Voy. du Bellay, 1. m

(1 527). Au dict an 1 5*26, lundy, quatriesme mars, fut par la cour de Parlement bruslé en Grève, à Paris , un nommé Lucas Doidlon, aagé de trente-six ans, prothonotaire, aiant plusieurs bénéfices, natif d'Anjou, parent de monsieur de Lude : et ce fut, parcequ'il avoit dit un grand blasphème de Nostre-Seigneur et de sa glorieuse mère ; il fut prins le jeudy de devant. Et premièrement fut condamné à faire amende honnorable devant Téglise Nostre-Dame , ce qu'il ne vouloit faire. On dit qu'il fréquentoit la cour du Roy et avoit demeuré à Rome au service du pape Clément, et qu'il estoit menodour *.

Au dict an, la veille de Pasques fleuries, furent prins prisonniers de par le Roy, lors estant à Sainct-Denis avec Madame, plusieurs des manans et habitans de la ville de Paris et menez au Louvre par monsieur de Grez, lieutenant du prévost de Paris , et ses archers , assçavoir monsieur Merlin, docteur, grand pénitencier de l'évesque de Paris et curé de Saincte-Magdaleine, monsieur Bouchart^ advocat en Parlement', maistre Jean du Gué , aussi advocat en la dicte cour, maistre Jean Boyleau, aussi advocat, Jean Godefroy, Jean le Riche l'aisné, marchant, Jean de Gastue, orfèvre, et maistre Raoul de Thamenan, notaire du Chastelet, lesquelz furent menez un soir dedans le Louvre. On dit qu'il y en avoit dedans l'escripteau pour estre

i . J'ignore ce que veut dire ce mot , qui est parfaitement lisible siu* le manuscrit.

2. Il avait plaidé jadis pour le connétable de Bourbon (voy. pJ5ij. On trouve dans le carton XXIII {Lettres servant à l'histoire) , de la collection Fontette, pièce 40, le texte d'une lettre qu'il adresse à Bonnivet pour obtenir sa liberté.

prins prisottiîiers , des bourgeois de Paris plus de soixante, mais néantmoiris ne fut prins que les dessus dictz. La cause de la dicte prinse fut, comme on dit, pourceque lors d'une assemblée faicte par les prévosl et esclievins dans l'hostel de la ville, dès le mois d'octobre 1 525 , que le Roy estoit prisonnier, Madame avoit mandé qu'il convenoit que les habitans de Paris s'obligeassent aux Angloys, eulx et leurs biens sur peine d'excommunication , et pareillement toutes les autres villes de France, à paier aux dictz Angloys par chacun an, cent mil escus jusques à fin de paiement de deux millions d'escus. Desquelz habitans par spécial les dessus dictz emprisonnez n'avoient esté d'oppinion d'eulx obbliger.

Les dictz Bouchart, Boyleau, du Gué et monsieur Merlin furent détenuz prisonniers par long temps , et le marchant orfèvre et notaire susdictz , mis hors de prison, parcequ'ilz disoient, pour leur défence, n'avoir parlé qu'après les quatre dessus dictz. Et leur fut baillé, pour faire leur procès de par le Roy, aucuns de messieurs du Grand Conseil.

(1 527). Au dict an 1 526, le jour de Pasques fleuries, qualorziesme avril, entra le Roy à Paris ^, où luy fut faicte entrée de par la ville, les rues tendues par la ville et aux faulxbourgs de Sainct-Denis. Ce jour il estoit party de Sainct-Denis où il avoit couché par deux nuictz. Avec luy estoit toute la noblesse, entre autres madame la Régente , madame Renée , la royne de Navarre : aussi y estoit le roy de Navarre, monsieur de Yendosme, le comte Sainct-Paul, le cardinal de Lorraine,

i.Cf. Félibien,t. U,p. 979.

et entra, après disner, par la porte Sainct-Denis. A son entrée furent tirées dix grosses pièces d'artillerie qui esloient sur les murailles et terrasses des costez de la porte Sainct-Dcnis. On ne porta point de ciel sur luy, mais y furent les croix des églises et les preslres vestuz de chasubles et les quatre mendiens. Item , la cour de Parlement vestuz de leurs robbes d'escarlale, accompagnez des advocalz et procureurs, la chambre des comptes, les généraux de justice et des monnoyes, avec leurs officiers royaulx. Item^ ceulx de Chaslelet, comme les lieutenans, conseillers, advocatz, commissaires, notaires, procureurs, sergens à cheval et à pied et le guet à pied et à cheval ; plus y estoient les prévost, eschevins et bourgeois de la ville, avec les archers, arbalesliers et hacquebutiers ; et s'en alla le Roy soupper en sa maison aux Tournelles , puis s'en alla faire ses Pasquesau boys deVincennes.

(1527). Environ huict jours après Pasqiies, le Roy fîst un gros emprunt en ceste ville des officiers royaulx, affîn que le menu peuple ne fust foullé, et fut dit que tous officiers aians gaige du Roy bailleroient une année au Roy de leurs dictz gaiges, et ceulx qui avoient offices sans gaiges paieroient le huictiesme de la valleur de l'achapt de leurs dictz offices ; et les sergens à verge paieroient cent solz, estimant leurs offices quarante livres pour une fois paier : les sergens à cheval paieroient le double, qui sont dix livres. Les commissaires furent taxez à six vingtz livres , les notaires de Chastelet à soixante livres, et encores autres gros empruntz particuliers, qui furent faictz en général sur autres offices. Et furent les dictz empruntz décrétez et homologuez de par la cour de Parlement. Et depuis

furent iceulx empruntz cueilliz et levez par la ville , dont le peuple eut beaucoup à souffrir. 11 estoit bien nécessaire de subvenir et ayder au Roy, pour paier sa

rançon *.

Au dict an 1 527, incontinent après Pasques , arriva à Paris monsieur le président Le Viste qui venoit d'ambassade de devers le roy d'Angleterre, et amena avec luy de grandz seigneurs d'Angleterre , accompaignez de grand nombre de gens jusques au nombre de quatrevingtz ou cent chevaulx, qui vindrent tous vers le Roy, estant à Paris. On dit que c'estoit pour traicter ' du mariage de monsieur le Daulphin et la princesse de Galles, fille unique d'Angleterre % et estoit pour lors le Roy logé au Palays où fut faict et conclud le dict accord. Et le jour de Pentecouste, qui estoit le neufiesme jour de juing, au dict an, le Roy avec et sa noblesse et les dictz ambassadeurs angloys, allèrent à Nostre- Dame de Paris, là où, en célébrant la messe, le dict seigneur Roy et les dictz ambassadeurs principaulx d'Angleterre firent le serment sur le Corpus Domini qui leur fut baillé et party au Roy et à eulx , en promettant d'un côté et d'autre, d'entretenir les dictz accordz et traictez par eulx faictz et promis; puis s'en retournèrent en leur logis ; et ce jour le Roy guarist des escrouelles en la dicte église de Nostre-Dame.

Et y eust moult grand triomphe parmy les rues , et dedans l'église Nostre-Dame de Paris, et estoit le cœur de la dicte église tout tendu de tapisserie moult triomphante.

i . Voy. dans la collection Du Puy, n» 645, la liste de ceux que le roi juge luy vouloir prester certaines sommes. 2. Cf. Ms. Brienne, n° 33. — Félibien, t. Il , 980.

Item , le mecredy ensuivant , qui esloit le dernier jour des fériés de Pentecouste , le Roy fit son bancquet ausdictz ambassadeurs angloys en la grande salie du Palais, au soupper, où il y eust une merveilleuse triomphe, et estoit la dicte salle toute tendue de tapisseries, toute remplie de cierges de cire ardante, pendant en croix par en liault ; et depuis leur furent faictz plusieurs bancquelz à Paris, par les seigneurs de France.

Item^ aussi, il fut lors bruict que, oultre le dict mariage, furent faictz les traitez de paix et alliance perpétuelle, entre les dictz deux Roys,, en promettant secourir et ayder l'un l'autre, et estre eulx deux amis de leurs amis et ennemis de leurs ennemis, en promettant d'ayder l'un à l'autre de gens d'armes et d'argent , quand mestier en seroit.

Et aussi fut envoyé vers l'Empereur, de par les dictz deux Roys , deux ambassades , assçavoir une de France et l'autre d'Angleterre , en Espaigne , pour sommer au dict Empereur qu'il eust à rendre messieurs les enfans de France , en offrant bailler pour la rançon du Roy , ou prendre madame Éléonor à femme, en luy rendant ses dictz enfans, ou paier un million d'or pour sa rançon , autrement à son refuz , ilz luy signifioient guerre. Aussi on disoit qu'il y avoit promesse entre les dictz deux Roys de secourir et aider l'un l'autre à guerres , tant d'argent que de gens. Aussi promettoit le dict roy d'Angleterre, d'aider au Roy, pour ravoir les dictz enfans du roy de France, avec plusieurs autres choses, qui furent faictes à nous incongneues \

1. Le traité fut signé à Westminster, le 27 mai 1527. Voy. Traités de paix ^ t. II, p. 136.

Au dict an 1 527, le mecredy, viiigt-sixiesme juillet , le roy de France partist de Paris , et Madame , avec toute la noblesse, et s'en allèrent à Amyens vers le cardinal d'iort, Angloys, envoyé par le roy d' Angleterre , pour dutout conclure de la dicte paix , perpé^ tuellement entre les dictz deux Roys.

Et fist le cardinal son entrée au dict lieu d' Amyens, le dimanche quatriesme d'aoust ensuivant, au dict an, où il y eut moult grand triomphe ; et y furent les rues tendues, avec jeux et esbatemens aux portes où il passoit; et, peu de jours après, le Roy et le dict cardinal allèrent à Gompieigne pour faire la dicte paix et entreprinses, où ilz furent assez longuement.

Et lors ledict cardinal d'Yort fist le chancelier de France cardinal, par l'authorité du pape; mais il n'eust pour lors le chappeau rouge * ; puis après le dict cardinal s'en retourna en Angleterre , et alla avec luy, de par le roy de France, le grand maistre de France, filz aisné de monsieur de Montmorency ^ ; et tost après le roy de France s'en retourna à Paris '.

Item, le mecredy, vingtiesme aoust, au dict an, fut publiée à son de trompe la dicte paix , par les carrefours de Paris , entre le roy de France et le roy d'Angleterre; et fut criée sur la pierre de marbre, au Palays aussi, par six trompettes , et y estoit le premier huissier de Parlement au dict lieu, et par la ville y furent

1 . Au sujet de cette promotion de Duprat , voy. la pièce originale sur parchemin, Ms. Du Puy, n° 442.

2. "Voy. le texte des pouvoirs donnés par le roi, Ms. Béthuncj 8506, f"71.

3. Voy. le texte du traité signé à Amiens, le 18 août 4327. — Recueil des traités, t. II, p. 140. Isambert, t. XII, p. 282. aA'

les deux lieutenans civil et criminel de Chastelet, le procureur du Roy au Chastelet ; et fist Ja publication maistre Adrian Lormier, greffier du Chastelet, et y estoient aussi aucuns des conseillers et commissaires en Chastelet , avec aucuns sergens à verge , le lieutenant du guet , le cappitaine des arbalestiers , avec aucuns de guet à cheval, arbalestiers et archers de la ville; et y fut déclarée la dicte paix universelle à tousjours, pour aller, venir, sesjourner, fréquenter, tant par mer que par terre , et tous gens et marchandises es dictz royaumes, pays, terres et seigneurs. Et en faisant la dicte paix , le Roy donna au roy d'Angleterre , qui luy requist, la traicte de cent muidz de bled* en payant, pour les mener en Angleteire , dont en ce faisant les bledz en furent fort renchéris, car auparavant le dict traicté, le muyd de bled ne valloit que trente solz le septier, et à la fin il vallut soixante et dix solz, et quatre livres.

L'an 1 527, au moys de may, vindrent nouvelles au Roy, luy estant à Sainct-Germain en Laye , avec madame la Régente , sa mère , et toute la noblesse, de la désolation et ruine faicte à Rome, par monsieur de Bourbon, et les Espaignolz qui y estoient de par l'Empereur, et des François ; y estoit aussi le seigneur Rance, cappitaine de l'armée de France, avec son filz, et y estoient aussi le marquis de Salluces et autres seigneurs et cappitaines.

Et est assçavoir que le sixiesme may, au dict an 1527, monsieur de Bourbon et toute l'armée del'Em-

1. Il doit y avoir ici une erreur de chiffres, car cent muids de blé ne formaient guère que 18 700 hectolitres, quantité trop peu considérable pour faire hausser le prix du grain.

3â4 JOlfRNAL

pereur, prindrent le faulxbourg Sainct-Pierre, et le pillèrent et le bruslèrent , et mirent à mort tous ceulx qu'ilz trouvoient, où il y eust un merveilleux dommaige, car c'estoit le meilleur quartier de Rome; et y entrèrent par une brèche des murailles de la ville. Et pour défendre la dicte brèche y estoit commis le filz du seigneur Rance, qui avoit en sa compaignie la fleur de la noblesse des enfans de Rome. Il y en avoit grand nombre avec aucuns des gens de guerre tenant le party du dict seigneur Rance ; lequel filz par ses vaillances fut tué au dict assault. Puis le dict seigneur de Bourbon entra dedans la ville de Rome avec les lansquenetz et Espaignolz qui tenoient grosse puissance dans la ville par les rues. Et y fut tué de neuf à dix mil hommes, tant Espaignolz que lansquenetz, et en ce conclud y fut tué aussi le dict seigneur de Bourbon*, en la grande rue où se tenoient les marchans, et où sont les grosses bouctiques de marchandises, et fut tué d'un hacquebute qui le frappa parmy le front, en sorte que luy fut emportée la cervelle. Dont à cause de la mort du dict seigneur de Bourbon, l'armée desdictz Espaignolz et lansquenetz en fut fort effroyée, et y furent aussi tuez quatre cardinaulx et un gros nombre de peuple estimez environ vingt mil, tant hommes, femmes que enfans.

Le pape Clément se retira incontinent et se saulva

1 . Bourbon fut tué au moment où il montait à une échelle sur le mur de Rome, près de Santo-Spirito. On lui fit cette épitapbe :

Unum Borbonlo \otum fuit arma ferenti : Vincere vel morier : donat utrumquc Deus.

(Cf. Ms. Du Puy, n» 843.) — Voy. sur le sac de Rome la note à l'appendice. , ,^ .

dedans le chasleau Sainct-Aiige , en une forteresse, avec gros nombre de cardinaulx, et s'y retira aussi le seigneur Rance , avec la gendarmerie de France en grand nombre.

Item^ le grand palays de Sainct- Pierre fut tout bruslé et pillé, et aussi l'église de Sainct-Pierre , et tous les ornemens sacrez, livres et calices furent prins , tellement qu'il n'y demeura rien.

Item^ aussi les dictes reliques furent prinses par les lansquenetz et Espaignolz et emportées.

lient , toutes les églises et tous les prestres et religieux, tant mendians que séculiers, et les monastères des dames furent tous bruslez et tuez.

En effet, il y eust une merveilleuse cruauté. Ces choses furent faictes par les lansquenetz qui estoient quasi tous luthériens.

Et furent les Collonnois et ceulx tenans le party de l'Empereur qui firent les choses dessus dictes et les cruautez.

Item^ le chasteau Sainct-Ange, où estoient le Pape, les cardinaulx et le seigneur Rance et autres, fut assiégé et n'y avoit vivres que pour trois mois.

On disoit que le Pape fut mis à deux cens mil ducalz de rançon.

Jtenij alla à Rome grande armée et grosse gendarmerie de par les Suysses , pour lever le siège de Rome.

Item, les dictz Espaignolz enterrèrent le dict seigneur de Bourbon dedans l'église Sainct-Pierre de Rome , où il y fut faict grand triomphe et honneur, autant qu'on en eust sceu faire à un roy.

On disoit que l'Empereur luy avoit donné la duché

de Milan, et les Milannois furent fort desplaisans de sa mort , car il leur avoit promis leur faire moult de bien.

1527, le samedy "vingt-deuxiesme.... *, un nommé Barbiton, parcequ il estoit compaignon barbier, qui par longtemps avoit esté aux gallères, pour cause de certains grands maulx qu'il avoit faictz, fut par sentence du lieutenant criminel, confirmé par arrest, pendu et estranglé en la place Maubert. 11 estoit marié , et si il estoit eschappé des gallères ^

Au dict an, un nommé Le petit Esleu de La Croix, aagé d'environ trente six ans , non marié , qui avoit esté riche, mais par maulvais gouvernement, prodigalité et trop grande despence estoit encheut en pauvreté, tant qu'il devoit plus de six cens livres à plusieurs , parquoy et à faute de payer, il fut excommunié par six ans durans, après avoir despencé, ce disoit-on, plus de douze mil livres. Il mourut de peste et fut porté àl'huys du cymetière de la Trinité tout ensevely, pour estre enterré céans comme les autres pauvres. Mais, pour ce qu'il fut recongneu et sceu qu'il estoit excommunié, il n'y fut point enterré , parceque monsieur de Paris ne voulut donner congé de l'enterrer en terre saincte, obstant qu'il n'estoit absoulz, ne sans le consentement de ses créanciers. Parquoy il fut enterré en la voirie vers le gibbet. Il estoit filz d'un homme de bien et riche , nommé l' Esleu de La Croix , de la parroisse Sainct-Eustache.

L'an 1 525 , un gentilhomme nommé monsieur de