Le chiffre est resté en blanc dans le Ms

couppëe et furent bruslez tout vifs et obstinez. Hz avoient autrefoys servy à Paris , et fut trouvé qu'ilz avoient apporté des livres d'Allemaigne qu'ilz vouloient faire relier et vendre à Paris , et si vouloient secrettement attacher des placars par la ville \

(1535.) Au dict an 1534, le lundy 11 janvier, fut publié par les carrefours de Paris, de par le Roy estant à Paris, par cinq trompettes, en présence du lieutenant-criminel et plusieurs commissaires en Chastelet, que le Roy faisait assçavoir que doresnavant brigans et meutriers ne seroient plus penduz ne bruslez, mais seroient brisez et auroient les membres cassez, puis seroient mis et liez sur roues pour y achever leur vie tant qu'ilz y pourroient languir ^

En ce temps furent par le Roy faictes défences à Paris, à son de trompe, que personne ne portast espée, ne dague, ne autre baston invisible, sur peine d'estre mené prisonnier et d'amende et de perdition des basions, s'ils n'estoient gentilzhommes suivans la cour^

Au dict an , en juing , fut mis prisonnier de par le Roy, amené de Marseille, messire Maurice Jonas, Provençal, chevalier de Rhoddes, pour ce qu'il avoit voulu vendre les gallères du Roy, desquelles il estoit cappitaine , à Barber ousse pour le Turcq. Luy fut faict son procès en la Bastille , puis condamné par la cour

1. Voy. , sur ces différentes exécutions, une lettre de Masson à Érasme, dans V Histoire de r Université, t. VI, p. 249.

2. Voy. le texte de l'édit dans le recueil d'Isambert, t. XII, p. 400.

3. Cf. une ordonnance analogue en date du 31 octobre 1532; Isambert, t. XII, p. 375.

de Parlement à estre traisné sur une claye jusques au pillory des halles , là où il auroit la teste tranchée , puis escartelé , et sa teste portée à Marseille. Ce qui fut exécuté le lundy huictiesme de mars*.

En ce temps vindrent nouvelles que Rhoddes fut reprinse par André Dorie, pour l'Empereur contre le Turcq '.

(1535.) Au dict an, le dimanche sixiesme de mars avant Pasques, Beda, docteur en théologie, fist amende honnorable au parvis de la grande église Nostre- Dame, à cause de quelques lettres qu'il avoit escrites, lesquelles furent présentées au Roy qui les envoia à la cour de Parlement, avec injonction de faire la justice du dict Beda.

(1 535 .) Au dict an 1 534, le jeudy vingt-cinquiesme de mars, fut cryé de par le Roy en la cour de Parlement, que tous pauvres escoliers et indigens , non aians de quoy vivre et soy entretenir aux escolles , vuydassent la ville de Paris , et leur fut faille défence , sur peine de la hart , de non plus chanter doresnavant devant les images des rues aucuns salutz , de peur qu'iiz ne s'habituassent , par ce moyen , à coquiner et belistrer, et aussi pour ce qu'iiz demandoient l'aumosne, après avoir chanté leur salut. Car desja auparavant il avoit esté publicquement défendu de plus quester par les huys l'aumosne , par les pauvres mesmes.

(1535.) Au dict an, le jour du Vendredy sainct, vingt sixiesme mars avant Pasques, monsieur Spifame, seigneur de Bisseaux, trésorier de Normandie,