Du Bellay

ensuivant, il retourna à Paris, parce qu'il fut mande par lëgat de venir à seureté. Et disoit-on que le roy de Navarre et le grand maistre de France l'avoient assuré de revenir en seureté; Mais néantmoins à son retour il fut prins et mené prisonnier chez un huissier, et après à la Tour quarrée, le Roy estant à Reims, de son retour de Picardie.

Le corps du dict Poncher, trois ou quatre jours après qu'il fut pendu , fut secrettement dépendu et enterré aux champs, là où il fut trouvé, et rependu à chaisnes de fer. Mais il fut mis en pièces et osté de là^ tellement qu'on ne sceut qu'il devint ^

L'an 1 536, le lundy trente-uniesme et dernier jour de juillet, furent, par la ville , commencez les fossez hors Paris, et furent commencez au bout des faulxbourgs Sainct-Honnoré. Et fut ce faict par l'advis et oppinions d'aucuns habitans, et par monsieur de Paris, cardinal, qui estoit pour lors gouverneur de Paris. Et y furent grande multitude d'archers et le dict cardinal aussi *.

Au dict an, dimenche sixiesme jour d'aoust, fut faicte procession généralle à Nostre-Dame de Paris par le clergé d'icelluy où se trouvèrent toutes les paroisses et les quatre ordres mandiennes, où estoit le dict cardinal Du Bellay, en son habit de cardinal, et monsieur du Mans^ fist l'ofHce de la messe , et y preschea monsieur Berthon, docteur en théologie. Et fut ce faict affm de prier Dieu pour la paix et pour la prospérité et santé du Roy et de son armée , qui estoit