Le nom est resté en blanc

avec plusieurs en une assemblée qui fut faicte en l'Hostel de la ville , le pënultiesme jour d'octobre 1 526 , lorsque le Roy estoit prisonnier en Espaigne, et obvièrent et disoient contre les autres qu'on ne se de voit point obliger pour le Roy, envers les Angloys, tout le corps de la ville , ne les habitans, corps ne biens, ne par censures du pape, comme vouloit le roy d'Angleterre, avec douze des principales villes de ce royaume, pour luy paier deux millions d'escus , c'est assçavoir cent mil escus par cbacun an jusques à vingt ans. Parquoy ne fut faict, dont le Roy adverty, venant pardeça, en fut mal content, qui fut la cause de l'emprisonnement. L'an 1 529 , le vendredy vingtsixiesme avril , après Pasques, fut prononcée la sentence des commissaires de par le pape, et le Roy, contre Loys Berquin, escuier, seigneur du lieu , qui se tenoit à Abbeville , en Picardie, au territoire et seigneurie de Rambuzes^, qui est à madame Marguerite de Flandres , et y avoit ses terres et possessions, qui estoient d'environ cinq cens livres par an, comme on dit, et néantmoins il estoit natif de Passy, près Paris , lequel avoit esté constitué prisonnier à la Conciergerie du Palays, environ trois sepmaines devant Pasques, parce qu'il estoit luthérien , et n'estoit marié. Et faut noter que dès l'an 1526^ au mois de janvier, iceluy Barquin fut envoie quérir prisonnier par un huissier de la cour, nommé de Mailly, qui l'alla quérir à Abbeville, ou es environs où il estoit, en ses terres , et l'amena prisonnier en la Conciergerie, à Paris , à cause que le bruict couroit