Cologne

Aussi s'enfuit un nommé Berthelot, seigneur d'Azay, de Tours, président des comptes, et qui avoit esté des finances du Roy et maistre de la chambre aux deniers, Et aussi qu'il avoit la charge de lever les francz fiefz et nouveaux acquestz et des amortissemens , le tout pour le Roy, et s'en alla en franchise en Mez*, en Lorraine.

Puis un nommé Meigret , trésorier des finances du Roy, fut mis prisonnier au Petit Chaslelet et depuis condemné en quinze mil livres et à vérifier quelques comptes, estimez environ quarante mil livres, ou paier la dicte somme et privé de tous offices royaulx.

Item^ fut en prison au Petit Chastelet, en juillet 1 528, monsieur Ruzé qui estoit recepveur général des finances du Roy et nepveu delà femme du dict de Beaulne.

Aussi s'enfuit un nommé maistre Ambroise , qui avoit esté clerc du frère trésorier Marelet, qui se mesloit des finances du Roy, et avoit acquis tout plain de biens , et plusieurs offices qu'il avoit acheptées , c'est assçavoir l'office de clerc des esleuz de Paris, une secrélairerie du Rov avec autres.

Et avoit le bruit d'avoir tout plain gaigné ou à tout le moins beaucoup desrobbé des finances du Roy, mais à la fin il se vint rendre prisonnier à la Conciergerie et rendit son compte, tellement qu'il fut quitte.

Item , aussi fut mise prisonnière la veufve du dict

feu Jacques de Beaulne, à cause qu'elle s'estoit portée

appelante de la mort de son mary.

' Aussi un nommé monsieur Ruzé, cousin du dict

recepveur général, et advocat fiscal du Roy en Parle-