XL II

Au Roi

•28 Mai l.'jOl.

Sire,

II y a environ deux mois que voyant les continuelles déprédations qu'aucuns pirates anglois faisoient sur les François en ceste coste de Portugal, je priai la Royne d'y envoyer quelques vaisseaulx armez pour les chasser du cap de Sainct Vincent où ilz s'estoient remués ed asseurer sadicte coste. Mais comme le mal d'aultruy ne la touchoit ed comme la coustume de ce Royaulme nest de pourveoir aux affaires si nest après avoir receu quelque bastonnade, elle nen feid cas, au moyen de laquelle négligence ou peu de bonne volunté quelle en eut, advint ces jours passez, que les mesmes Anglois pillèrent une caravelle portugoise venant de risle de Madère ed emmenèrent une aultre chargée : de sucres estimée a dix mil escus, dont la Royne entra en sy grande colère que exclamant contre les francois, comme s'ilz eussent laict ces pilleries, despecha un fol escervellé valled du beau père de Don Thomas avec une zabre equippée en guerre, lequel au lieu de se mettre en queste des déprédateurs et dix jours après icelle déprédation advenue, alla faire ce beau mesnage en ung navire francois esîand à l'anchre près d'icy, que vostre Majesté verra par l'information quy en a esté prinse avec les marchans et passaigiers d'iceluy. De fortune j en eu les premières nouvelles, estand au palais pour parler à la Royne d'autres affaires, laquelle men feit un grand prologue justifiant sa cause contre lesdictz marchans ed passagiers francois desja amenez comme larrons ed corsaires vis à vis de son palais

où au contraire je desbatois que cestoient Anglois qui avoient pillé ed emmené les caravelles dessusdictes, et que par faulte davoir envoyé audict cap de Sainct Vincent comme len avois requise, ceste perte luy estoit succédée ed pour ce qu'au partir de là je fus informé des noms desdicts marchans que je connoissois bien, je rentray en sa sale daudience et lui fey entendre confirmation ed cognoissance qu'en avois. Ce neantmoins elle y vouloit envoyer ung de ces bourreaulx officiers dont elle se sert assez souvent, à lendroict desquelz trop plus grande innocence que celle qui sest trouvée esdicts marchans et passagiers eut esté peu suffisante pour les garantir d'estre emprisonnez ed pillez de leurs deniers ed marchandises, mais je lui en fey commettre ung que luy nommay ed commander de luy en faire le rapport tout aussitost.Et pource questand de retour chey moy fus adverty du decez de Bastien de Liard maistre dudit navire, advenu comme il est mis par ladite information, jenvoyay mon frère devers la Royne pour luy remonstrer ce malheureus succès ed la prier de men faire faire justice. Mais sa response fut quil y aurait trop a faire, a ft^ire raison de tant de meurdres advenus sur la mer entre voz subjectz et les siens ed quelle avoit donne congé ausdits francois d'eux en aller, qui fut cause avec la grande plaincte d'aucuns parens dudict trespassé que le lendemain je retournay devers elle ed lui dy que je ne pouvois penser quelle estoit la cause dont elle ne se deud mouvoir a me faire raison de la mort dudict De Liard ed lors luy recitay le discours du faict tel quest contenu en ladicte information ed luy remonstray que vostre Majesté pour avoir si bons subjectz ed secourables que chascun prince estranger pouvoit avou' entendu par l'yssue des Estatz d'Orléans, les a grandz et petits, sans exception en singulier amour ed sauvegarde, dont la nouvelle de ceste mort vous seroit bien aigre a ouyr, et d'autant plus que ledict feu Deliard estoit homme signalé au faict de la marine, pour tel

cogneii de tous les seigneurs en Bretaigne par les services quil a faictz en guerres passées, mesmeen la dernière d'Ecosse. Et o'ultre ce quil avoit laissé six petitz enfans et sa femme paouvres quy en avoient grandement à souffrir; la priant d'y avoir ezgard ed men faire faire raison. Mais elle sans ryme ne propos m'alla respondre que grande partie des deniers dond vous subjectz vous ayderont, provient des pilleries qu'ils ont faictes et fond sur les siens. Je ne peu me taire a paroUes si malséantes ed lui dy qu'elle advisast bien comme elle parloit, car jen advertirois vostre Majesté sans en omettre ung mot et quelle respondist le plus tost quelle pourroit a madicte demande. Et sur ce toute esmeue me dict quelle respondroit plus tost que ne cuydois ny ne vouldrois. Ce soir mesme elle m'envoya ledict Corregidor que lui avois nommé pour me communiquer le rapport quil avait faict, en quoy nous nous trouvasmes pas par tout daccord. Le lendemain au soir elle le renvoya pour me dire quelle avoit accordé deux cens escus aux veuve et enfans dudict trespassé, quelle menvoioit, et au surplus quelle ne pensoit pas que je prinse si a cœur les parolles du jour précédent quelle avoit dict par jeu sans mal penser. Je mexcusay de recevoir lesdicts ir escuz; et quand au reste, Sire, elle estoit si loin de se jouer alors, quelle me menasca de vous escrire de moy, de moy ce crois-je, comme elle feit du chevalier de Sevré pour ce quil la tenoit de près, comme je suis contrainct faire si ne veux laisser fouler aux piedz vos sujjjectz. Et mesmes à présent ed despuis cest accident du Brésil quelle s'est du tout tournée au rebours et est réduite la negotiation de ma charge à la perplexité ed difficulté, en quoy la trouvoy a mon arrivée en ce pays, ayant recommencé ses officiers à faire a vos subjectz et à mes serviteurs traictement pire que jamais, duquel changement ne scay quelle peut avoir esté la cause ed ce nest aucune procédant de son ambassadeur, estant bien adverty quil lui a escript que je vous ay bien fort exaspéré le

faict des Portugois touchant le château de Villegaignon, je me suis bien aperceu par les propos de la Royne que ledict ambassadeur se mesle par trop deluy escripre de Testât des afïaires de delà, touchant la religion, ce que faict souvent sentir des rudesses grandes et inopinées a vos subjectz venans ed residens en ce païs, oultre la grande diffamation en quoy vostre Royaume en est par deçà. Et en est la chose si avant que en hayne, comme pense, de la remonstrance que le s"" de Sainct Suplice a faict icy suyvand sa seconde instruction, les inquisiteurs despuis quatre jours en ça ont faict saisir huit ou dix François habituez en ceste ville tenus publiquement pour gens de bien ed sans reproche, lung desquelz est riche de xip livres de rente, ayant drecé ung roUe de xx ou xxv aultres quilz font journellement tenir au guet pour les attrapper. Il est indubitaljle quilz les fairont tous passer par la durté ed rigueur dont les seigneurs de vostre privé Conseil sont assez informez par la requeste que Gaspar Treschel y a préesentee et que le plus riche d'entre eulx en sortira misérablement paouvre. Et ne scay commend y pouveoir, si jen parle à la Royne, elle dict quelle ne sen mesle aulcunement. Et si je m'adrece au Cardinal, il ne me respond rien a propos, ains seulement que je devrois me desporter de telz afïaires ed quil ny peut rien oultre le commun cours des procédures accoustumées à linquisition, et qu'est pis ilz prennent des opinions, quand ilz voyent que jen faye quelque remonstrance ed telles quilz ont bien osé entreprendre a cacheter de son adresse à moy en la manière que le s" de Beaumont présent porteur recitera à vostre Majesté, ayant le tout veu et entendu. Et comme je ne suis gueres bien faict au moule des ministres des affections de la Royne ed au milieu dung peuple animé contre les François, violent et furieus, sans chef ni gouvernement suis contrainct procéder avec grand regard au faict de telz prisonniers, desquelz on ne saisist onc le corps sans les

Jjiens, qui est ung moyen secret par lequel, qui ne y obviera, le fisque de ce Roy engloutira peu a peu non seulement la sueur et substance du paouvre marchand françois qui aura hanné trente ans en ce païs pour mettre quelque peu de bien ensemble, ains aussi largent de ceulx qui y voiaigent, provenu des blez ed marchandises quilz y auront vendus, de façon que tout y demeurera. Car comme les délateurs ed tesmoingz sont icy aisez a trouver, il nen y aura jamais faulte, quant il sera question dembrouiller ung François, mesmes à présent que l'inquisition est plus enfîambée sur eulx que jamais, et vauldroit beaucoup mieulx a ceux qui y sont haljituez en desloger ou que le mesme Roy de Portugal lez en exterminast, ed au regard des aultres qnil leur fust defEendu de y venir traffiquer, que de courir le hazard en quoy ilz se voyent tous les jours. Je me suis enquis de ce dont le chevalier de Seure a escript à vostre Majesté ed avoir opinions que le contract dont il vous advertist fut entre Lucas Giraldi lung des contractateurs des Indes, italien demeurant icy ed lez Cavalcante aussi italiens faisans faict en Angleterre. Mais aulcun marchans liommes de biens qui ont bonne congnoissance de toutes ces choses asseuré que telcontrat par raison de trafïicque ne se peut faire et ne scait-on par deçà que cest de Endeco, bien ont ilz de l'anil qui vient deBabylonneparla voye des Indes dont j'envoie de la monstre à vostre Majesté, si excellent pour la teincture, quil efface tout le pastel du monde; aussy se vend-il communément six vingtz escuz le quintal ed cent cinquante escuz à présent, ed en vient tous les ans environ sept cent quintaux qui s'emploie tout en Castille, ed quand bien il en viendroit deux foys autant, Segovia qui est la ville de Castille où les fins drapz se font, lemploieroit tout ; auquel lieu il est plus commode a ceulx dicy le débiter, que de le porter en Angleterre avec les fraiz ed dangers de la mer, sans le y pouvoir vendre a plus hault pris quilz font cy auprez. Si ledict chevalier de Seure en avoit

aultres nouvelles, il seroit requis quil y pourveut du costé de la Royne d'Angleterre à ce quelle ne permest lentree dudict Anil en son Royaume, luy remonstrant la perte que cella luy apportera des droictz d'entrée quelle prent sur tant de milliers de pastel quy se deschargent parchascunan en Angleterre, comme au commencement le Roy de Castille ne le voulut permettre, si bien que on fust deux ans à la poursuite pour recouvrer cette permission, qu'on obtient finablement par le moyen dune grande somme de deniers. Cependant je verray den descourir dadvantaige pour y pourvoir de ce costé ainsi que vostre Majesté ma commandé J'ay entendu que dudict anil il en vient quelque quantité de Meca, qui arrive jusques à la coste extérieure de Barbarie où les Angloiz, traftiquent souvent; mais il se use tout dans le païs, comme faict aussy le pastel des Açores, toutesfoys cest dautant quil ne vault le porter. Ils sont venues nouvelles par voie d'Alexandrie en Flandre et de là icy qu'il y a grande émotion ed mutinerie aux Indes ed que la flote du Roy de Portugal qui partist lannée passée ne y estoit encores arrivée, qui nest gueres bon pour ce Roy ; toutesfïois on ne les veult encores tenir pour certaines. Despuis quatre jours en ça une aultre caravelle portugoise a esté pillée par Escossois; ed pour ce qu'en l'information qui en a este prinse avec les pillez parle Corregidor dessusdicts est faicte mention dung navire au mast rouge, comme est celluy desdits marchans et passagiers francois, la Royne cuydant que ce ne fut tout que une brigade, leur vouloit envoyer ledit Corregidor de rechef pour lez détenir .> Mais il l'informa du faict en homme de bien et tout incontinent vint par son mandement devers moy pour me monstrer ladite information, laquelle ayant leu, je luy dy qu'elle mesme portoit sa responce et jacoit que le Royaume dEscoce dont le navire et le cappitaine corsaire est yssu nappartient en rien à ma charge, ce neantmoins pour donner a cognoistre a la Royne combien les pertes de ses

subgects me poisent ed comme toutes partz où mon moyen se pourra estendre, je luy feray tous les meilleurs otlices dont ne pourray adviser, que jen escriprois à la Royne dEscoce d'autant qu'elle est en France et luy envoyerois la coppie de ceste information que ledict Corregidor m'a envoyé a ce matin. Sire il plaira à voslre Majesté pourvoir a ce que ne soie tant travaillé et vexé par deçà comme suis et tant que pis ne pourrois estre entre les Mores, et c'est mal rendu le bon traictement que vostre Majesté faict à leur ambassadeur par de là.

Sire, je prie très instamment le créateur qu'il veuille conserver vostre Majesté en très parfaicte santé et vie longue avec accroissement en toute prospérité ed bonheur.

De Lisbonne ce xxviip jour du moys de May 1561.

Vostre très bumble ed très obéissant serviteur et subject.

J. NICOT

Bibl. Nat. Ms latin. 3192 f- 103.

A la Reine

■28 Mai lôGL Madame.

Sestant présentées les occasions que votre maiesté entendra parce que jescry au Roy je nay volu différé a despescher le sieur de Beaumont présent porteur par devers vos maiestés suyant ce quil vous pleut mescripre dernièrement par luy, et plus encore pour vous faire entendre particulièrement certaine créance que luy ay baillé par escript affîn que je puisse scavoir comment il vous plaict que je me

— loO —

gouverne a lenclroict de cette affaire là, il diraaussy à votre Maiesté ce quil a veu et entendeu par de ca touchant les deux mil escuz que le sieur grand prieur emprunpta icy pour les gallaires, mais ce nest pas la centiesme partie de ce quon en doict, dont jay maintefois bien fort grande honte et a la fin je voix bien que ceulx qui en sont pleiges avecques moy, sen vouldront desdommager sur nos navires sils sont contraincts payer pour luy ce qui apportera grand desordre et honte a la nation a quoy on pourroit bien éviter. Madame je suis traicté ■ par de ca comme votre Maiesté pourra entendre, qui est le change qu'on me rend pour le gracieux et honneste traictement que vous faictes faire à leur ambassadeur pour delà, je supplie très humljlement a votre Maiesté quil lui plaise y pourvoir et le faire vivement remonstrer et entendre audit ambassadeur affîn que au moins je soy moins vexe et travaillé que ne suys.

Madame je prie le Créateur qu'il veuille conserver votre Maiesté en très parfaicte santé très longue et très heureuse vie avec accroissement en toute prospérité et bonheur. De Lisbonne ce xxviii jour de May. M. D. LXI.

Votre très humble et très obéissant serviteur et domestique.

Autographe.

1 page in-l-o.

13ibl. Xat. Ms. fr. 3192, 105.

J. NICOT

loi

Au Roi

20 Juin 1561.

Sire,

Le marchant Créditeur du S^" Grand Prieur de France pour la somme dont jay bien amplement escript à vostre Majesté s'est despuis dix ou douze jours en ça tourné attacquer a moy comme pleige ed me faict une merveilleuse peine. Car je nay de quoy le payer, si n'est vendant mes meubles et au regard du baron Daluito pleige aussy dudit S»' Grand Prieur, il ma faict entendre quil est résolu de ne se faire chicanner icy pour si peu de somme, et dailleurs de naller plaider en France pour le recouvrement de sa quote part sil ha a payer, ains den poursuivre son remboursement icy sur les navires francois quy y viendront, se plaignant apertement a ceste heure du tort que ledit S^' Grand Prieur luy faict, après avoir receu de luy tant de caresses, quil scait bien la Royne ces jours passez ayant peut estre entendu le mescontenlement que ledit baron en avoit, luy tourna demander si ledit S^' Grand Prieur avoit encore payé tes deux mil escus, qui est une façon de mocquerie quon cy faict par deçà; disans les ungs et les aultres dudict Baron que cest le fruict quil rapporte de la profession quil faict destre affectionné aux francois et ay bien opinion que les gallaires de vostre Majesté ne trouveront de long temps icy le traictement quelles y ont eu si descryées elles y sont a ceste occasion ; et en mon endroict jen voy l'expérience car jusques icy jai tousjours trouvé argent pour me secourir en mes nécessitez, à présent que je suis sans ung denier pour mestre deue une année entière de ma pension.

— lo2 —

Je ne piiys troiivei' ung rouge double a presler, voire ne avecque gaige et suys reduict à la nécessité de vendre une pièce après laultre pour menlretenir. Ledit Si' Grand Prieur pouvoit bien se y gouverner daultre façon quil na faict, luy ayant bien remonstré avant son parlement de ce port l'interest et diffamation que ce seroit aux ministres ed pareilles armées de vostre Majesté et à tous ceulx de la nation, sil ne accomplissoit sa promesse et son signe, comme le debvoir estoit quil fict et puys asseurer à vostre Majesté quil eust esté beaucoup meilleur davoir payé dix escus pour ung, que davoir donné occasion à tant de propos et moqueries quy se sont passées là dessus. De quoy je croy que ceste court icy na pas este seulement abbreuvée ed quilz sen sont jouez aultre part et dune façon peu advantaigeuse pour ceulx dont le propos sest offert. Je supplie très bumblement a vostre commander quil soit donné ordre au payement de cez deniers pour les respectz dessusdicts. Car tousjours vostre Majesté les pourra recouvrer sur ledit S^' Grand Prieur, si tant est quil les doibve payer de son propre et commander que je soye adverty du payement qui en sera faict audict marchant, a ce que jen puisse donner contentement a ceulx de ceste court et particulièrement audict baron Daluito, lequel a la vérité confesser, ne mérite poinct d'estre traicté ainsi pour estre tant dévot et affectionne au service de vostre Majesté quil est, dont il pourroit bien se rebuter et plusieurs aultres quy y on! pareille inclination, de crainte qu'il ne leur en print de mesmes toutes les foys quilz se presenteroient en noz affaires et toujours. Sire, est bien séant et requis à un prince dappeler et entretenir à sa dévotion par caresses ed gracieux traictement ceulx a lendroict desquelz il na loy de contraincte ne de commandement ed surtout de ne lez laisser en doubte d'estre intéressez luy faisant service comme vostre Majesté entend trop mieulx.

Sire, je prye très instamment le Créateur quil vueille conserver vostre Majesté en très parfaicte

santé ed vie longue avec accroissement en toute prospérité ed bonlieur. De. Lisbonne ce xx« jour du moys de juing 1561.

Vostre très humble et très obéissant serviteur et subject.

J. NICOT

Blbl. Nat. Ms. fonds fr. 311)2, f" 110.

A la Rotjne

20 Juin 1561. <■

Madame,

Sestant de rechef le marchant créditeur du sieur grand prieur attacqué à moy pour avoir payement des deux mil escus quil preintici pour les gallaires et voyant la presse quil me faict jèn escry derechef au Roy comme votre Maiesté verra. Je vous supplie Madame de faire donner ordre a ce que ceste somme soit payée ou sur les estats dudit sieur grand prieur ou aultrement. Je puis asseurer votre maiesté quil a faict une chose en ne payant dont le préjudice durera par de ca a bien longues années, et mieulz vaul droit qu'il nay eut jamais emprunptéung sol et pour luy et pour les aultres, Si bonne réputation il en a par deçà et toute la nation se mocquans les plus petitz marchans dont ung prince tel quil est ne peut payer ce que le moindre marchant de ceste ville payeroit dedans ung quart dheure sans emprunpter son voisin et dieu sest comment on en parle en ceste court jusques à se vouloir mesler de parler de nos indigences et nécessités prenant ceste occasion pour fondement, n plaira a votre Maiesté

commander que je soye adveiiy da payement quil en sera faict affin que je le puisse faire entendre par deçà a qui il appartiendra et estancher le cours des langaiges qui en sont tenus.

Madame je prie très instamment le Créateur quil veuille conserver votre maiesté en très parfaicte santé très longue et très heureuse vie avec accroissement en toute prospérité et bonheur. De Lisbonne ce XX jour de juin M. D. LXl.

Votre très humble et très obéissant serviteur et domestique.

J. NICOT

Autographe.

1 page in-4°.

Bibl. Nat. Ms. fi". 3192, f- Wi.

Le Roy à Nicot (Lettre de rappel)

5 Juillet LjGI.

Monsieur Xicot, après que j'ay bien considéré le peu de compte qu'ilz font au lieu ou vous estes d'administrer la justice a mes subjectz des tortz qu'ilz leur font ordinairement, sans qu'il soyt possible d'en avoyr raison et que toutes les solicitations que nous y scavons faire est de peu de fruict et utilité pour eulx et de peu de réputation pour moy, il me semble qu'il estoyt aussi peu utile pour mon service et le bien de mes subjectz d'y tenyr les ambassades que de n'en tenir poinct; et mesmement qu'en les précédentes et encores de fresche

memoyre y a, comme me avez mandé par Chanlemesle, qu'ilz font si peu de compte de vous qu'il ne m'est nullement honorable de continuer à entendre mes ambassadeurs, estans si peu respectez, et l'endurer. Cela me faict vouloir que vous en reveniez présentement, que vous avez donné ordre à voz afïayres, aftin de les laisser quelque temps sans ambassadeurs, estimant que cela pourra estre occasion de les faire aller avec plus de considération, confiansque continuans leurs façons de faire, elles soyent pour leur apporter dommage et desplaisir; et pour ce il faudra que vous preniez congé du Roy et de la Reyne ; et que vous leur faciez entendre que je vous ay révoqué et ordonné de me venyr trouver incontinent. Et s'ilz vous demandent si les som mes pour quoi est que debvez aller, summissent où vous plaira, vous leur ferez responce que vous n'en pouvez ouyr plus et que en debvez aller. Et à la fin s'ils vous pressent de scavoir l'occasion de vostre retour, vous leur direz, comme de vous mesmes, que vous n'en scavez point d'aultre, si n'est le peu de respect qu'ils vous portent et le peu de compte qu'ilz firent de l'ambassade d'ung si grand Roy, qui ne peut nullement trouver bon de voyr ses ministres moingz honorez que le lieu qu'ilz treuvent et la personne qui les représente le mérite. Et cela faict, après avoyr pourveu et donné ordre à voz affaires, vous en reviendrez ou par Espagne ou par la mer, ainsi qu'en aurez les commodités; vous priant, avant que partir, faire toutes les solicitations que vous pourrez pour tous les pauvres Françoys, qui sont par delà, de leurs affaires; s'il est possible, vous les ferez délivrer, et, ne le pouvant faire, vous en apporterez des memoyres que nous monstrerons à l'ambassadeur, estant icy pour leur faire faire raison; vous ferez semblablement à ce qu'ilz se délibèrent touchant le fort de Villegagnon pour, s'il est possible, m'en apporter une resolution, et mieulx, vous prye de venyr le mieulx instruict que vous pourrez de tout ce qui se parlera par delà, affin

de m'en donner à vostre retour plus ample informalion.

Ainsi est tout ce que vous diray présentement priant Dieu, Monsieur Nicot, vous avoir en sa sainte et digne garde. De S^-Germain des Prez lès Paris le '^) jour de (2) 1561.

Au dos : Le Roy a Monsieur Nicot du v^ de juillet

Bibl. Nat. Ms, fr. 15875, f- I8a. Minute.

(1-2) Blancs au texte.