Nogent- sur-Seine. g

grëast ou regniast le nom de Dieu , sur peine la première fois de soixante solz d'amende, la seconde fois, sur peine d'avoir les lèvres fendues , la tierce sur peine d'avoir la langue percée, et la quatriesme d'estre pendu et estranglé.

1 529. Environ la Toussainctz , vindrent nouvelles qu'il fut enlevé dedans Rome, séant le pape Clément, de par le roy d'Espaigne, un prestre espaignol qui plaidoit et possédoit un bénéfice contre un autre Espaignol. Et parce qu'il ne se vouloit déporter de son droict, environ trente Espaignolz le vindrent prendre en la maison d'un cardinal et l'emmenèrent à Naples, après en Espaigne.

Au dict an , en octobre, fut pendu et estranglé par arrest de la cour, en la place Maubert, un nommé Darquinvillier, enfant de Paris , escolier, de grosse maison , et de gens de bien. Et ce parce qu'il estoit larron et vioUeur de filles et femmes et grand brigueur.

L'an 1 529, le jeudy, dix neufiesme d'aoust, un drappier, marié, filz de feu Jean Rcgnault, aussi drappier, fut bruslé vif en Grève, par arrest de la cour, pour ce qu'il estoit blasphémateur de Dieu et de la Vierge Marie. Et un jour, entre autres , après avoir perdu tout son argent aux dez , il alluma du bois ou chandelle , et monta dessus , en disant , en despit de Dieu et de la Vierge , et se print le feu à ses habillemens , ce dit-on ; parquoy fut condamné par le baillyf du palais seullement à faire amende honnorable par tiois jours, dont il appella. Mais la cour le condamna à estre bruslé comme dessus. • i^*^«i»w». i;iJ.

1530. Au dict an, jeudy, H^tigtië'smè jdUi* de jan-

vier, jour de sainct Sébastien , au soir entre neuf et dix heures, il apparut sur ceste ville de Paris, une grande cornette au ciel, dont, à cause de ce, il sembloit que le ciel fut entreouvert de grande clarté , et sembloit que le tout fut en feu ; et estoit de figure d'un dragon ou d'un serpent flamboyant en feu, qui estoit moult grand et long, aiant grande queue à merveilles. Et alla cheoir ce jour sur les fossez de la ville de Sainct-Denis en France.

(1 530) Au dict an 1 529, environ trois sepmaines devant Pasques, et le dixseptiesme avril, furent faictes à Paris, tant par les églises parochiales, collégiales et par la grande église Nostre Dame de Paris, et aussi par les villages d'entour Paris, plusieurs belles processions, et ailoient par les églises en la ville , et dehors Paris en grande dévotion, où ily avoit plusieurs torches de cire allumées, avec croix, bannières et plusieurs reliques, où y ailoient les parroisses en grande révérence, tous les jours, et par nuict. Et durèrent iceiles processions jusques à la Pentecouste , qui estoit quasi trois moys , prians Dieu , Nostre-Dame et les sainctz , qu'il leur pleust sauver et garder les vignes , lesquelles , comme on disoit , estoient gastées parcequ'il geloit tous les matins. Et mesmement on dit qu'elles furent fort endommagées au vignoble d'Orléans, et oultre la rivière, vers le val de Loire. Mais au moien des bonnes prières du peuple et des belles processions, les dictes vignes, qui estoient endommagées et gelées, revindrent en valeur et bouté à l'entour de Paris et es en- A irons, ce qu'on a estimé un grand miracle que Dieu a voulu monstrer.

Au dict an 1 530, veille de l'Asscention, qui estoit

le viugtcinquiesme de may, mourut à Paris le seigneur Viconte*, descendu des ducz de Milan, en sa maison qu'il avoil auprès de Sainct-Germain de l'Auxerrois ; dont adverli, le Roy manda à la cour de Parlement et à THostel de la ville, qu'on luy fist gros honneur, tel qu'il appartient à un prince, et qu'ilz assistassent au convoy du corps et obsèques.

Premièrement fut crié parmy la \ille , par vingt crieurs en la cour de Parlement et en la chambre des comptes, aiant chacun ses armes devant et derrière, qui estoient escartelèes , aiant un serpent et un aigle de sable, disant telles parolles ou semblables : « Priez Dieu pour rame de très hault et très puissant prince , le seigneur MaximilianV iscomte^ descendu des ducz de Milan. » Et fut le cry faict le jeudy, dixiesme jour de juing 1530. Et fut son corps porte en sépulture, le lendemain à l'église des Carmes, en grand triomphe.

Au dict convoy esloient les quatre ordres mandiennes, aians chacun des torches armoiriées aus dictes armes.

Item^ le clergé de l'église Sainct-Germain de l'Auxerrois, parce que c'estoit sa parroisse.

Aussi y estoit tout le clergé de Noslre-Dame de Paris , avec tous les chanoines et archediacres , lesquelz allèrent quérir le corps où il mourut.

Et pendant le dict convoy et obsèques , sonnoient les grosses cloches de la dicte église Noslre-Dame.

Y avoit au dict convoy cent pauvres revestuz de drap noir, faisans le dueil, portans chacun une torche de cire ardante, armoiriée comme dessus.