A,fa)nilés

un bourjois de Paris et toutes les apartenances, et lour fist faire un moustier dehors la porte de Monmartre.

728. Les frères des Saz, il les pourveut et lour donna place sur Seinne par devers Saint-Germein-des-Prez , où il se herbergierent-, mais il n'i demourerent gueres, car il furent abatu assez tost. Après ce que li frère des Saz furent herbergié , revint une ' autre manière de frères que Ton appelé l'ordre des Blans-Mantiaus \ et requistrent au roy que il lour aidast que il peussent demourer à Paris. Li roys lour acheta une maison et vieilles places entour pour aus herbergier, delez la vieille porte dou Temple à Paris, assés près des Tissarans. Icil Blanc furent abatu au concile de Lyon, que Gregoires li disiesmes tint.

729. Après revint une autre manière de frères , qui se fesoient appeler frères de Sainte-Croiz, et portent la croiz devant lour piz-, et requistrent au roy que il lour aidast. Li roys le fist volentiers , et les herberga en une rue qui estoit ^ appelée le Quarrefour dou Temple, qui ore est appelée la rue Sainte-Croiz. Einsi avironna li bons roys de gens de religion la ville de Paris.

730. Après ces choses desus dites, avint que li roys manda touz ses ^ barons à Paris en un quaresme ~. Je me escusai vers ^ li pour une quartaine que j'avoie lors , et li priai que il me vousist souffrir -, et il me manda que il vouloit outréement que je y alasse , car il avoit illec bons phisiciens qui bien savoient guérir de la quarteinne.

73 1. A Paris m'en alai. Quant je ving le soir de la vegile Nostre Dame en mars , je ne trouvai nulli , ne la royne n'autre ' , qui me seust à dire pourquoy li roys m'avoit mandei. Or avint, ainsi comme Diex vont, que je me dormi à matines; et me fu avis, en dormant, que je véoie le roy devant un autel à genoillons -, et m'estoit avis que