C'est Tauteur des Mémoires

livrez monsieur de Floranges et monsieur de Jamez , son frère , enfans de messire Robert de la Marc , qui estoient prisonniers au chasteau de l'Isle*, en Flandres : lequel de Floranges fut prins prisonnier à la prinse du Rov et envoie en Flandres, au chasteau de l'isle.

Iterrij lorsque le Roy s'en revint en France, il arriva premier à Bordeaulx, où il fut environ deux mois, pour soy r'acouster et donner ordre à son estât. Et après il s'en alla à Coignac , lieu de sa nativité , accompagné de madame la Régente et toute la noblesse.

Vindrent vers luy plusieurs ambassadeurs , assçavoir : l'ambassade du Pape, l'ambassade des Vénitiens, Florence et autres villes d'Italie. Et pour l'ambassade de l'Empereur y estoit le vice-roy de Naples, et le seigneur Ârcon*, Espaignol ou Italien, et l'ambassade du roy d'Angleterre, dont le Roy confirma, avec le dict ambassade d'Angleterre , le traicté et appointement qu'avoient esté faictz par ma dicte dame la Régente , avec icelle , lorsque le Roy estoit prisonnier. Et fut faicte la dicte confirmation le dixiesme jour du mois de may ensuivant , au dict lieu de Coignac , en présence de l'ambassadeur du dict Empereur, qui ne l'eust guères à gré. Et de là il s'en alla avec ma dicte Dame, et toute la noblesse à Poitiers, puis à Tours , où il guaristdes escrouelles,lejour de la my aoust, puis de là s'en alla à Amboise.

Le samedy, treiziesme avril , après Pasques 1 526, fut chanté Te Deum laudamus ^ en l'église Nostre-