Ces nouvelles étaient fausses
demeurant à Paris, après avoir esté prisonnier, tant à la Bastille qu'au Palays, par espace de cinq ans, es^ tant sur un ays pourry et corrompu, disant ses heures en une fenestre , le dict ays se rompist et tresbucha en bas , et se rompist le col, tellement qu'il se tua par cest inconvénient. Il estoit homme de bien et avoit le jour de devant faict ses pasques. Son corps fut gardé pendant qu'on adviseroit s'il seroit pendu pour confisquer ses biens. ïouteffois, par la permission de ses juges , fut porté au cymetière des Innocens en la fosse des misérables, qu'on dit de Saincte-Catherine. Cest enterrement faict simplement, sans solemnité, comme il avoit esté dict par la cour, en présence d'un huissier d'icelle, avec un garçon portant une lanterne. Et défences aux parens de n'en faire dueil, ne aucune mondanité. Et fut dit par la dicte cour, quant au procès principal, qu'elle y procéderoit comme de raison, pour la confisquation de ses biens ou pour estre absoulz du tout.
Il avoit esté mis prisonnier, chargé d'avoir dérobbé des deniers du Roy, plus de trois ou quatre cens mille francs, quand il avoit la charge (de trésorier) extraordinaire des guerres par espace de six ans; parquoy avoit esté cause de la perdition de la guerre et journée à laquelle le Roy fut prins, par faulte de payer les gens d'armes.
Et le samedy, quinziesme de may ensuivant , veille de Pentecouste 1 535, fut crié à son de trompe devant la maison du dict feu Spifame , et par les carrefours de Paris , de par le Roy et messieurs de la Tour-quarrée, que le dict maistre Gaillard Spifame avoit esté condamné envers le Roy en la somme de cinq cens
mil escus d'or, en laquelle il luy avoit esté trouvé redevable, qu'il avoit practiqué et desrobbéen son estât de général de jNormandie et de trésorier extraordinaire des guerres. Finablement furent ses biens saisis par le Roy, et venduz près sa maison, près la fontaine Sainct-Leu-Sain c t-Gilles .
Et si fut dict par les dicts juges^ que sa femme seroit privée de son douaire du mariage, qu'elle ne pourroit demander sur les dictz biens.
L'an 1535, le samedy huictiesme de may, fut tué le filz de monsieur de Gapanes, à Paris, par le filz du feu président Clutin , et trois ou quatre autres. Et ce par jalousie, à cause de la femme de... \ esleu de Paris : et pour ce qu'eulx deux se trouvèrent en la maison d'elle.
Audictan 1 535, le dixiesme de may, furent descriez par quatre trompettes , à Paris , tous draps de soye de Gennes, tant de veloux, satin, damas, taffetas, toilles de soye, qu'autres; et défendu d'en plus vendre d'oresen-avant, sur peine de confiscation desdictz draps de soye, et de punition corporelle. Pareilles défences furent (publiées) partout le royaume, et donnoit le Roy la moytié de la confiscation à ceulx qui viendroient révéler les infractions dudict édict *.
Le mecredy ensuivant , douziesme du mois , fist amende honnorable au parquet civil de la cour et à la pierre de marbre, un nommé Lallemand, de Bourges, qui fut trésorier de Languedoc ; lequel office de trésorier Jean Poncher achepta de luy. Puis fut condamné à eslre mené par le bourreau au pillory et y
