IX. Et fu ensevelis

798. La profecie de l'euvre de ce qu^il fu mis ou sepulchre, si est de Jonas, que vous véez ci point, qui fu mis ou ventre de la balaine -, car autretant comme Jonas fu ou ventre de la balaine, tant fu li Fiz Dieu ou sepulchre.

799. La profecie de la parole si dist Diex meesmes as Juis qui le requeroient qu'il lour feist aucun signe ; et il lour dist que il ne lor donroit autre signe que de Jonas le profete ^ ; et lour dist car autant com Jonas fu ou ventre dou poisson , autretant seroit-il ou sepulchre. Et entendez seurement que la déités ne morut pas en la crois, mais l'umanités qu'il prist en la Virge, pour la nostre humanitei délivrer des poines d'anfer.

800. La parole sor enfer brisié de parole, si 1 dist Diex à Job lonc tans avant ce qu'il venist en terre. « Job, dist Diex, sauras-tu penre « le dyable à l'aing ~ si comme je ferai ? » Vous savez que quant li pechierres veut penre le poisson à Taing, il cuevre lou fer de Teche; et li poissons cuide mangier l'eche, et li fers lou prent. Or véons que pour penre le dyable ausi corne à Taing, couvri Diex sa déitei de nostre humanitei ; et pour ce que dyables cuidaque ce fust uns hons, si li pourchasa sa mort pour ramplir anfer ; et maintenant la déités lou prist, laquex descendi en anfer.