Cf. Félibien, t. H, p

faictes processions génëralles où estoient les prévost et escbevins de la ville, avec grand peuple, où on porta châsses , reliques et alla-on à Nostre-Dame de Paris , les rues tendues. Ce qui fut faict par ordonnance et commandement de madame la Régente, elle, le Roy et la noblesse, estans à Sainct-Germain-en-Laye, et ce à cause qu'elle mandoit que le Roy avoit eu nouvelles de ses cappitaines et gens d'armes , qu'il avoit de là les mons , c'est assçavoir le seigneur Rance , italien , qui estoit de la ligué des Ursins , et tenoit le party du Roy; le comte de Vaudemont , frère puisné de monsieur de Lorraine , le marquis de Saluées et autres ; qu'ilz avoient deffaict quelque nombre de gens d'armes , arrivez au port de Gayette , pour l'Empereur, voulans aller à Rome prendre le pays et après aller à Naples , et le seigneur d'Arcon , et le prince d'Aurenge , avec grand nombre de gens d'armes tant de cheval que de pied\

On dit que noz gens y gaignèrent huict cens chevaulx légers ; Espaignolz y furent tuez en grand nombre, et y cuida estre prins le prince d'Orange et y fut blessé le vice-roy de Naples et se saulva. Monsieur de Bourbon n'y estoit, mais estoit à Milan. De là noz gens d'armes tirèrent au royaume de Naples où ilz gaignèrent aucunes villes.

On dit que la cause pour laquelle les gens d'armes estoient allez à Gayette, c'estoit de par le pape et le Roy, et que le pape vouloit donner sa niepce au comte de Vendosmois, et, en ce faisant, luy vouloit donner le royaume de Naples.