Le 1 1 février i25o

267. — 1 B et L, et s'en vint au roy ung sergent qui Itiy Jisl.

Tespée ou poing , et se feri entre les Turs si avant que il li empristrent lacoliere- de son cheval de feu grejois. Et par celle pointe que li roys fist, il secouri le roy de Sezile et sa genf, et enchacierent les Turs de lour ost.

268. Après la bataille au roy de Sezile , estoit la bataille des barons d'outre mer, dont mes sires Guis dlbelin ' et mes sires Baudoins, ses frères, estoient chievetein. Après lour bataille , estoit la bataille mon signour Gautier de Chateillon, pleinne de preudomes et de bone chevalerie. Ces dous batailles se deffendirent si viguerousement que onques li Turc ne les porent ne percier ne rebouter.

269. Après la bataille mon signour Gautier, estoit frères Guillaumes de Sonnac , maistres dou Temple, atout ce pou de frères qui li estoient demourei de la bataille dou mardi. Il ot fait faire deffense endroit li des engins aus Sarrazins que nous aviens gaaingniés. Quant li Sarrazin le vindrent assaillir, il geterent le feu grejois ou hordis que il y avoit fait faire-, et li feus s'i prist de legier, car li Templier y avoient fait mettre grant quantitei de ' planches de sapin. Et sachiez que li Turc n'attendirent pas que li feus fust touz ars, ains alerent sus courre aus Templiers parmi le feu ardant.

270. Et à celle bataille, frères Guillaumes , li maistres dou Temple, perdi Tun des yex; et l'autre avoit-il perdu le jour de quaresme-pernant-, et en fu mors li diz sires, que Diex absoille! Et sachiez que il avoit bien un journel de terre dariere les Templiers, qui estoit si chargiez de pylés que li Sarrazin lour avoient lanciés, que il n'y paroit point de terre pour la grant foison de pylés.

271. Après la bataille dou Temple, estoit la bataille mon signour Guion Malvoisin, laquel bataille li Turc ne porent onques vaincre-, et toutevois avint ainsi que li Turc couvrirent ' mon signour Guion Mal voisin de feu grejois, que à grant peinne le porent esteindre sa gent.

272. De la bataille mon signour Guion Mal voisin descendoit la lice

nb-j. — - B, croiippiere ; L, cropierc. 268. — 1 Manuscrits, Guibelin.