Maillart. — On connaît la belle épigramnie de Marot

Lorsque Maillart, juge d'enfer, menoit

A Montfaucon Semljlançay l'âme rendre, etc.

ment, disant par luy, que la dicte prononciation estoit par sentence, et que d'icelle il en pouvoit appeler en la cour souveraine du dict Parlement. Parquoy, au moien du dict appel , Texécution surcéa jusques au lundy ensuivant. Car il fut dit par les dictz commissaires que ce qu'ilz avoient faict sortiroit..... *, comme s'il estoit faict par arrest de la cour de Parlement. Par^ quoy l'exécution du dict arrest fut faicte à la personne du dict de Beaulne , le lundy ensuivant, qui estoit le douziesme jour du dict mois d'aoust , tellement qu'il fut pendu et estranglé au gibet de Montfaucon, ce dict jour.

Il est assçavoir, que comme dit est, le dict de Beaulne estoit natif de Tours^ aiant environ soixante et quinze ans, lequel, en son temps, avoit gouverne trois Roys, assçavoir le roy Charles huictiesme, Loys douziesme et le roy François , à présent régnant , et avoit esté général des finances du Roy, mais par consentement du Roy il avoit baillé son office à son filz.

Il est assçavoir, que lors de la prononciation , les archers et arbalestiers de la ville furent mandez pour le conduire au gibet et chacun s'attendoit bien qu'il deust mourir au dict jour, ce qui ne fut au moien de son appel.

Item^ comme dit est, le jour de lundy, il partist de la Bastille et fut mis sur une mulle, aiant le bonnet en sa teste , sans estre lié , et avoit vestu une robbe de drap frizé de couleur tannée, obscur enfumé, un saye de veloux noir, et l'accompaignoit le dict lieutenantcriminel avec monsieur de Gonez , avec tous ses ar*

\ Son effet. Ces mots sont omis dans le manuscrit.

chers, lequel estoit lieutenant du prévost de Paris. Et aussi y estoient tous les archers, arbalestiers et hacquebutiers de Paris , les gens du guet à cheval et à pied, les sergens de Chastelet et moult de peuple de la ville, tous en gros nombre ; et luy fut faict son cry en trois lieux , c'est assçavoir porte Bauldetz *, devant Chastelet et au gibet.

Item^ luy fut baillé pain et vin devant l'église des Filles-Dieu par le dict couvent, comme on a de coustume faire aux pauvres criminelz. Item^ il luy fut baillé une croix de boys, paincte derouge en sa main, et luy fut mis la teste nue, et osté son bonnet, et fut mené jusques au gibet, la teste nue.

liern^ il est assçavoir que le dict de Beaulne fut prins prisonnier de par le Roy, luy estant à Paris , le dimanche , treisiesme janvier 1 526 (1 527), qui furent sept mois qu'il avoit esté en prison , et fut mené prisonnier par les archers de la garde du Roy, pendant lequel temps fut faict son procès jusques en difïinitive : et estoient les commissaires ordonnez de par le Roy , c'est assçavoir le premier président du Parlement, nommé de Selva, les premiers présidens de Thoulouze et Dijon ; et le lieutenant civil du Chastelet, nommé du Bourg, estoit rapporteur du procès; lesquelz quatre luy firent son procès ainsi que dessus.

Iterrij il est à noter qu en Tan 1 523, le Roy luy voulut faire rendre compte de l'administration qu'il avoit eue en ses finances; et pour ce faire, il ordonna lors six commissaires, assçavoir, le trésorier du Tillet,

i . La porte Baudets ou Baudoyer. Elle donna son nom à la place Baudoyer confondue aujourd'hui avec la rue Saint-Antoine.

le trésorier Meigret , le premier président du Parlement nommé de Selva, le premier président Guillard, Berthelot , maistre de la chambre aux deniers , et Baudouiller, maistre des comptes.

Et environ un an après, il fut dit par sentence des dictz six juges, le Roy estre redevable en quelque somme de deniers envers le dict de Beaulne, qu'il avoit empruntée, pour les affaires du Roy, de plusieurs marchans de Paris et autres , qu'on disoit monter à trois cens mil livres, et aussi qu'il estoit redevable au Roy en quelque grosse somme de deniers. Dont de la sentence des dicts juges le dict de Beaulne et le Roy s'en portèrent pour appelans, mais ne fut depuis rien faict , jusques à la dicte prinse , comme a esté cy devant alléguée

Or, est-il ainsy que le dict de Beaulne, depuis la reddition de compte cy devant mentionnée, il fut accusé par un nommé maistre Jean Prévost , son clerc , qui aussi estoit trésorier des finances du Roy et avoit espousé la niepce du dict de Beaulne , qui estoit coulpable des larrecins et tromperies , commis par iceluy de Beaulne es dictes finances du Roy. Mais en faisant la dicte accusation envers le Roy, il obtint pardon du Roy, et abolition des dictz larrecins qu'il avoit faictz avec le dict de Beaulne.

Iceluy de Beaulne avoit eu en son temps moult de grandz honneurs et acquis de grandes richesses. Il avoit faict son filz aisné général en son lieu, et un sien filz puisné il l' avoit faict archevesque de Tours , qui mourut un peu devant la mort de son père, de des-

i. Voy. plus haut, p. iOa.

plaisance, et lors de remprisonnement de son dict père, environ six semaines devant que le dict père fust pendu. Finablement fut pendu ledict seigneur de Sainct-Blançay. Environ douze jours après il fut despendu secrètement du gibet par ses parens et amis , dont le Roy en voulut faire querelle , pour sçavoir où estoit le corps et qui l'avoit despendu , mais tout cela demeura et fut le corps mis en terre saincte.

Item , après Texècution faicte du dict de Beaulne , plusieurs gens de finances furent, de par le Roy, prins et emprisonnez, c'est assçavoir le général de Bretaigne, qui fust mis prisonnier à la Bastille ; lequel depuis , par les commissaires cydevant dictz , fut condamné à perdre son office , et en la somme de quarante mil livres et pour ce de non plus avoir offices comptables.

Item , un trésorier de la marine , nommé Michel Menant , son parent , et qui avoit faict , soubz le dict de Beaulne, la charge du dict office, s'enfuit à Valanciennes et ne revint point. Aussi s'enfuit le filz du dict feu de Beaulne , qui estoit aussi général des finances du Roy, et s'en alla à Couloigne *, sur le Rhin. Il fut depuis adjourné à son de trompe à Paris à trois briefz jours , et par faulte de comparoir, il fut depuis à son de trompe déclaré attainct et convaincu des cas à luy imposez, et condamné d'encourir mort, et son office et ses biens déclarez confisquez au Roy.

Mais environ un an et demy après, il fut mandé par le Roy, qu'il s'en retournast en France, et que le Roy luy pardonnoit et remis en son office et en ses biens , mais néantmoins il ne s'y voulut fier.