En Fois, dans le pays de Foix

322 EXTRAITS DE l'RUlbSAUl'.

parla au commoiicemenl. la dame luy avoit demandé se le conte de Fois son père l'en avoit chargié de la ramener; il luy respondi que au partir il n'en avoit esté fait quelque mention ne quelque nouvelle; et pour tant la dame ne s'i osoit asseûrer, si demoura en Navarre, et son fds Gaston de Fois s'en vint a Pampelune pour prendre congié au roy de Navarre son oncle. Le roy lui fist très bonne chiere, et le tint avecques luy plus de dis jours, et luy donna de moult beaulx dons, et a ses gens aussi, et le dernier don que le roy de Navarre luy donna, ce fut la mort de l'enffant : je vous diray connnent et pour quoy, comme raison est.

« Quant ce vint sur le point que le jeuvencel devoit partir, le roy le traist a part en sa chambre secrètement, et luy donna une très belle boursetle plaine de pouldre, telle qu'il ne seroit créature vivant', se de la pouldre touchoit ou mengoit en viande ou autrement, que tantost ne le convenist morir sans aucun remède : « Gaston, » dist le roy, « beau nepveu, vous « ferés ce que je vous diray. Vous veés comment « le conte de Fois a son tort prent en grant hayne « vostre mère ma suer, et ce me desplaist grande- « ment et aussi doit if^ faire a vous. Toutesfois pour

1. Créature vivant. A l'origine, e participe présent est invariable, comme tous les adjectifs issus d'adjectifs latins à forme unique. Mais les traces de cet ancien usage sont assez

rares, le participe présent étant devenu de très bonne heure déclinable comme les autres adjectifs, du moins dans la plupart des cas.