Éléonore de Bourbon

ment exprès de Son Excellence près d'elle à cause de son indisposition. Mademoiselle de Bueil est aussy mallade de la rougeolle et d'une fâcheuse toux qui commence toutesfoys à luy diminuer. Je fais ce que je puis pour leur assister. Vostre mulletier est allé à Fontainebleau avec deux muUetz et le reste du train est demeuré en ceste ville. J'estime que Son Excellence les pourra mener jusques à Paris pour incontinant après vous les renvoier. Je vous supplie, Monseigneur, prendre en bonne part la hardiesse que je prens de vous donner advis de ce que dessus, et sy durant mon séjour près de Leurs Excellences vous me faictes l'honneur de me commander quelque chose pour vostre service, la fidélité et bonne affection ne me manquera jamais ne de vous demeurer, s'il vous plaist. Monseigneur,

« Vostre très-humble, très-obéissant, très-fidelle serviteur.

« Delaville.

« A Chartres, ce xini* apvril 1602. »