XIII. — 1469, 13 JUIN

Sur lesquelles il a respondu par le dampnement de son ame qu'il a tout dit, tout qu'il peult scavoir et dont il est recors et memoratif, et s'il savoit autre chose qu'il le diroit voulentiers.

Luy a esté demandé que les gens et serviteurs dudict cardinal couchoient en sa chambre, — respondit qu'il n'y couchoit qu'ung nommé maistre Règne, secrétaire et valet de chambre dudict cardinal, et son barbier, de son nom il ne scet.

Interrogué s'il y a eu aucuns des serviteurs dudict cardinal, ou autres, qui se soient ingérés ou mis en effect de vouloir escrire ou faire escrire au Pappe ou autres pour ledict cardinal et de sa prinse,

— Dit et respond que huit jours après que sondict maistre le cardinal avoit esté prins, ung nommé maistre Pol vint au logiz dudict cardinal, et demanda ledict maistre Règne, lequel qui deppose dit qu'il n'y estoit pas, et qu'il montast en hault, en lui disant qu'il seroitbon qu'il mandast a ung nommé maistre Marc de Bresme qu'il escripve a nions, de Saint-Pont afin qu'il escripve au Pappe de la prinse dudict cardinal, et, en disant ce, ledict maistre Règne vint qui acheva les parolles; ne scet que ledit maistre de Bresme rescrist ou non.

Dit sur tout interrogué que ledict maistre Pol se disoit secrétaire du Roy, et cuidoit qu'il fust secrétaire dudict cardinal, car il buvoitet mengoit en l'ostel dudict cardinal ordinairement. Et est tout qu'il deppose sur son ame, et se plus il savoit, il le diroit.

[Bibl. Nat.. Nom. acq. fr. 1001, fol 68 r", pap. xv^ s.].

1469, 13 juin. — Second interrogatoire de Guillaume Lauçergnat, curé de Saint- Jean-d' Angely .

Les deppositions et charges contre le cardinal. Touchant le cardinal : Lauvergnat.

Le xiii^ jour de juin, l'an mil iiii*"lxix, messire Guillaume Lauvergnat, prestre, curé de Saint-Jehan d'Angely, a esté