Antoine Sanguin occupa le siège d'Orléans de 1533 à

Yssoire, en Auvergne*. Touleffois on dit que ledict deffunct Du Prat mist premièrement au Roy devant ses yeux ledict Du Bourg, pour le insinuer audict office après luy. Lequel Du Bourg fut premièrement lieutenant-civil de Paris, là où il ne fust pas deux ans, et encores cependant suivoit-il la cour du Roy et le Grand Conseil, duquel quelque temps il fut président, et après maistre des requestes; et puis président de la cour de Parlement; finallement chancelier de France.

Audict an 1535, le samedy vingt-cinquiesme de septembre , furent penduz et estranglez le maistre et son serviteur, demeurans à la place de devant Saincte- Opportune , à l'enseigne du Papegaj^ pour ce qu'ilz estoient rongneurs de testons.

Au dict an 1535, au mois d'aoust, fut commencée à estre abbatue et démolie la faulce porte au Painctre% de par le Roy et de par le prévost des marchans et eschevins.

En ce temps fut faict cardinal monsieur de Paris ^

Au dict an , le vendredy vingt-quatriesme de septembre, fut pendu et estranglé Jean de Poncher, natif de Tours, général de Languedoc, qui estoit nepveu du feu archevesque de Sens et cousin de l'évesque de Paris. 11 eust esté plus tost appréhendé de justice > n'eust esté que le prévost de Paris , de La Barre , le portoit fort; après la mort duquel il fut poursuivi. Mais soy doubtant du Roy et du légat qui fut cause de sa mort , il s'enfuit de Paris et s'en alla, ce disoit-on, à Valenciennes , en franchise. Mais au mois de juing