Amersfoort, ville de Hollande, province d'Utr-echl

APPENDICES l35

héritage et leur confirmer et entretenir leurs privilèges et immunitez.

Et pour la personne de mondiet sieur le Duc, promect et sera tenu bailler et faire délivrer doresenavant la somme de trente mil livres tournois de pension annuelle, et davantage la somme de vingt mil livres tournois chascun an par manière de don et gratuité.

Avecques ce, promect et sera tenu soudoyer et entretenir doresenavant es pays de mondiet sieur le Duc et soubz sa charge et conduicte le nombre de cent lances fournies de ses ordonnances, que mondiet sieur le Duc mettra sus et lèvera, à raison de vingt-deux livres dix solz tournois chascun homme d'armes par moys et unze livres cinq solz tournois chascun archier par moys payables par les mains dudict sieur Duc dont toutesfoys les monstres se feront par telz commissaires et contrerolleurs qu'il plaira audict sieur Roy ou à messeigneurs les mareschaulx de France ordonner.

Promect oultre plus luy faire avancer une année entière tant de ladicte pension et don que du payement et soulde de ladicte compaignye, incontinent après la ratification du présent traicté.

Lesquelz don, pension et entretènement de gendarmes ledict sieur Roy ou ses successeurs à la couronne seront tenuz continuer audict sieur Duc perpétuellement chascun an sa vie durant et en faire délivrer les payemens de troys en troys moys dans le royaulme aux agens ou ministres de Monsieur le Duc.

Et mondiet sieur le Duc promect de servir bien et loyaulment ledict sieur Roy doresenavant à perpétuel de sa personne, gens, villes, forteresses et pays par terre et par mer envers et contre tous tant en olfendant qu'en defiendant. Et sera le serment en tel cas requis incontinent après que ladicte avance luy aura esté faicte, et quant et quant le fera faire semblablement aux gouverneurs et capitaines tant de ses villes, pays et forteresses que des gens de guerre estans à sa soulde et service et davantage que après son décès il rendront audict sieur Roy ou à ses successeurs à la couronne toute telle obéissance qu'ils font de présent à mondiet sieur le Duc.

Aussi promect de faire entièrement son devoir et pouvoir de faire approuver et ratifier la donation qu'il a faicte entre vifz au proffit dudict sieur Roy et des successeurs à la couronne par les quattre principalles villes de son Estât, assavoir Roremonde, Nemègue, Amhem et Zutfen et pareillement par la ville de Groningue dans le terme d'an et jour. Et si dans ledict terme ne luy estoit possible avoir faict faire ladicte ratification, il supplye le

l3(» JACCJIKS COLIN, AHHK I)K SAINT-AMHROISE

Roy le luy vouloir prolonger jusques à la troysiesme année, dans laciuellc espace il promect et s'oblige fournir audict sieur Roy ou à ses successeurs à la couronne ladicte ratification en bonne forme infallibleinent en quelque manière que ce soit.

Item, pour ce que le droict et tiltre à quoy il tient la vilîe de Groningue et les aultres terres qu'il a en Frise n'est à Faventore tel à présent qu'il en puisse faire donation valable au lirofïict dudict sieur Roy, il promect et s'oblige mettre les choses en estât dans ledict terme de troys ans qu'il en fera ledict sieur Roy juste propriétaire et dans ledict temps luy en donnera seureté pareille à celle des autres estatz dont il luy a faict donation.

Item veult, consent et accorde que les conquestes et acquisitions qu'il fera cy-après suyvent la nature de ladicte donation, c'est assavoir (jue mondict sieur le Duc en demourera maistre et usulfruictuaire sa vie durant et ledict sieur Roy propriétaire.

Kt si mondict sieur le Duc venoit à avoir enfans, descendans de son corps procréez en loyal et légitime mariage, ladicte donation ensemble la présente capitulation sera nulle et de nul effeet et valleur, excepté que mondict sieur le Duc demourera serviteur dudict sieur Roy à telz partiz et condicions qu'ilz adviseront après par ensemble.

Oultre plus a esté accordé que ledict sieur Roy licitement pourra dans Tan si bon luy semble se désister et départir du présent traicté et des effectz et contenu en icelluy. Et pareillement que s'il y avoit faulte ou négligence du cousté du Roy en l'accomplissement des choses par luy prommises cy-dessus mentionnées, après sommations et poursuyttes deuement sur ce faictes, ladicte donation ensemble la présente capitulation seront irrites et non vallables.

Faict à Ermesfort, le xiiii* jour d'octobre mil cinq cens trente et quatre.

Signé : Charles Jaques Colin

abbé de St-Ambroys.

(B. N., Dupuy 4G8, f. 43-4/î).

((iSO)