Neuilly

Item^ trois jours après, il fut porté en grand triomphe en l'église des Augustins à Paris pour le garder, jusques à ce qu'il fust porté inhumer à Bloys, où il avoit esleu sa sépulture. Et au dict convoy des Augustins y avoit grand nombre de luminaires, tant de par les prévostz des marchans et eschevins de la ville de Paris* Et y estoient les archers et hacquebutiers de la dicte ville , qui portoient les torches de cire allumées que la ville avoit baillé pour faire le convoy, et y en avoit quarante torches, et cent torches de par luy. Et estoient au dict convoy le prévost et eschevins de la ville , et grand nombre de seigneurs et gentilzhommes du Roy, et gens des finances, et estoit le cœur des dictz Augustins tendu de veloux noir. Et y avoit une chappelle de boys, soubz laquelle estoit son corps : et après son service faict , il fut porté en l'église Nostre-Dame des Champs, où il fut la nuict , et le lendemain y fut faict aussi son service. Puis delà il fut porté à Bloys avec les cent torches , et fut son trespas publié par la ville de Paris par dix-huict crieurs, tous habillez de noir et portans ses armes.

Au dict an 1 527, le Roy fîst crier par les carrefours de Paris que doresnavant nulz n'envoiassent à Rome pour aucune expédition , touchant les bénéfices et autres choses, parceque les Espaignolz qui estoient dedans Rome , tenoient le pape captif et prisonnier à Rome. Et néantmoins lesdictz Espaignolz faisoient faire au pape l'expédition des dictz bénéfices et choses qui appartenoient à sa papule, et de l'argent qu'iceulx Espaignolz recepvoient, ilz s'en fortifioient contre nous.

Au dict an 1527, en octobre, le roy Ferdinand,

frère de l'empereur Charles cinquesme de ce nom, fut couronné roy de Hongrie, et auparavant il estoit roy de Boesme , et eust grand triomphe à son couronnement ; et sa femme estoit fille du feu roy de Hongrie , qui fut le lendemain couronnée royne de Hongrie. Le dict Ferdinand espousa à femme la dicte fille du roy de Hongrie , qui estoit celuy qui fut tué des Turcqs , environ deux ans devant.

Item^ au mois de décembre ensuivant, qui estoit le jour de la feste saincte Luce, qui est le quatorziesme jour du mois de décembre, y eust une grosse et merveilleuse desconfiture faicte par le Roy et les Hongrois sur les Turcqs, au dict royaume de Hongrie, où y furent occis par le vouloir de Dieu neuf vingtz mil Turcqs et fut ce imprimé et vendu publiquement à Paris*.

Item^ il est assçavoir que le Roy sçachant la desconfiture et prinse de Rome et la mort de monsieur de Bourbon, comme a esté cy-devant dit, il leva une grosse armée de gens d'armes , comme environ de trente mil hommes de pied, dixhuict cens chevaulx légers, et quatorze cens lances, et en donna la charge à monsieur de Laiitrec, et le fistson lieutenanl-généraP; tellement qu'au mois de juing au dict an 1 527, il se partjst de Paris, où estoit le Roy avec madame la Ré-

1 . Ce paragraphe se trouve répété plus loin , dans le Ms. fM30 v°.

2. Voy. le texte des pouvoirs qui lui furent donnés, Ms. Du Puy, n" 452, et, dans le même volume, une abolition pour les rebelles de Naples, qui lui fut adressée plus tard. — Voy. aussi Ms. Béthime , n° 8611, p. 191, un mémoire donné par Lautrec à M. de Nantouillet, qu'il envoyait vers le roi (octobre 1527).

gente et toute leur noblesse , puis s'en alla en Italie , délibéré de faire forte guerre aux ennemys.

Item^ le dict seigneur de Lautrec envoya son armée devant luy avec plusieurs cappitaines et s'en alla à Lyon , attendant passer son armée pour aller delà les mons.

Lors le premier jour d'aoust ensuivant , le dict seigneur de Lautrec partist de Lyon avec bonne compaignie, et fist tant par ses journées qu'il passa les Alpes et montaignes et descendit par la Lombardie, et fist tel devoir , qu'au bout de quinze jours du dict mois d'aoust, il vint avec son armée au devant d'une ville nommée le Bosque *, où y estoient plusieurs Espaignolz pour l'Empereur ; laquelle il assiéga et y mist son camp, mais fmablement la ville se rendist au dict seigneur de Lautrec pour le Roy, parcequ'elle ne pou voit plus tenir pour l'Empereur contre le Roy; et faut notter, si la dicte ville ne se fut rendue, elle eust esté tantost prinse d'assault , et eust esté tout tué ce qui estoit dedans; car le dict seigneur de Lautrec avoit devant la dicte ville grosse puissance et gendarmerie. Et est assçavoir que ceulx de la ville, tant hommes, femmes que enfans, se mirent hors tous en chemise, et montoient sur les maisons, faisans grandz crys et lamentations à haulte voix , crians miséricorde , qui estoit chose fort pitoiable à voir et ouyr. Alors le dict seigneur de Lautrec fut enclin à pitié , tellement qu'il les reprinst à mercy. Si les fist mettre hors la ville , tous en chemise, avec un baston blanc à la main , puis fut la ville pillée et mise à sac et fut toute la ville et faulx-

i . Bosco ou Boschi.

fini JOURNAL

, bourgs, à cause qu'ilz avoient fait par trop grande résistance, par l'espace de dix jours, et avoient tué et blessé de noz gens environ de soixante advanluriers et plus.

Cela faict , le camp fut levé le vingt cinquesme jour du dict mois d'aoust, et fut assiégée la ville d'Alexandrie par laquelle fut faicte grosse résistance par ceulx de dedans, et y fut le siège par liuict jours, avant qu'estre battue d'artillerie , et pendant les huict jours le dict seigneur de Lautrec envoia certaine armée avec bons cappitaines qui prindrent le chemin à Gennes et passèrent par une ville nommée Nonne*. Dont une contesse qui tenoit la dicte ville, avec le chasteau pour l'Empereur, vint à monsieur de Montpisat^ qui estoit cappitaine soubz le dict seigneur de Lautrec. Si porta les clefz de la ville, et du dict chasteau , disant qu'elle vouloit vivre et mourir bonne Françoise, laquelle fut receue par grande bénévolence.

Après alla avec son armée à Sainct-RavaP, où les Espaignolz et lansquenetz qui y estoient, s'enfuirent , excepté environ quarante, qui se retirèrent dedans le chasteau, et firent quelque résistance, et tuèrent environ vingt de noz, de hacquebutes ; mais le lendemain ilz se rendirent au dict seigneur de Lautrec par telle condition qu'ilz ne seroient pillez ne tuez. '^^ Item, après, l'armée marchea à vj milles près de Gennes ; lors vint le trompette annoncer à monsieur de Montpisat, que la cité de Gennes s'estoit rendue au Roy en priant que l'armée ne marcheast plus avant sur

-jri: