Campeggio

2. Catherine d'Aragon, fille de Ferdinand et d'Isabelle de Castille.

D'UN BOURGEOIS DE PARIS (i528\ 371

mer pour s'en aller en Angleterre , mais nonobstant ne sortit la chose eftect, et ne fut la dicte Royne répudiée par le Roy. Et estoit le cardinal d'Iort, chancelier d'Anij;leterre, qui gouvernoit fort le Roy qui avoit esté cause de telle chose , comme on dit, et qui avoit mis en la teste au Roy de répudier sa dicte femme pour lui faire desplaisir. Dont depuis il en print mal au dict cardinal , car par la dicte Royne et par son moien , il fut mis hors de la grâce du roy d'Angleterre, en sorte qu'il fut mis prisonnier de par le Roy, et luy furent mis sus et imposez plusieurs cas, dont il fut en danger de mort , n'eust esté qu'il estoit cardinal ; et mesmement qu'il avoit esté cause de faire mourir, à tort , le duc de Boucquingan d'Angleterre, qui fut décapité pour luy avoir imposé qu'il estoit traître au dict roy d'Angleterre, et qu'il avoit faict plusieurs machinations et conspirations contre luy, et touteffois n'estoitvray. llem^ le roy d'Angleterre, en persévérant tousjours son vouloir touchant le dict mariage de luy, et voulant avoir à femme une jeune belle damoiselle, fille d'un gentilhomme qui estoit chevalier, nommé monsieur de Brullant*, lequel il fist depuis comte, et entretenant la dicte fille , soubz espérance de l'espouser, tellement que d'elle il eust un filz qui avoit environ deux ans, et disoit le Roy qu'il faisoit grosse conscience d'avoir espousé la femme de son feu frère Arihus , et combien qu'il en fut dispensé du pape, et néantmoins , selon Dieu, il ne le vouloit faire , et que ce n'estoit vray mariage. A ceste cause l'an \ 530 , un peu après Pasques, comme environ le mois d'avril ou

\ . Boleyn. — Voy. lingai-d, traduct. de VVailly, t. III.

de may, le dict roy d'Angleterre manda au roy de France qu'il luy pleust faire assembler tous ses gens sçavans et clercs théologiens , et autres de la ville de Paris , pour sçavoir s'il ne pouvoit pas bien avoir la dicte jeune damoiselle à femme et espouse, et répudier son autre femme qui estoit tante de l'Empereur, seur de sa mère et fille de madame Ysabel, roy ne de Castille. Et à ceste cause le roy de France , voulant luy complaire , s'en voulut mettre en son debvoir pour faire la dicte inquisition. Et pour ce faire, il manda à son confesseur, jacobin et docteur en théologie, qu'il assemblast toute la faculté de théologie , la Sorbone et autres gens saiges de Paris, pour en sçavoir la vérité ; ce qu'il fist \

Au dict an 1 528 , le samedy dixneufiesme de septembre , fut pendu et estranglé à une potence, à la place Maubert, à Paris, un jeune fîlz d'Anjou, de l'aage environ vingt et un ans; et fut condamné par le bailly Morin, dont il avoit appelé en la cour de Parlement , et, par la dicte cour, la dicte sentence fut confirmée, tellement que ce jour il fut pendu et estranglé à la dicte potence ; mais, par le vouloir de Dieu et de la Vierge Marie Nostre-Dame de Recouvrance des Carmes, à laquelle il s'estoit recommandé, quand on le pendist, il fut ressuscité : c'est assçavoir qu'il fut pendu et estranglé , et que le bourreau le laissa pendu bien l'espace de demie heure. Le vallet du dict bourreau le descendit de la dicte potence par une corde, et le mist en la charrete pour le mener au gibbet ; luy estant en la charrete leva une jambe hault et commença à respi-

1. Voy. dans Béthune, n° 8545, P» 113, la consultation de la faculté de théologie.

lyUN BOURGEOIS DE PAUIS (1528) 373

rer, dont incontinent le dict vallet luy donna un coup de pied à l'estomac pour achever de le faire mourir, et incontinent print un cousteau et luy voulut coupper la gorge. Lors d'advanture il y eustune pauvre femme qui estoit là , qui print le dict vallet et cria en luy di» sant : « Ha, traistre, le tueras- tu ! Vois-tu pas que c'est un miracle? » Lors le pauvre pendu fut secouru de plusieurs personnes et fut porté dedans l'église des Carmes à Paris , devant la glorieuse Dame, puis il fut mis en une chambre sur un lit devant le feu, puis fut seigné et donné un breuvage, fut oingt et frotté la gorge et le col d'huilles, et fut un temps sans parler et voir, comme environ au lendemain, mais à la fin il bust et mangea peu après; et fut environ deux jours qu'il n'avoit mémoire ne congnoissance de rien , ne qu'il eust été pendu; finablement il lui souvint de tout et rentra en bonne prospérité, moiennant l'aide de la Vierge Marie , à laquelle il s'estoit tousjours recommandé. Et faut entendre qu'il fut envoie de par la cour de Parlement un huissier de la dicte cour, avec un sergent du baillyage du Palays pour le garder, lesquelz y furent plus de quinze jours.

Et parceque le dict Morin, qui Favoit jugé, le voulut avoir et enlever des Carmes , il fut envoie, par le prieur des Carmes, devers le Roy, des religieux des Carmes, gens de bien et docteurs, pour luy en parler, et rapportèrent à leur retour lettres patentes du Roy, adressantes à la cour de Parlement , par lesquelles il mandoit et défendoit de non le prendre en terre saincle, et qu'on ne luy fist aucun mal, jusqu'à ce qu'il fut de retour à Paris, et néantmoins il estoit tousjours gardé de par la cour de Parlement. Mais le Roy

arrivé à Paris, qui fut le samedy, vingtsixiesme du dict mois, il luy donna sa grâce et commanda au chancelier luy faire et seller en ceste manière , disant que puisque la glorieuse Dame, mère de Dieu, etc.

Or faut noter que la cause pour laquelle il avoit este condamné à mort, estoit qu'il estoit question d'un meurdre qui avoit esté faict au jeu , assçavoir qu'une femme avoit fait tuer son mary par un qui estoit son paillard, et la dicte femme fist enterrer son dict mary par trois garçons, dont il en estoit un, de nuict, dans l'estable à vaches, en leur disant qu'il estoit mort soudainement, et les pria de ce faire , mais elle ne disoit pas qu'elle l'eust faict tuer, car celuy qui l'avoit tué s'en estoit enfuy. Et le pauvre garçon, qui avoit esté pendu et resuscité , confessa bien qu'il avoit aidé à l'enterrer, mais il n'estoit consentant du meurdre et n'en sça voit rien, elle maintint tousjours ainsi jusques à la mort. Et huict jours devant, il en avoit esté pendu un autre à la place Maubert , qui estoit son compaignon, qui fut pendu et estranglé pour le mesme cas.

Au dict an 1 528 , le jour de la feste sainct Michel , qui estoit le vingthuictiesme jour de septembre, le Roy accompaigné de tous les chevaliers de son ordre , fist sa feste sainct Michel en la grande église Nostre-Dame de Paris , où y fut chanté une grande messe par monsieur Tévesque de Paris ; et y estoit le Roy avec tous ses chevaliers de son ordre, en grand honneur et estât ; et avoient tous leurs grandz colliers de l'ordre de sainct Michel ; et y eust sermon , et aussi y furent chantées vespres fort solemnellement, où estoit le Roy et les chevaliers de son ordre en grand estât. Et disna le Roy ce jour à la maison de monsieur de Paris, et y

furent mis et attachez des tableaux où estoient les armes du Roy et des dessus dictz seigneurs, au cœur de la grande église Nostre-Dame, en mémoire de ce qui y avoit esté faict.

Au dict an , le vendredy, deuxiesme octobre, trespassa monsieur l'abbé de Sainct-Denis en France ,

maistre ' Gouffier, en Poictou, au lieu de sa

nativité , lequel avoit eu bénéfices , c'est assçavoir la dicte abbaye de Sainct-Denis, l'abbaye de Cluny, l'évesché d'Albye, de Sainct-Jouyn -, qui estoit en Poictou, où il trespassa.

Et le Roy donna les bénéfices , assçavoir l'évesché d'Albye, à son chancelier, maistre Anthoine Du Prat, l'abbaie de Cluny au cardinal de Lorraine, Fabbaie de Sainct-Denis au cardinal de Bourbon. Et au regard de l'abbaye de Sainct-Jouin , le dict abbé Tavoit résignée avant sa mort à un sien nepveu.

L'an 1 528 , le mecredy quinziesme décembre , un homme natif de Meaulx , bastelier en la rivière de Seine, fut par arrest de la cour bruslé en Grève à Paris , pour avoir dict que la Vierge Marie n'avoit non plus de puissance qu'une image d'icelle qu'il tenoit et rompit par dérision.

L'an 1 528 , Michel Menant , aagé d'environ trente six ans, qui avoit espousé la fille de Guillaume Parent, riche homme bourgeois de Paris, et estoit homme de finances, commis du trésorier de Bretaigne , duquel il

i. Il y a ici) dans le Ms. , un blanc qui devait probablement être rempli par le prénom , Adrien , de Gonfïïer, cardinal de Boisy.

2. C'est-à-dire l'abbaye de Saint- Jovin de Manie {t9. Jovinius de Marinis), du diocèse de Poitiers.

estoit cousin, estant fuytif du royaume et allé comme on disoit, à Metz, en Lorraine, Valenciennes, Flandres ou AUemaigne, fut condamné par les commissaires de la tour quarrëe , en la cour de Parlement , en six mil livres parisis envers le Roy, banny du royaume et ses offices et biens confisquez. Et ce pour son larrecin es finances du Roy, qu'il manioit, et avoit bien emporté de France , ce disoit-on, quarante mil francs. Le dict trésorier de Bretaigne , environ un an auparavant , avoit aussi esté appréhendé, et par les dictz commissaires condamné à perdre son office et en grande somme de deniers envers le Roy*.

(1 529) Au dict an 1 528, en janvier, février, mars et avril et autres mois fut cueilli par la ville de Paris le gros emprunt et octroy pour le Roy, pour luy subvenir; lequel emprunt se monta par octroy qui luy fut faict à THostel de ville (maistre Germain Marie ^ général des monnoyes, lors prévost des marchans), cent cinquante mil livres. Dont pour iceluy paier, fut advisé qu'il seroit levé sur les locatifz des louages des maisons de Paris, dont les riches paieroient neuf solz six deniers pour livre de leur louage, qui estoit environ la moitié. Et les pauvres et gens moiens en paieroient le tiers, qui fut une chose bien excessive ; et disoit-on que le Roy fîst lever par tout son royaume onze cens mil escus d'or^

L'an 1 529, le samedy, dixiesme avril après Pasques,

1 . Ce paragraphe et le précédent se trouvent à la fin du Ms. , au supplément, f*" i67 et 170.

2. Germain de Marie était en outre notaire et secrétaire du roi. Voy. Félibien. t. II, p. 4537.