XIII. — 1469, 13 JUIN

de rechef interrogué en oultre la confession par liiy premièrement faicte. Lequel, après ce qu'il a juré de dire vérité, a esté interrogué quel argent il a baillé a Denis Charasson en ceste ville de Tours puis caresme, — en ce en quoy il a respondu que, environ le temps de la my-caresme dernierrement passée, il arriva en ceste ville de Tours, et logea devant le chasteau au logis de la Sezame, et avoit avec lui son clerc nommé maistre Pierre Gaultier, etacevoyage apporta neufcens escus avec autres pièces d'or, du nombre desquelles il n'est recors, qui estoient de la recepte de l'abaye de Saint-Jean d'Angely. D'autre part apporta deux cens francs que lui avoient baillé l'abbé de Bassac et l'aumonier de Saint-Jehan du Reste de leur recepte de la décime, avec ce apporta huit vingts escus que lui avoit baillés l'evesque de Xaintes pour le droit de sa décime, le tout pour bailler à monseigneur le cardinal d'Angiers son maistre.

Dit que si tost qu'il fut arrivé en ceste ville de Tours, il porta lesdites sommes en l'ostel de maistre Jehan Brete, et les lui bailla en garde, et soy tint en ceste ville jusques a ce que mondit seigneur le cardinal fut venu à Amboise.

Dit que si tost qu'il sceut la venue dudit cardinal, il alla par devers lui a Amboise, et pour ce que lui qui dépose est ung peu mal disposé de sa personne, il dist ou fist dire par maistre Charles Paon n'estre pas bien, lequel qu'il s'en vouloit venir à Tours pour soy faire penser et pour estre bien logié. Et dist ou fist dire à mondit seigneur le cardinal que quand seroit son plaisir de le mander, qu'il iroit dudit lieu.

Dit que trois ou quatre jours après, ledit cardinal l'envoya quérir par maistre ]\Iacé de Brée, et quant il fut devers lui, il lui dist que lui avoit apporté lesdites sommes par les manières qui sont dessus déclarées; lors ledict cardinal le charga de baillier quatre cens escus audit Denis de Charrasson sur les six cens escus que ledit cardinal disoit lui devoir et qu'il print quictance dudit de Charrasson touchant ladite somme, laquelle ledit cardinal aloueroit quant il lui bailleroit le par en sus.

Dit que deux jours après comme lui semble, retourna en ceste ville de Tours, ou il trouva ledit Denis de Charrasson, auquel il dit que mondit seigneur le cardinal l'avoit chargé de