Ascanio et Fabricio Colonna

3. Voy. du Bellay, 1. III, et plus loin la lettre de Paul Jove.

avec leurs archers et arbalesliers de la ville. Et le lendemain fut faicte procession du clergé de la Saincle- Cliappelle en la dicte église de Nostre-Dame , et fut chanté une grande messe et estoient les rues tendues par où passoit la procession.

Depuis sont venues nouvelles au Roy que monsieur de Lautrec avoit gaigné la ville de Naples et estoit dedans \

Au dict an 1528, en may, vindrent nouvelles au Roy à Sainct-Germain en Laye, que la ville de Pavie s'estoit révoltée contre luy et avoit esté baillée aux Espaignolz pour l'Empereur, et ce fut parle lieutenant du seigneur Francisco, frère puisné du seigneur Maximillien , eulx deux en fans du feu seigneur Ludovic , qui, en son vivant, avoit usurpé la duché de Milan, et auquel lieutenant Favoit baillée en garde, le dict seigneur Francisco , du consentement de mon dict seigneur de Lautrec. Parquoy y furent tuez les François qui estoient dedans pour le Roy et s'enfuit le dict lieutenant avec les Espaignolz. A ceste cause, au mois de juing ensuivant, fut envoyé de par le Roy, le comte de Sainct-Paul, de là les monts, en grande dihgence, avec environ trente mil hommes de pied et de cheval, qui furent prins par les villes de France, dont y eu alla de Paris plus de quinze cens hommes, après avoir sonné les tabourins parmy les rues, présens les cappitaines, et ce pour aller recouvrer la dicte ville de Pavye et la duché de Milan , et aussi pour ayder et secourir à monsieur de Lautrec qui estoit au royaume de Naples.

En ce mesme temps, vindrent nouvelles au Roy, que

i. Ces nouvelles étaient fausses.

le pape estoit retourné à Rome et qu'il estoit revenu en son siège papal, comme il avoit esté auparavant la desconfiture de Rome et mort de monsieur de Bourbon, et dès lors on cessa de prier aux églises.

Au dict an 1528, le lundy, de nuict, lendemain de la feste de Pentecouste , qui fut le premier jour de juing , advint en ceste ville de Paris un merveilleux cas. C'est qu'il y eust quelques hérétiques qui, de nuict, entre le lundy et le mardy des fériés, vindrentà une image de Nostre-Dame, de pierre, tenant son enfant, qui est contre une muraille de la maison monsieur maistre Loys de Harlay, seigneur de Beaumont, qui est à un coing de rue , à l'endroit et vis-à-vis du petit huy de derrière de l'église du petit Sainct-Anthoine; à laquelle image donnèrent plusieurs coups de couteau, luy ostèrent la teste et celle de son petit enfant, Nostre-Seigneur, mais on ne sceut oncques -qui furent ces rompeurs d'images. Lors le Roy estant à Paris , de ce adverti, fut si courroucé et marry qu'on dit qu'il en pleura très fort. Et incontinent, par deux jours ensuivans, il fist crier à son de trompe , par les carrefours de la ville , que si on sçavoit qui avoit ce faict, qu'on le annonçast et dict à la justice et à luy, et luy donneroitmil escus d'or; et qu'on se gardast bien de le celer. Et néantmoins on n'en sceut rien sçavoir, combien que le Roy en fist grandes diligences, et qu'il y eust commissaires ordonnez , pour aller par toutes les maisons faire enqueste.

^ Le mardy après et autres jours , y furent plusieurs processions particulières des parroisses et autres églises de la ville , et quasi toutes allèrent au dict lieu, et en la parroisse de Sainct-Gervais à cause que la dicte mai-

3i8 JOURNAL

son où estoit icelle image estoit de la dicte parroisse.

Et le mardy, neufiesme jour du dict mois de juiiig, le recteur de l'Université, accompaigné de tout le clergé de l'université et docteurs, licenciez, bacheliers et maistres des arts, escolliers avec maistres des enfans au-dessoubz de douze ans, chacun en leurs mains un cierge de cire allumé, allèrent en grande révérence tous en procession en l'église de Sainct-Gervais et à Saincte-Catherinedu Val des Escolliers, jusques au lieu où estoit la dicte image , et estoit la rue tendue et un beau ciel tendu dessus icelle image ; y estoient aussi les quatre ordres mandiennes , Sainct-Martin des Champs et autres églises , qui estoient revestuz de chappes, chantans en grand honneur et révérence, et qu'il faisoit beau voir.

Et le jour de la Feste-Dieu, qui estoit le jeudy onziesme jour du dict mois de juing, le Roy estant à Paris en sa maison desTournelles, alla en procession bien dévostement avec la parroisse de Sainct-Paul et tout le clergé et fist aller la procession jusques au dict lieu où estoit la dicte image, et luy-mesme portoit une torche de cire blanche ardante, la teste nue, en moult grande révérence, aians avec luy les instrumens et haut boys avec plusieurs clayrons et trompettes qu'il faisoit beau voir, tant mélodieusement jouoient. Et avec luy estoient monsieur le cardinal de Lorraine et plusieurs prélatz et gros seigneurs et tous ses gentilzhommes, aians un cierge chacun de cire blanche en la main , et tous ses archers avoient chacun une torche de cire ardante, et allèrent ainsy jusques au lieu où estoit la dicte image , en moult grand honneur et révérence, et qu'il faisoit beau voir, et dévotieux.

Item , le lendemain , qui estoit le vendredy, douziesme de juing, furent faictes processions génëralles de toutes les églises parochiales de Paris ; et y estoient les quatre ordres mandiennes avec tout le clergé de la grande église Nostre-Dame de Paris et de la Saincte- Chappelle du Palays, et les banières, croix et plusieurs sainctes reliques , et allèrent à Saincte-Catherine du Val des Escolliers, en procession moult révéremment, et en la dicte église y estoit le Roy et toute la noblesse des seigneurs et gentilzhommes , et oyt le Roy messe en la dicte église, et la dicte messe oye, il vint en procession, en bel ordre, avec les processions dessus dictes, luy estant teste nue, tenant un cierge de cire blanche à la main , et plusieurs seigneurs et tous les gentilzhommes aians chacun un cierge à la main ; et y estoit monsieur Tévesque de Lisieux, qui est grand aumosnier du Roy , habillé en son pontificat , portant une belle image d'argent , que le Roy avoit faict faire neufve , d'environ deux pieds de long , qui estoit de semblable longueur que l'autre et qui paisoit, comme on disoit, huict marcz d'argent ; lequel évesque estoit devant le Roy, et porta la dicte image jusques au lieu, et posa sur le plus haul degré de boys qui avoit esté faict , puis le Roy et luy la prindrent humblement au chapiteau , où avoit esté l'autre , en faisant par trois fois la révérence, en disant par le dictévesque de belles oraisons et louanges à la glorieuse Vierge Marie et à son image. Puis, ce faict, les trompettes, clérons et hautzbois commencèrent à sonner fort mélodieusement, puis le Roy et monsieur le cardinal de Lorraine présentèrent leurs cierges à la dicte image , et après ainsi firent généralement tous les autres seigneurs et

gentilzhommes de sa maison ; lesquelz cierges furent prins par le cure ou vicaire de Téglise Sainct-Gervais et emportez et pareillement l'image Nostre-Dame de pierre fut mise en Tëglise parrochiale à l'œuvre. Et est à noter que les rues estoient tendues fort honnorablement et y avoit sur la dicte image un beau grand ciel de soye rouge, que Ton y avoit mis de la maison, mais néantmoins(le Roi) y envoia encores mettre le sien de drap d'or et d'argent dessoubz l'autre qui y estoit, et y fît mettre à la muraille au droit de l'image son beau parement d'autel de drap d'or et broderie , et y estoit sainct François. Et à la dicte procession y estoit la cour de Parlement, les prévost et eschevins de la ville, avec les archers et arbalestiers ; dont après les choses parfaictes et les processions faictes, l'on désempara tout, et y fut laissé la dicte image et y fut mis un treilliz de fer , de peur qu'elle ne fut desrobbée , et y demeura le cierge du Roy et celui de monsieur le cardinal , iceulx deux mis contre la dicte muraille, chacun une' chandelle de cire, qui brusloient. Et ce faict le Roy s'en alla disner en la maison de monsieur de Villeroy, près de Sainct-Germain l'Auxerroys*.

Item^ le lendemain, qui estoit le samedy, treisiesmè jour de juing, au dict an, furent plusieurs églises, tant parrochiales que autres , en procession parmy la ville de Paris bien honnorablement , où estoit l'église et

1 . Cette demeure n'était pas la maison des Thuilerics. Le roi l'avait acquise en 1518 de M. de Villeroi, pour la duchesse d'Angoulême sa mère. C'est sur son emplacement, augmenté de terrains environnants , qu'a été élevé le palais des Tuileries, commencé par Catherine de Médicis. (Voyez Jaillot , Quartier du Palais-Royal^ p. 9.)

collège de Saincl-Marlin des Champs, l'église parochiale de Sainct-Nicolas des Champs, les églises parochiales et clergé de Sainct-Laurens, et Sainct-Jacques de la Boucherie avec autres églises , qui allèrent en la grande église Nostre-Dame de Paris, pour la quérir,

et furent tous en procession à *, et passèrent par

le lieu où estoit la dicte image de Nostre-Dame, qui est au coing de la maison du dict de Harlay et dirent de belles oraisons et prières à la glorieuse Mère de Dieu, toujours en continuant le bon propos et vouloir faict auparavant, et comme cy devant est dict et récité, à riionneur et louange de Dieu et de la glorieuse Vierge Marie.

Item^ il est assçavoir que, par plusieurs jours après, la dicte image de pierre , qui fut portée en l'église Sainct-Gervais , faisoit souvent de beaux miracles et ressuscita deux enfans de mort à vie et y portoit le peuple plusieurs offrandes et veuz^, et semblablement à l'image d'argent, qui estoit au lieu où avoit esté l'autre de pierre, au coing de la dessus dicte maison.

Depuis a tousjours esté la dicte image en la dicte église de Sainct-Gervais sur l'autel, parcequela maison où elle estoit estoit de la paroisse Sainct-Gervais. Et depuis le peuple de la ville de Paris y a toujours eu grande révérence y portans veuz, offrandes et gros cierges. Et y a la glorieuse Vierge faict plusieurs beaux miracles '.

Au dict an 1 528 , en juing , furent envoyées nouvelles à Paris , par lettres envoyées par nostre sainct