Chartrain. — Beauvaisis. — Viraeu. — Senteny en Brie

au moien de quoy le bled r'enchérist de beaucoup; car auparavant h Paris le septier ne valloit que trentecinq solz, et après il vallut soixante et dix. Et oncques puis par long temps , par tout le royaume de France , a esté toujours cher par l'espace de deux ans. Tellement qu'il continua tousjours à valloir soixante et dix solz le septier à Paris et encores estoit plus cher es autres villes et pays.

Au dict an 1 528 , en juin g et juillet , l'un des fîlz de messire Robert de La Mark , qui estoit protlionotaire et grand archidiacre de Chartres et abbé commendataire de Beaulieu, faisoit la guerre contre le Roy à l'environ du dict Beaulieu, qui esta quatorze lieues près du chasteau de Cedan, appartenant au dict messire Robert , son père , et avoit amassé deux ou trois rail hommes, mauvais garçons, tellement qu'il tenoit le pays en subjection contre le roy de France. Dont le Roy adverty, y envoia monsieur de Guyse , gouverneur de Cliampaigne , avec certain nombre de gens d'armes. Finablement le dict seigneur de Beauheu fut tué d'une hacquebute au mois d'aoust ensuivant.

Au dict an, au mois d'aoust, vint à Paris un ambassadeur de Hongrie vers le Roy, pour demander secours et ayde contre les Turcqs et infîdelles ; et estoit pour lors le Roy et toute la noblesse à Sainct-Germain en Laye, et fut le dict ambassadeur en ceste ville de Paris pour long temps.

(1529) En l'an 1528, le samedy dixseptiesme jour de janvier, fut crié à son de trompe par les carrefours de Paris que le pape Clément septiesme de ce nom estoit remis en son siège à Rome , et en furent faictz feux de joye par les rues. Et le lendemain , qui estoit

le dimenche, en fut faict procession généralle et y furent les prévost des marchans et eschevins de la ville*.

Au dict an 1 528 , en juillet , se révoltèrent le seigneur André Dorie et son nepveu le comte Philippin, avec toute son armée qu'il avoit sur la mer, et s'en alla vers l'Empereur pour tenir son party contre le roy de France. Et fist ces choses à cause que le Roy, un peu devant, luy avoit refusé le gouvernement de Gennes, pour estre gouverneur de la ville , ce que le Roy et son conseil ne luy voulurent accorder, à cause qu'il estoit Genevoys. Dont à cause du dict révolte, il s'en ensuivist depuis la destruction de l'armée du Roy, et au regard des prisonniers qu'il avoit prins auparavant, les avoit jà piècà renduz au roy de France , et les envoia quérir le Roy par le seigneur de Barbizieulx qui les mena prisonniers à Marseille ; et depuis le dict seigneur André Dorie se tint sur la mer luy et son dict nepveu, avec toutes ses navires, pour trouver advanture et piller sur la mer. Et defïit le seigneur Barbizieulx, qui estoit vice-adrairal pour le Roy, et luy osta les bannières; et depuis l'Empereur le fist gouverneur de Gennes pour luy où il se tint pour le dict Empereur ^

<^ i. Voy. la note 1 de la page 341 .

2. Voy. , au sujet de cette défection et des motifs qui ramenèrent, un mémoire de Jean Coste, Ms. Béthune 8607, f" 21, et diverses lettres de Doria au roi et au chancelier, datées de 1528, dans les Ms. du Puy, n° 453, et dans les Ms. Béthune, n"^ 8504, 8530, 8537, 8541, 8607.

Voy. encore Ms. Béthune, n° 861 6 , f*» 22 , une lettre des membres de la famille Doria au roi pour protester de leur fidélité, lettre écrite après qu'André eut abandonné le service du roi.

Au dict an 1 528, à la fin du mois d'aoust, vindrent nouvelles au Roy, luy estant à Sainct-Gerraain en l^ye , que monsieur de Lautrec estoit mort de là les montz à la conqueste du royaume de Naples, et mourut de peste environ le quinziesme aoust , et néantmoins au commencement il fut bruit qu'il avoit esté tué à la bataille, ce que n'estoit vray. Et lorsque le Roy fut adverty de sa mort en fust fort desplaisant, et non sans cause. Et mourut de peste le comte de Vauldemont, l'un des frères de monsieur le duc de Lorraine, le seigneur de Barbezieulx et plusieurs autres.

Iteni^ le samedy douziesme de septembre ensuivant, le trespas du dict seigneur de Lautrec fut publié par les carrefours de Paris, par les vingtquatre crieurs de la ville, portans ses armes.

Item y le lundy ensuivant fiit faict son service en l'église Nostre-Dame de Paris fort honnorablement , où y estoit le roy de Navarre, monsieur de Vendosme , le duc de Ferrare, mary de madame Renée, avec plusieurs autres princes et seigneurs et dames du sang royal. ^ ;>«î^fcH*l -^''^

Il y avoit cent torches de cire allumées et une chappelle de boys, paincte de noir, au millieu du chœur, et y preschea monsieur l'évesque de ïroies , jacobin, confesseur du Roy, qui déclara les vaillances du dict feu seigneur.

Depuis la mort du dict seigneur de Lautrec , vindrent nouvelles à Paris que tout estoit perdu de là les montz par le roy de France, au royaume de Naples, et que le comte de Vauldemont, frère du duc de Lop- 4*aine, estoit mort de peste avec plusieurs autres.

Item^ que l'armée que le Roy avoit au dict royaume

de Naples s'en revenoit par-deçà. On disoit pour certain que le dict seigneur de Lautrec avoit esté empoisonné et plusieurs autres aussi de par les ennemys ; et y estoit tel le commun bruit.

Au dict an 1 528, le jeudy dixiesme de septembre , arriva à Paris un bérault d'armes que l'Empereur envoyoit au Roy. Lors le Roy, auparavant sçacbant sa venue, prolongea le Parlement du jour de Nostre- Dame de septembre jusques à six jours. Et, pour recevoir le dict hérault publicquement, luy fist faire un eschafaut de boys dedans la grande salle du Palays le jour de devant , et fut tendu de tapisserie , à l'entour de l'eschàfaut, près la table de marbre. Et le dict bérault venu à Paris, fut logé par fourrier en la maison de monsieur Pelourde, chanoine de Paris; et, à Flieure de quatre heures après disner, le dict hérault vint au Palays, vestu d'une robbe de veloux noir et, audessoubz, d'une cotte d'arme de toille d'or dessus laquelle y avoit un aigle d'or de broderie ; et à son arrivement trouva le Roy sur une chaire sur les dictz eschafautz, en la grande salle du Palays. Et y estoit toute la cour de Parlement, le roy de Navarre, monsieur de Vendosme, le duc de Ferrare et plusieurs chevaliers de l'ordre, avec le légat et plusieurs cardinaux et prélatz et gros seigneurs en grand nombre ; y estoit le prévost et eschevins de Paris. Et à son arrivement fist la révérence au Roy, les genouilz en terre, luy disant ; « Seigneur, Dieu vous doint bonne vie; je suis envoie vers vous par la Majesté Impérialle , pour vous faire mon messaige.» Lors (le roy) luy demanda s'il y avoit lettres , et luy dit que ouy, mais qu'il avoit charge de ne les bailler que premièrement n'eust parlé

au Roy. Lors le Roy luy dit : « Baille les, ou t'en vas.» Et lors il demanda sauf conduict pour s'en aller, ce que luy oclroia le Roy*. Puis s'en alla de devant le Roy en son logis, sans autre chose dire. Lors le Roy assembla son conseil pour délibérer son alTaire. Et depuis, le dict hérault fut plus de douze jours en la ville de Paris et luy donna le Roy, comme on dit, cinq cens escuz d'or.

Item^ est assçavoii*, qu'au moien de la mort du dict seigneur de Lautrec, qui mourut à la conqueste du royaume de Naples, comme dit est cydevant , la ville de Gennes et le pays d'environ se révoltèrent pour l'Empereur contre le Roy, et se mist dedans pour l'Empereur le seigneur André Dorie , qui fut gouverneur de la ville ; et néantmoins le marquis de Salluces qui estoit à Gennes, gouverneur de la ville et du pays pour le Roy, se retira dedans le chasteau et l'a tenu pour le Roy contre ceulx de la ville de Gennes*.

Aussi le comte de Sainct-Paul , lieutenant général pour le Roy en la duché de Milan , que le Roy avoit envoyé auparavant la mort du dict seigneur de Lautrec , alla assaillir la cité de Pavye , laquelle résista contre luy : dont à cause de sa rébellion il la mist toute à feu et à sang, et fut la troisiesme fois qu'elle fut destruitte et pillée.

1 . Voy. le texte du sauf-conduit qui lui avait été délivré lors de son entrée en France, dans la collection Fontanieu, portef. 211 , à la date du 7 août 1528, et Ms. du Puy, n° 510. — Dans ce dernier manuscrit on trouve encore une relation et une lettre du héraut au gouverneur de Bayonne, avec la réponse du gouverneur. — Le héraut fut retenu six semaines à Fontarabie.

2. Voy. le texte de la capitulation du château, à la date du 28 octobre, Ms. Béthune, n° 8540, f» 67.

Et puis après assist ses gendarmes pour tenir garnison es villes pour passer l'yver par delà jusques au printemps , espérant de faire guerre , tant à la duché de Milan que à Naples, plus que devant.

Item, aussi est assçavoir que, tost après la dicte mort, la ville de Pavye et le pays d'environ fut conquestée et prinse par force par l'Empereur contre le Roy; et furent les François qui estoient dedans tuez et chassez par force ; et fut la dicte ville de Pavye baillée es mains des Vénitiens comme leur; aussi les Vénitiens y avoient grosse armée lors de la dicte destruction.

Au dict an 1 528 , le lundy, treiziesme jour de septembre, arriva à Paris un cardinal de Rome, Campegius \ qui estoit envoie du pape Clément , septiesme de ce nom , vers le roy Henry d'Angleterre , pour le desmarier, ou mieulx pour congnoislre du différend et cause d'appel formé par la royne d'Angleterre Catherine % sur ce que le roy Henry la vouloit répudier, qui estoit tante de l'Empereur, et laquelle auparavant avoit esté femme du frère du roy d'Angleterre, nommé Arthus , qui mourut avant son père le roy Henry, et estoit fille du feu roy d'Espaigne Ferand , et de madame Ysabel, et estoit seur puisnée de la mère du dict Empereur, et avoit une fille. Et à son arrivée à Paris , allèrent audevant de luy plusieurs prélatz, cardinaux et évesques qui estoient à Paris.

Et environ douze jours après, le dict cardinal, légat du pape, partist de Paris, s'en alla à Calais et passa la