Le nom du mois est omis dans le Ms

2. Ce paragraphe et les suivants sont placés dans \e Supplément, aux f" i 67 v«, 1 69, 1 72 v° du Ms.

La Tour, Poictevin, qui estoit un des gens d'armes du duc de /Albanye en Escosse, quand iceluy seigneur duc y estoit pour le Roy du dict pays rëgent, fut brusié au marche aux pourceaulx lez Paris, par arrest de la cour de Parlement. Geste exécution du dict de La Tour fut faicte le samedy vingt-sixiesme octobre, pour ce qu'estant en Escosse , il y avoit semé plusieurs erreurs luthériennes. Et avant , en sa présence , fut battu de t^ verges le sien serviteur au cul de la charrette et eut la langue couppée pour avoir tenu la secte de Luther, dont il se repentit, parquoy n'en mourut.

Au dict an , es feries de Pentecouste , un jeune advocat du Chastelet, nommé Poncet, ayant femme et enfans, filz de maistre Jean Poncet, conseiller au dict Chastelet , se jecta dedans le puis de sa maison , assise rue de Quinquempoys , près Sainct - Josse ; ce qu'il fist, disoit-on, de grand ennuy etfascherie, de quelque procès qu'il avoit , ou pour quelque jalousie. Et toutesfois il avoit une preude femme et bien renommée , qui depuis fut remariée à un autre advocat , homme de bien.

L'an 1527, le samedy neufiesme novembre, Yves de Lescut, natif de Bretaigne et marchant de Paris, qu'avoit espousé une femme, laquelle auparavant avoit esté mariée à Jean Gentil , homme de bien et riche , teincturier de draps de laine , demeurant rue de la Vieille- Pelleterie , fut bouilly au marché aux pourceaulx lez Paris, parcequ'il avoit par l'espace de plus de quinze ans, faict faulce monnoye d'or et d'argent, au moyen de quoy il avoit faict grosses acquisitions.

Au dict an, le quatorziesme d'octobre, fut décapité René de Bonnevile , général des monnoyes , à Paris ,

par sentence du iieutenant criminel Maillard, confirmé par arrest. Et ce pour avoir par trahison tué en sa maison le frère de sa femme, le jour de Nostre-Dame de mars précédent. Lequel sien beau-frère il estoit allé quérir pour venir disner avec luy, mais c'esloit pour le tuer, comme il fit. Parquoy il ne peult avoir sa grâce quelque argent qu'il offrit. Il fust traisné sur une claye depuis le Palaysjusquesau pillory des halles, où il fut exécuté, avec son saye de veloux. Oultre, fut condamné en deux mil livres parisis envers la veufve du dict deffunct homicide; et en quatre cens livres parisis, pour fonder messes pour l'âme d'iceluy deffunct, et le résidu de ses biens confisquez, son office perdue. Lors de ce meurtre estoit là présent au disner et au dict meurtre faict , un religieux abbé qui s'enfuit incontinent, et s'en alla depuis , ce dit-on, à Rome se faire réhabiliter par le pape.

Au dict an 1527, incontinent après Pasques, jusques en juing ensuivant , ne cessa de plouvoir et faire froid, dont les rivières tant de Seine que de Loire se débordèrent, et firent moult de dommaige et mesmement à l'entour de Paris , comme es faulxbourgs deSainct-Marceau, où elle fist choir plusieurs maisons et caves.

Et davantaige on disoit que es AUemaignes il y eust aucunes villes qui furent abismées pour cause de la mer, qui estoit près d'icelles, qui se desborda.

Et à cause des dictes grandes eaues et du froid aussi, les biens de la terre, c'est assçavoir les arbres et vignes, proufitèrent ceste année.

Au dict an 1 527, sçachant le Roy la desconfiture qui avoit esté ainsy faicte à Rome et la prinse d'icelle et

D'tJN BOURGEOIS DE PARIS (1528). 329

aussi la morl du seigneur de Bourbon , il leva une grosse armée de gens d'armes , estimée à bien trente mil hommes de pied, dix-huict cens cbevaulx légers , et quatorze cens lances et y envoya monsieur de Lautrec et le fist son lieutenant général , pour aller delà les montz. Tellement qu'au dict mois de juing, le dict seigneur de Lautrec partist de Paris , où estoit le Roy et s'en alla faire son voyage et entreprinse delà les mons, délibéré de faire une grosse guerre.

En ce temps le Roy, Madame et toute la noblesse se tindrent à Sainct-Denis en France , par l'espace d'environ un mois, assçavoir en juing et juillet; et y fut le Roy mallade de fièvres environ trois sepmaines.

(1528.) Au dict an 1527, en février, fut commencé à abattre la grosse tour du Louvre , par commandement du Roy, laquelle cousta à abbatre deux mil cinq cens livres , et fist ce faire le Roy, pour applicquer le chasteau du Louvre , logis de plaisance et pour soy y loger.

Et maintenoit le Roy, que la dicte tour empeschoit le dict cbasteau , et la corne d'iceluy; toutesfois fut grand dommaige de la desmolir, car elle estoit très belle, haulte et forte, et estoit appropriée à mettre prisonniers, gens de grand renom. On disoit qu'elle avoit onze pieds d'espoisseur par hault et vingt trois par bas, et fut dutout desmolie et abbatue, un peu devant la sainct Jean-Baptiste ensuivant.

En l'an 1 528 , incontinent après Pasques, le Roy commença à faire bastir et édifier un chasteau et lieu de plaisance , auprès du bois de Boullongne et du couvent des religieuses de Longchamp , qui est quasi sur la rivière de Seine entre la dicte religion de Long-

champ et le pont de Nully ^, et le nomma le Roy Madril , parcequ'il estoit semblable à celuy d'Espaigne , auquel le Roy avoit este pour long temps prisonnier.

Et en ce temps fist fort réparer le cbasteau du Louvre, pour soy y loger, et y fist faire de grandz bastimenâ , tant cuisines, estables que autres choses.

En ce mesme temps, il fistbastir et édifier à Fontainebleau, près de Mêle un, un beau cbasteau, pour soy aller esbattre , à cause que le lieu et pais est beau et plaisant pour soy aller esbattre et propre pour le déduit de la chasse.

En ceste dicte année fut commencé par les prévost et eschevins de la ville de Paris , à faire faire tout de neuf les voultes, conduictz et tuyaulx pour la fontaine de la ville de Paris , qui ont cousté à faire plus de trente mil livres. Et furent commencées à faire dedans terre les voultes, à Belleville sur Sablon, jusques a Paris, et furent icelles voultes parfaictes de pierre de taille , en manière qu'on pouvoit aisément aller par dedans, pour mettre à point lesdictz tuyaulx. Et a duré l'œuvre à faire , plus de quatre ans , et parfaicte en l'an 1 530, et le tout pour le bien public.

Au dict an 1527, le vendredy pénultiesme jour de novembre , maistre Florémond Robertet , trésorier de France, et secrétaire du Roy, mourut au Palays, à Paris, duquel il estoit concierge. Il fut fort aymë du Roy, tellement qu'on dit que par deux fois il l'alla visiter, et à son trespas le Roy ordonna qu'on luy fist tout plain d'honneur. Il fut gardé mort en sa maison où il mourut au Palays, et chacun l'alloit voir qui vouloit.