A, nous. — 2 L , ajoute et éviter
ce fu à l'ariver que nous feimes devant Damiete ' , là où touz ses consaus li loa, ainsi comme je l'entendi, que il demourast en sa neif, tant que il veist que sa chevalerie feroit, qui aloit à terre.
8. La raisons pour quoy on li loa ces choses si estoit teix que, se il arivoit avec aus, et sa gent estoient occis et il avec , la besoigne seroit perdue -, et se il demouroit en sa neif, par son cors peust-il recouvrer à ' reconquerre la terre de Egypte. Et il ne vout nuUui croire, ains sailli en la mer, touz armez, Tescu au col, le glaive ou poing, et fu des premiers à terre.
9. La seconde foiz qu'il mist son cors en avanture de mort, si fu teix, que au partir qu'il fist de la Massourre ' pour venir à Damiete-, ses consaus li loa, si comme Ton me donna à entendre, que il s'en venist à Damiete en galles. Et cis consaus li fu donnez, si comme Ton dit, pour ce que, se il li meschéoit de sa gent, par son cors les peust délivrer de prison.
10. Et especialment cis consaus li fu donnez pour le meschief de son cors où il estoit par plusours maladies qui estoient teix , car il avoit double tierceinne et menoison moût fort, et la maladie de l'ost en la bouche et es jambes. Il ne vout onques nuUui croire-, ainçois dist que son peuple ne lairoit-il jà, mais feroit tel fin comme il feroient. Si li en avint ainsi, que par la menoison qu'il avoit, que il li couvint le soir couper le font de ses braies ' , et par la force de la maladie de l'ost se pasma-il '" le soir par plusours foiz, aussi comme vous orrez ci-après.
1 1. La tierce foiz qu'il mist son cors en avanture de mort, ce fu quant il demoura quatre ans ' en la sainte Terre, après ce que sui frère en furent venu '. En grant avanture de mort fumes lors-, car quant li roys fu demourez en Acre, pour un home à armes que il avoit en sa compaignie, cil d'Acre en avoient bien trente, quant la ville fu prise •^.
I 2. Car je ne sai autre raison pour quoy li Turc ne nous vindrent penre en la ville, fors que pour Tamour que Diex avoit au roy, qui
