Le nom de la ville a été omis dans le ms
la réponse que Madame liiy avoit faicte ; et faut noter qu'il y alla de par la ville, pour cause de la prinse du Roy, pour offrir à Madame, de par la ville, tout ce qui estoit à la dicte viUe , et que la ville et les habitans se recommandoient à elle comme régente en France , aiant desplaisance de la prinse du Roy, et qu'il luy pleust avoir la ville et tout le royaume en recommandation et, comme Régente, pourvoir aux affaires de la ville et du royaume de France.
Dont le dict seigneur Clutin, luy retourné à Paris, le X® jour de may, récita à l'Hostel de la ville que ma dicte dame la Régente se recommandoit fort aux habitans de Paris et qu elle avoit pourveu aux affaires du royaume par son conseil en bonne sorte, tellement qu'il avoit esté mis sus quatre mille lances pour envoïer es trois parties du royaume de France, avec gros nombre de gens de pied , et que doresnavant l'argent qui se recepvroit es païs de France demeureroit es dictz pais pour subvenir es guerres et affaires du royaume et qu'il y avoit quatre vice-roys ordonnez en France dont l'un estoit monsieur de Vendosme, en Picardie, l'autre estoit monsieur de Guy se, frère puisné de monsieur de Lorraine, qui estoit vice-roy en Champaigne , l'autre estoit duc d' Albanye , qui estoit viceroy de Normandie , l'autre estoit monsieur de Lautrec, qui estoit vice-roy de Guyenne ; et aussi que Madame avoit pourveu pour mettre gens d'armes parmy le royaume pour prendre et punir les maulvais garçons qui seroient trouvez et que d'oresnavanl la gendarmerie seroit mieux paiée et contentée qu'elle ne fut jamais.
lierrij -en juin 1 525, monsieur le premier président
de Parlement, nommé de Selva, l'ëvéque d'Albrun \ et monsieur de Bryon , chevalier, furent envoiez comme ambassadeurs avec grosse compagnie vers l'Empereur en Espaigne en la ville de Valludue-, où il estoit, pour traicter de la paix entre le Roy et l'Empereur, et pour avoir par rançon le Roy qui estoit prisonnier, et partirent au dict moys de juing ; mais ilz revindrent sans rien faire , parceque le dict Empereur demandoit des choses par trop excessives.
L'an 1 525 , au moys de juing après Pasques , vindrent nouvelles comme il descendoit d'AUemaigne en Lorraine plus de quarante mil Allemans qui se disoient tenir la secte de Luther, et disoient faire la vengeance de ce que le duc de Lorraine avoit faict brusler en son païs deux religieux Augustins Luthériens, dont l'un fut bruslé dedans la ville de Metz et l'autre à Nancy, et pilloient iceux et gastoient tout le païs, mais on ne sçavoit s'ilz venoient de par l'Empereur soubz cesle couleur. Dont le duc de Lorraine envova devers madame la Régente demander secours et ayde , dont il fut envoie par elle douze mil hommes et deux cens lances qui furent menez par monsieur de Guise , gouverneur de Champaigné, son frère puisné, et d'aultre costé le duc de Gueldres, qui estoit son oncle, luy envoia aussi. Et depuis il advint qu'iceux Luthériens furent tous desconfitz tellement qu'il y en eust beaucoup de tuez et mis en fuitte et fut la desconfiture le vendredy vingtiesme de may 1 525.
Item , il est récité que d^iceulx Luthériens ilz estoient seize mil hommes ou environ près d'une ville
i. François de Toumon, évéque d'Embrun.
