Ascanio Colonna

Le seigneur Domp Hugues, voiant que le comte Philipin Dorie qui estoit avec liuict gallères en un port de mer, bien estroict auprès de Capoy S qui est un petit au dessus de Salerne , qui leur couppoit les vivres : le dict Domp Hugues a armé six gallères , des fustes et trois bregandines et autres batteaux, fournis de huict cens des meilleurs compaignons de toute son armée, et délibéra de venir contre le dict Dorie; mais les dictz compaignons dirent qu'ilz n'iront point, si le marquis de Gast n'alloit avec eulx, lequel n'y vouloit entendre ; mais il luy fut force , et avec luy montent le seigneur Ascannes et le seigneur de César Ferre-Moucbe % et plusieurs autres renommez chevaliers. Et cependant le dict Dorie estant tousjours sur sa garde, manda au seigneur de Lautrec , pour avoir trois cens hacquebutiers : le dict Domp Hugues alla sur le soir à Pausilipe, où il souppa joyeusement et le lendemain disnèrent à Capryoïme', où sesjournèrent quelque temps, car ilz ne pensoient pas passer oultre , à cause qu'ilz n'estimoient point que nos genz les osassent attandre. Mais voians que noz gens ne bougeoient, délibérèrent de passer oultre contre le gré des seigneurs qui estoient avec luy, par l'exortation que luy avoit faict un hermite de Capryonne , nommé Grinsalve Barète *, qui admonesta de délivrer les grandz gentilzbommes espaignolz qui avoient esté prins en la deffaicte du port de Naples. Si partirent et passèrent dessus la Campa-