Autun, ' r

Parlement et les trois estas qui se dévoient assembler et tenir pour ceste matière.

Et ne seront les dictz enfans ne autres princes retournez au Roy, ne restituez au royaume de France, jusques à ce que le tout soit passé et décrété par la dicte cour de Parlement' et par les dictz trois estas. Mais néantmoins depuis que le Roy fut retourné en France, il ne fut rien faict ne tenu par le dict roy de France des dictes promesses, parcequ'ilz estoient trop desraisonnables.

Et le dimanche ensuivant, qui estoit le quatriesme février, furent faictes processions générales en la ville de Paris, qui allèrent à la grande église Nostre- Dame, où furent apportées plusieurs châsses et reliques, et y estoient les prévost, eschevins et bourgeois de la ville ; y eust grande messe et y prescha un carme, docteur en théologie, qui parla de l'espérance du dict mariage, pour recouvrir et r avoir le Roy *.

A.U dict an 1 526 , en janvier et février, courroient en plusieurs villes et plat païs plusieurs maulvais garçons qui se disoient avanturiers, et y avoit des gens de cheval parmy qui alloient et desroboient partout , efforçoient filles et femmes , tueoient et faisoient des maulx sans nombre, pilloient les aucuns des faulxbourgs de la ville de Chartres et environ : aussi à Meleun , à Provins et en Brie , et en plusieurs autres

4. Le traité de paix de Madrid fut signé le 14 janvier 1526, Voyez-en le texte dans le recueil d'Isambert, t. XII , p. 245. — Un exemplaire sur parchemin , collationné sur l'original , se trouve dans la collection Fontette, Pièces historiques, carton 2 , pièce n° 25. — Voy. une apologie de ce traité Ms. du Puy , n« 258.

lieux, et estoient en gros nombre , comme environ de six à sept mil hommes, tant de cheval que de pied, et faisoient maulx infinis, et disoient estre d'ordonnance et au Roy, et qu'ilz n'estoient point payez, et n'y sça- \oit-on mettre remède, au moien du gros nombre qui y estoit.

Au dict an, le lundy, cinquesme jour de février, il y eust un arrest donné par la cour de Parlement , lequel ce mesme jour fut publié par tous les carrefours de Paris, à son de trompe , qui fut dict de par la dicte cour, que doresnavant nulz imprimeurs n'eussent plus à imprimer aucuns livres de Luther, en quelque manière que ce soit : et que tous ceux qui en avoient , fussent imprimeurs ou autres , ilz les apportassent au greffe de la dicte cour dedans la huictaine ensuivant, sur peine de confiscation de corps et de biens. Et défences à toutes personnes , de non plus partir, exposer ne translater de latin en françois les épitres de sainct Paul, l'A-pocalipse, ne autres livres, ne aussi de plus parler des ordonnances de PÉglise, ny des images, sinon ainsy que saincte Eglise l'a ordonné de toute antienneté, avec plusieurs autres choses qui ont esté faictes contre le dict Luther. Et fut dit par la dicte cour qu'il seroit envoie par tous les bailliages , seneschaucées, prévostez, vicomtez et terres de ce royaume le dict arrest , pour le faire publier , affm de remédier aux abbuz du dict Luther, lesquelz parloient de jour en jour contre les ordonnances de l'Eglise saincte.

Au dict an 1 526, la veille de Noël , un jeune filz de la ville de Meaulx fist amende honorable , la teste nue , et tenant la torche de cire ardante, devant la

D'UN BOURGEOIS DE PARIS (i82G). ^77

grande église de Nostre-Dame de Paris, en l'esclielle , criant à Dieu mercy el à Noslre-Dame, de ce qu'il avoit dit en ensuivant la secte de Luther; et furent bruslez devant luy aucuns livres qu'il avoit translatez de latin en François , tenant le party du dict Luther , lesquelz il leust de mot à mot^ en déclarant qu'ilz estoient faulx et damnables, et furent iceux bruslez en sa présence; el de là il fut mené pour estre par longue espace de temps prisonnier es prisons des Célestins, au pain et à l'eau. Et fut ce faict pararrest de ladicte cour de Parlement. Et s'il ne se fut desdict des paroles, et choses qu'il avoit dictes , il eust esté bruslé , et se

uommoit Et faut noter que la plus grande

partie de Meaulx estoit infectée de la faulce doctrine de Luther, et disoit-on, qu'un nommé Falry, prestre, estudiant avec autres, estoit cause des dictz embrouillemens, et entre autres choses, qu'il ne falloit avoir es églises aucunes images , ne prendre eaue béniste pour effacer tous les péchez , ne prier pour les Irespassez, à cause qu'incontinent après le trespas ilz alloient en paradis ou en enfer, et qu'il n'y avoit nul purgatoire , et qu'il n 'estoit vray et ne le croyoit pas.

Au dict an (1 526) , au mois de janvier , fut envoie quérir prisonnier, de par la cour de Parlement, un gentilhomme qui estoit à Abbeville, nommé Barquin, qui fut amené en la Conciergerie du Palais à Paris, par l'huissier Mailly ; et fut ce faict à cause qu'il estoit luthérien, et avoit autrefois esté reprins par la dicte cour, de ce qu'il tenoit la doctrine de Luther ; et en fut prisonnier en la dicte Conciergerie , mais en eschappa, parceque madame la Régente en avoit évoc-

que la cause au Grand Conseil, et l'envoia quérir, et en vouloit avoir la congnoissance, affin de le saulver; mais il luy fut envoie par la dicte cour, chargé du cas, et néantmoins quelque temps après, il avoit esté élargi par le dict Grand Conseil, sans en avoir esté aucunement absoulz, et s'en retourna depuis en son pais de Picardie, où il persévéra encore en son propos. Dont à ceste cause , la dicte cour le renvoia quérir comme dit est devant , et environ huict jours après son arrivement à Paris , le dict Mailly, huissier, fut renvoie audict lieu d' Abbeville , et es environs , de par la dicte cour, pour informer de la vie du dict Barquin, pour y pourvoir par justice. Et depuis la dicte cour fist son procez, tellement qu'il fut bruit qu'il estoit conclud à mourir, après que les commissaires qui estoient déléguez le rendirent à la justice laye, en le déclarant hérétique ; mais madame la Régente manda à la dicte cour que Ton surcéast Pexécution jusques à la venue du Roy. Et depuis le Roy arrivé manda à la dicte cour qu'on ne le fist mourir et qu'on le gardast tant qu'il fut en France.

(1 526.) Au dict an ,. au commencement de février, partist de Lyon madame la Régente, mère du Roy, avec tout son train et la cour, et s'en alla à Bloys, parcequ'il estoit bruit que l'appointement d'entre le Roy et l'Empereur estoit faict , que le Roy estoit délivré et qu'il s'en retournoit en France ; et disoit-on que ma dicte Dame alloit à Bloys, pour s'en aller vers le Roy, son filz, à Rayonne, où il se devoit trouver, et disoiton qu'elle menoit messieurs les enfans avec autres jeunes princes.

Au dict an, mecredy de caresme prenant, fut pu-

blië à son de trompe par les carrefours de la ville , la paix d'entre l'esleu empereur et le roy de France , dont la teneur du cry ensuit : « On vous faict assçau voir, que bonne , seure et loyalle paix , amitié, fra- « terni té, confédération et alliance est faicte, traictée, u conclute , jurée, promise et accordée , entre l'esleu a empereur, roy des Espaignes, et le Roy, nostre sou- {( verain seignem-, d'entre leurs royaulmes, pays, (( terres etsubjectz : et peuvent les subjectzd'uncosté (c et d'autre, aller, fréquenter, converser et marchan- (c der seurement et saulvement les uns avec les autres, « tant par mer, par terre, que par eaues doulces, seu- « rement, sans marques ou responsailles à eulx, leurs « biens, denrées, marchandises, vaisseaux, navires a puissent estre prinses , arrestées ou empeschées , en « quelque manière que ce soit, si ce n'est contre ceux w qui auront commis les maulx et pilleries. Parquoy « est mandé de par madame la Régente , en vertu du ce pouvoir et authorité à elle donné , par le dict seic( gneur, à tous les justiciers , officiers et subjectz d'i- « celuy, que à ce ilz aient à obéir et faire obéir, et la « dicte paix et alliance faire publier et entretenir, garce der et observer, chacun en leur endroit , sur peine c< de confiscation et amendes en tel cas requises. Faict ce à M...... le douziesme jour de février 1526. Publié

(c à son de trompe par les carrefours de ceste ville de ce Paris, le treisiesme février. »

Au dict an 1 526 , le samedy iij® jour de mars , de nuict, il cheut une maison qui estoit sur les fossez devant le marché aux pourceaulx , près la porte Sainct- Honnoré, à Paris, à cause des grandes eaues qui estoient advenues durant la dicte année, en Seine, et à l'envi-

ron de Paris , dont il y eut six ou huict personnes de tuez par nuict, assçavoir l'homme, la femme et quatre petis enfans. Icelle maison cheut à cause des grandes eaues qui estoient es fossez, qui estoient venues de la rivière de Seine, et par source, lesquelles eaues avoient miné les fondemens de la dicte maison , parquoy elle cheut. La rivière estoit toute desbordée ceste année par sa grandeur merveilleuse.

Au dict an , en may, fut pillée la ville de Desize ^ , qui est près de Moulins, en Bourbonnois, par plusieurs gendarmes du Roy, qui revenoient de delà les montz, et y furent tuez dedans la dicte ville plusieurs bourgeois de la ville. Dont Madame y envoia plusieurs gens d'armes pour y faire résistance. Mais ilz s'en estoient en allez : et la cause fut, parcequ'on ne les vouloit laisser entrer dans la ville ; et firent cet oullrage principallement Italiens.

* Au dict an , le mardy, jour de Caresme prenant , treisiesme de février, un jeune homme d'environ vingtquatre ans , natif et marié à Auxerre , et bastelier, fut bruslé en Grève à Paris, parceque, le samedy auparavant, de nuict, luy deuxiesme, avoit desrobé le sainct ciboire et corpus Domini en F église de Sainct-Jean en Grève; mangèrent premièrement le dict corpus Domini et emportèrent le dict ciboire, aians couché dans l'église pour ce faire. Lequel ciboire, ce pauvre sacrilège porta pour vendre à un mercier à Paris. Mais il fut incontinent accusé et mené prisonnier et , convaincu du cas, fut condamné par le lieutenant cri-

\ . Dans le département de la Nièvre , à trente-cinq kilomètres de Nevers.

minel, à avoir les poings couppés et estre bruslé vif en Grève; ceste sentence confirmée ce mesme jour par arrest, (il) fut exécuté au dict lieu de Texécution, mené et traisné sur une claye, depuis le Chastelet. Son compaignon s'en estoit fuy.

Le dimanche ensuivant, furent, pour ce, faictes processions généralles qui allèrent à la dicte église de Sainct-Jean, là où fut la grande messe chantée par l'abbé de Saincte-Geneviefve qui estoit curé de nouvel de la dicte église , par le décez de monsieur de Quercu, qui estoit trespassé environ quatre mois auparavant*.

Au dict an, au commencement de mars, le Roy retourna de Madril en Espaigne , en France, et arriva à Bayonne , où il trouva madame la Régente , sa mère, qui estoit allée avec madame d'Alançon et toute la noblesse , le chancelier et tous les gens du conseil. Et s'en vint de par l'Empereur, en France, en baillant pour ostaiges monsieur le Daulphin et le duc d'Orléans. Et la cause pour laquelle il revint ce fut pour traicter la paix entre l'Empereur et luy, et aussi pour sa délivrance, et pour faire passer et accorder les choses par luy promises au dict Empereur, qui ne furent toutesfois faites , à cause qu'ilz estoient par trop desraisonnables. Cenéantmoins, longtemps après, le dict traicté fut faict et accordé ^

A sa venue , il donna au filz aisné de monsieur de Montmorency, qui estoit mareschal de France, l'of-

1 . Ce paragraphe et le précédent se trouvent dans un supplément à la fin du manuscrit, f° 172.

2. Voy., sur la captirité et la délivrance du roi, la note à l'appendice.

fice de grand maistre de France , et , avec ce , le fist gouverneur de Provence.

Il fist admirai de France et de Guyenne et gouverneur de Bourgongne monsieur de Brion , l'un des^ gentilzhommes de sa maison.

Jtem , à monsieur de la Barre , donna l'office de baillyf de Paris , et la comté d'Estampes qu'il avoit donnée auparavant à monsieur l'admirai Bonnyvel, qui fut tué devant Pavie, le jour de la prinse du Roy. Et oultre luy donna la prévosté de Paris \

Au comte de Sainct Paul donna le gouvernement de Daulphiné , et le fist gouverneur de la ville de Paris.

Messire Gabriel d'Allègre, qui estoit prévost de Paris, (il) le fist mareschal de France, et aussi le fist baillyf et gouverneur de Caen en Normandie.

Le filz de monsieur de Floranges (il le fist) mareschal de France % et luy donna douze mil livres de pension par an et avec ce luy donna la ville de Chasteau- Thierry. Et est assçavoir, que, avant son arrivemerit , furent délivrez, sçavoir le prince d'Aurenge qui estoit prisonnier à la grosse tour de Bourges , et avoit esté prins sur mer parle seigneur Bernardin et André Dory et autres capitaines de mer, en allant de Flandres en Espaigne , vers l'Empereur. Et aussi furent délivrez messieurs de Sainct-Vallier et l'évesque d'Authun , nommé Hurault , lesquelz deux estoient prisonniers à la tour de Loches, de par le Roy, avant la journée de Pavie, ou avant la prinse du Roy, parcequ'ilz tenoient le party de monsieur de Bourbon. Et aussi furent dé-

i. Voy. Félibien, t. II, p. 976.