pouvoit estre que le dict pays, oullre la somme octroyée à nostre dict feu seigneur et père , luy auroit donné aucunes petites sommes de deniers qu'il auroit eues et appliquées à son proffit.
(( Fut aussy interrogé sur ce qu'on luy imposoit que il avoit souvent dict au dict pays de Languedoc que, quand on donnoit à nostre dict feu seigneur et père cinq ou six mille francs oultre Tayde qu'on luy octroyoit, il y presnoit plus grand plaisir qu'il ne faisoict au dict ayde. A quoy il respondit que il le pourroit avoir dict pour induire les gens du pays à octroyer plus légèrement, et en ce avoit toujours faict pour nostre dict feu seigneur et père tout le mieux qu'il avoit peu, et que de telles choses il n'avoit rien eu à son proffit, et que de ce il se rapportoit à nostre dict feu seigneur et père.
a Fut aussy interroge sur ce que on luy imposoit que il
avoit faict porlei en ses gallées aux dicls infidèles et Sarrazins certaine grande quantité d'or et d'argent, signé à une fleur de lys de moindre prix et loy qu'il ne debvoit. A quoy il respondit que il avoit faict venir plusieurs marqz d'Allemagne, de Lorraine et d'ailleurs qu'il avoit faict transporter, et non point de celuy du royaulme, et que, de son sceu et commandement, ceux qui menoient les dictes gallées n'en avoient point mené ne si'gné à la fleur de lys.
« Fut aussy interrogé suc ce qu'on luy imposoit que il avoit retenu par devers luy un scel de plomb gravé à la semblance du scel de secret de nostre dict feu seigneur et père. A quoy il respondit que, sur le faict de Gennes et de l'Église, fut ordonné qu'il en feroit un petit scel en plomb pour sceller aucuns blancs baillez nécessaires pour la matière, et furent ordonnez secrétaires pour signer les dicts blancs et en raportant le double, et que le dict scel demoura au feu patriarche de Poitiers ou à M. Jean Thierry, lequel scel il n'avoit oncques tenu et n'est demeuré devers luy, dont il fut recors.
(( Fut aussy accusé de ce que on disoit qu'il avoit pris argent des habitants de Provence, d'Avignon, de Cathalogne et des Genevois (Génois) pour faire cesser ces marques qu'il avoit appliqué à son proffit. A quoy il respondit que il n'y avoit rien faict que ce ne fut par délibération de nostre dict feu seigneur et père et des gens de son Conseil, et que les deniers qui avoient esté receuz pour les dictes marques avoient esté distribuez ainsy que nostre dict feu seigneur et père avoit ordonné, et que pour ses penies et travail d'avoir pourchassé que les dictes marques cessassent, qui avoit esté pour le bien des habitans des dicts pays, on luy avoit donné aucunes sommes de deniers qu'il avoit peu licitement prendre.
PIÈCE j\^ 20. 367
{( Fut aussy accusé que il avoit exigé un scellé de deux mille escuz des sires de Canillac et de La Fayette pour faire consentir nostre dict feu seigneur et père' au mariage de nostre très cher frère et cousin le duc de Bourbon, et de nostre sœur Jeanne de France. A quoy il respondit qu'il n'avoit point esté promouvant de Texécution du dict scellé, et que de la dicte somme n'avoit esté rien payé, et que de ce, il se rapportoit à nostre dict frère et cousin le duc de Bourbon, et aux dicts de Canillac et de La Fayette.
« Et d'après ce que il eut esté interrogé sur toutes les choses dessus dictes et respondu par la manière dessus dicte, il sembla auxdicts commissaires navoir suffisamment respondu, et à celte occasion luy dirent que il s'advisast bien et que, s'il ne disoit la vérité, on procéderoit contre luy par géhenne et torture. Et certain temps après les dicts commissaires le feirent venir par devers eux, et de faict, l'interrogèrent sur les choses dessus dictes, auxquelles il respondit de la manière sus déclarée; et pour ce qu'il leur sembla que il avoit des choses assez péremptoires pour ses jusliffications et deffenses, ils hiy donnèrent délay seulement de deux mois pour les informer des choses qu'il avoit dictes et respondues aux interrogatoires qui avoient esté faictes. Dedans le temps, il lit. ce qu'il pût, et le dict délay escheu, demanda autre délay poui" informer de ces faicts tant par lettres que par tesrnoings, lequel délay on ne luy voulut point donner, mais tirent venir les torturiers lesquels le firent dépouiller, et après le lièrent par les poings et par les jambes poiir le vouloir gehenner, auxquels il dict que on luy faisoit tort, qu'il estoit clerc, et appela des dicts commissaires; nonobstant lequel appel, et attemptant contre icelluy, les dicts commissaires et autres qui furent commis avec eux interrogèrent derechef le dict feu, et pour ce qu'il ne respondait
point à leur gré, le firent mener au lieu de la question où ils le firent asseoir sur la sellette , auquel lieu derechef l'interrogèrent sur plusieurs des cas dessus dicts. Et, pour le grand déplaisir qu'il avoit d'eslre détenu si longuement prisonnier, et le double qu'il avoit de la dicte question, se confiant de la grâce de nostre dict feu seigneur et père, lequel, en tous cas, réservé celuy des poisons, les avoit pardonnes et abolys, se rapporta à la déposition des tesmoingsqui avoient déposé contre luy en autres cas que des dicts poisons , combien qu'il dict qu'il n'avoit point commis les dicts cas, et que les dicts tesmoings estoient ses hayneux. Par le moyen duquel rapport, sans vouloir donner commission au dict feu pour informer de ses dicts faictz par lettres et tesmoings, ne approuver Testât et habit qu'il avoit quand il fut constitué prisonnier et de sa cléricature ou par lettres ou tesmoings, et que, par nostre dict feu seigneur et père, eut esté dict comme dessus auxdicts commissaires ou à aucuns d'eux qui avoient la principalle charge du dict procès, que se le dict Jacques Cueur n'estoit trouvé chargé d'avoir empoisonné ou faict empoisonner la dicte Agnès Sorelle, tous les autres cas dont on luy donnoit charge il luy remettoit et pardonnoit^ et que, en tant que touchoit les charges dont on l'accusoit touchant les monnoyes, tant qu'il avoit tenu le compte de la dicte monnoye de Bourges et des autres charges à luy données au dict pays de Languedoc, icelluy Jacques Cueur se fut aydé des abolitions données par nostre dict seigneur et père à Ravault le Danois, Maistre de la dicte Monnoye de Bourges, dont icelluy feu n'avoit esté que facteur, que aux marchands fréquentans le dict pays de Languedoc dont il avoit produict les dictes abolitions par devers les dicts commissaires-, néantmoins, sans avoir regard aux choses dessus dictes ne auxdictes abolitions, firent donner certaine
sentence et jugement par les gens conlredisans du Grand Conseil de nostre dict feu seigneur et père, en sa présence, par laquelle le dict feu Jacques Cueur fut déclaré avoir commis crime de lèze-majesté, et par ce avoir commis corps et biens j et si fut condamné à faire amende honorable au procureur général de nostre dict feu seigneur et père et à rendre et restituer à icelluy nostre feu seigneur et père la somme de 100,000 escuz, et en amende proffitable la somme de 300,000 escuz, et à tenir prison jusqu'à pleine satisfaction, et le surplus de ses biens confisquez, et eslre banny perpétuellement de noslre royaulme, et au regard des dicts poisons, fut dict que le dict procès n'estoit pas en estât de juger combien que Jeanne de Vendosme qui, faulsement en avoit accusé le dict feu, fut le dict jour mesme, par autre sentence ou jugement, déclarée, pour la dicte faulse accusation, avoir confisqués corps et biens envers nostre dict feu seigneur et père^ mais, depuis, les dicts commissaires firent modérer la dicte sentence, et quelle seroit seulement bannie des pays de ïouraine et de Poictou, sans faire aucune absolution des dicts poisons dont il avoit esté trouvé net et innocent, afin que, soubz couleur des dicts poisons, il tensist toujours prisons fermées ; et si ne feirent pareillement aucune absolution touchant les faultes commises au faict des dictes monnoyes, dont il avoit produit les abolitions. Auquel jugement plusieurs gens laiz, ignorans le faict de justice, donnèrent opinion, et entre autres M. Jehan Dauvet, et combien qu'il fiist et se portast lors procureur général de noslre dict feu seigneur et père, pourquoy ne pouvoit ne debvoit opiner ne estre au jugement du dict feu, attendu que on tendoit à la confiscation de ses biens. Et partant, de la dicte sentence ou jugement, se ici doibt estre dict, le dict feu appella sitost qu'on le luy notiffia -, lequel appel n'a peu
