Satellites. ., , ... ^ n

sentence. Au moien de quoy, ce mesme jour tout cessa et demeurèrent toutes ces choses imparfaictes : et le grand nombre de peuple qui estoit au palays et parmy la ville, attendant le voir, se despartist, pour le bruit qu'il fut qu'il en avoit appelé. Or est-il ainsy que ledict jour, vers le soir, le premier président le sçachant, assembla la cour de parlement pour y pourv.oir, et après ce faict , il alla vers ledict Barquin à la Gonciergerie , et luy demanda s'il vouloit percisîer en son appel, lequel luy respondit que ouy. Lors ledict président luy bailla quelque minute contenant son dict appel et les causes d'iceluy, en luy disant qu'il convenoit qu'il le signast, s'il vouloit percister, ce qu'il fist volontiers. Le lendemain le dict premier président parla à la cour et retourna vers le dict Barquin encores sçavoir s'il vouloit percister en son appel, qui luy respondist derechef qu'ouy. Parquoy ladicte cour s'assembla et tint conseil ce jour, et la matière fut mise sur le bupeau. Finablement fut par icelle conclud et arresté, qu'il mourroit. Parquoy ce dict jour de samedy matin, dix-septiesme avril 1529, heure de neuf à dix heures, fut condamné à mourir et estre bruslé vif en la place de Grève , à Paris , et avant sa mort , en sa présence, seroient ses livres bruslez au dict lieu : ce qui fut faict, et expédié ce mesme jour en grande diligence, affin qu'il ne fut recouru du Roy ne de madame la Régente, qui estoit lors à Bloys : car il avoit esté baillé dès le matin par la cour es mains du lieutenant criminel et des bourreaux, pour faire l'exécution : lequel incontinent après disner, accompaigné des archers, arbalestiers et autres ministres de justice, le menèrent au dict lieu de Grève où fut le dict arrest

en grande diligence exécuté entièrement , comme dict est. Le dict Barquin avoit environ cinquante ans et portoit ordinairement robbe de veloux, satin et damas et choses M'or, et estoit de noble lignée et moult grand clerc , expert en science et subtil , mais néantmoins il faillit en son sens ; touteffois il mourut repentant ^

Au dict an 1 529, le dimanche vingt-cinquiesme avril après Pasques, y eust à Lyon grande mutinerie, à cause de la charte des bledz qui y estoit auparavant par l'espace plus de trois mois et environ, dans la ville, tellement que le bichet de bled, mesure de Lyon, valloit trente-huict solz, dont les huict bichetz vallent environ un septier à la mesure de Paris : ainsy à la dicte mesure de Paris valloit le septier à Lyon quinze livres quatre solz ; et estoit ceste charte par faulte de bled , et qu'on n'en avoit point par la rivière de la Saulne^ à Lyon, et ce par l'avarice des marchandz de bled, se disoit-on. Dont le pauvre peuple se mutina, de sorte que ledict jour cuida la ville estre mise à sac, et furent aucunes maisons pillées et saccagées , entre autres la maison du médecin de Lyon, demeurant près les cordeliers, nommé maistre Symphorian Champier\ qui, à cause qu'il reprenoit le peuple qui estoit