Voy. plus haut, p

qui prièrent au Roy de luy faire aller ; dont il fut honnestement recueilly d'iceux, à cause qu'il estoyt du sang royal , et luy firent de beaux présentz et dons.

Item^ environ un moys après, la seigneurie de Venise envoya au roy de France, luy estant à Paris, la charge d'un cheval de draps d'or, moult beaux et riches, que luy donnoit la dicte seigneurie, affin de capter sa bènèvolence et bonne grâce.

Au dict an , au moys de mars , avant Pasques , fui dict, par arrest de Parlement, que ne seroient plus vendues au Chastelet de Paris les audiences par les advocatz ne juges, mays qu'elles se donneroient par le prévost ou son lieutenant, et que les advocatz seroient paiez de leurs playdoiers; qui fut mal fait, car après on n'en pouvoit avoyr.

Au dict an, depuis la Toussainctz jusques à la Sainct Jean Babtiste ensuyvant, courroient, parmy le royaume de France, plusieurs maulvais garçons, appelez voleurs^ rèpendus en divers lieux, jusques au nombre de deux ou troys cens d'une bande. Lesquels faysoient des maulx infinitz es villes et villages, pilloient ettueoientà plain de gens; desquels fut exécuté grand nombre à Paris et Rouen, et les faysoit-on brusler tous vifs ; dont il y en eut ung prisonnier à la Conciergerie , nommé Nicolas , qui en accusa plusieurs; parquoy il eut la vie saulve, et fut par long temps tenu en la Conciergerie , dont ce pendant estoit souvent mené parmy la ville pour en cognoistre ; et aussi y en eut un autre a Rouen , natif de Paris , qui pareillement en accusa plusieurs, parquoy luy fut sa vie saulve et fut pour long temps détenu prisonnier, pour le confronter devant les aultres prisonniers.

D'UN BOURGEOIS DE PARIS (i516). 37

Au dict an, samedy huicliesme mars, fut pendu et estranglé, devant le pillory, à Paris, un jeune garçon qui n'avoit pas seize ans, serviteur de Jean Crevecœur, joyaullier et orfèvre de Paris, à cause qu'il luy avoit desrobbë environ pour huict ou dix mille livres de bagues et joyaux et de pierreries. Et, pour ce faire, il estoit monté, de nuict, pardessus les maisons, en son grenier, où il y couchea de nuict, et, le lendemain dimanche, fit le larcin, pendant que ceux de la maison estoient au seremon.

Au dict an, en mars, fut commence à faire lechasteau de Tournay, par les Angloys, que fit faire le roy d'Angleterre, à cause qu'il avoyt prinse auparavant par guerre la ville de Tournay*. Et, pour ce fayre, il envoyé d'Angleterre jusques à mille ou douze cens ouvriers tant maçons, charpentiers que manouvriers, lequel chasteau fut parfaict.

Au dict an, en mars, le Roy, estant à Lyon de son retour de Milan, manda quérir monsieur maistre Roger Barme, son advocat général en Parlement, et l'envoyé à Rome devers le pape Léon, touchant la pragmatique, en ensuyvant le traicté et appointement faict entre le pape et le Roy, à Boulongne la Grâce, au moys de décembre de devant ; affm de corriger ladicte pragmatique, et ce, à la vie d'eux seuUement, et sans desroguer à icelle pragmatique, ne aux droictz d'icelle. Dont fut faict un appoinclement entre le dict Pape et Roy, nommé et appelé le concordat'; tellement qu'il n'y auroit plus nulz bénéfices électifz, mais seroit le

i. Le 24 septembre 1513.

2. Voyez-en le texte dans Isambert, t. XII, p. 73 et suiv. — Il porte la date du 16 août loi 6.

Roy des dictz bénéfices présentateur, et nommeroit

ledict.... '

(1 5 1 6 .) Au dict an , il advint en la ville de Poic tiers que un homme fol fit cheoir sur les corporaux , estant sur Tautel, le précieux sang de Nostre-Seigneur, lorsqu'un prestre chantoit la messe, et fut ce faict après la consécration comme ledict prestre levoit le calice ; et estoit la consécration de vin blanc ; dont il advint un beau miracle, car si tost qu'il fut tombé sur les corporaux sacrez il devint rouge ; et incontinent fut recueilly en grande diligence et révérence par prestres. Et en fut faict reliquaire pour adorer; et fut le malefacteur condamné à esire encloz entre deux murs, sans le faire mourir, à cause qu'il estoit insencé, et fut dit que jamais n'en partiroit et mangeroit pain et boiroit eau seullement.

En avril, après Pasques 1516, vindrent nouvelles que le roy de Navarre avoit assailly les Espaignolz à Sainct-Jean-Pié-de-Port, depuis la mort du roy d'Espaigne; et fut le dict roy de Navarre desconfit par les dictz Espaignolz; et y furent tuez troys à quatre mil de ses gens, et perdit la ville et chastel du dict Sainct- Jean-Pié-de-Port.

Au dict an 1516, au moys d'avril, après Pasques, vindrent nouvelles à Lyon, que l'empereur d'Almagne , Maximilian , accompaigné du cardinal de Syon et de l'autre filz de feu Ludovic, nommé le duc de Bar', que le dict empereur tenoit avec luy, qui avoient en leur compaignie environ quarante mille