I A, treuvcnt. — - A, vivent. — -^ A, treuve

païs, pour la grant chalour dou soleil qui arderoit tout, pour ce que il ne pluet nulle foiz ou pa3's. Li fluns est touzjours troubles ; dont cil dou païs qui boire en vuelent, vers le soir le prennent, et esquachent quatre amendes ou quatre fèves; et Tendemain est si bone à boire que riens nU faut.

189. Avant que li fluns entre en Egypte, les gens qui ont acoustumei à ce faire, gietent lour roys desliées parmi le flum au soir-, et quant ce vient au matin, si treuvent en lour royz cel avoir de poiz que l'on aporte en ceste terre, c'est à savoir gingimbre, rubarbe, lignaloecy et canele. Et dit l'on que ces choses viennent de Paradis terrestre -, que li venz abat des arbres qui sont en Paradis , aussi comme li venz abat en la forest en cest païs le bois sec, et ce qui chiet dou bois sec ou flum , nous vendent li marcheant en ce païz, L'yaue dou flum est de tel nature, que quant nous la pendiens (en poz de terre blans que Ten fait ou païs) aus cordes de nos paveillons , Pyaue devenoit ou chaut dou jour aussi froide comme de fonteinne.

190. Il disoient ou païs que li soudans de Babiloine avoit mainte foiz essaie dont li fluns venoit-, et y envoioit gens qui portoient une manière de pains que Ton appelle becuis, pour ce que il sont cuit par dous foiz ; et de ce pain vivoient tant que il revenoient arieres au soudanc. Et raportoient que il avoient cerchié le flum , et que il estoient venu à un grant tertre de roches taillies, là où nulz n'avoit pooir de monter. De ce tertre chéoit li fluns, et lour sembloit que il y eust grant foison d'arbres en la montaigne en haut ; et disoient que il avoient trouvei merveilles de diverses bestes sauvaiges et de diverses façons , lyons , serpens , oliphans , qui les venoient regarder dessus la rivière de Tyaue, aussi comme il aloient amont.

191. Or revenons à nostre première matière, et disons ainsi que quant li fluns vient en Egypte, il giete ses branches aussi comme je ai ' jà dit devant. L'une de ses branches va en Damiete , l'autre en Alixandre, la tierce à Tenis-, la quarte à Raxi^. Et à celle branche qui va à Rexi, vint li roys de France atout son ost -, et si se logea