Cf. Registre, p. 374 et suiv

i8 JOURNAL

aller ouyr messe en la Saincte-Chappelle, veslu d'un grand manteau deveuloux rouge fort traînant à terre, qui avoit grande queue, avec un grand chapperon de veuloux rouge qu'il portoit sur Fespaule, qui est la livrée du dict Arclieduc ; puis après, à son col l'Ordre du dict Archeduc, roy d'Espaigne, qui est la Toyson d'or, et estoit le dict ambassadeur ainsy habillé. Et ouyrent la messe ensemble en la Saincte-Chappelle du Palais, l'un d'un costé, l'autre de l'autre, quifutchantée en grande magnificence ; ce faict, chacun s'en retourna disner en leur logis.

Le lendemain qui fut le jour Nostre-Dame de Chandeleur, il alla à l'église Nostre-Dame de Paris, avec toute sa noblesse, où y estoit le dict seigneur du Ru, ambassadeur, auquel lieu fut chantée solemnellement une grande messe ; la quelle chantée, le Roy guarrit ce mesme jour des mallades des escrouelles, à la fin de la messe.

(1 51 7.) Au dict an, le dimanche quatriesme janvier, fut publié le pardon de la croysade donné par le Pape, à l'instance du Roy, au royaulme de France*. Et fut la dicte publication faite par monsieur de Quercus, docteur en théologie , curé de Sainct Jehan en Grève, à Paris, ce dict jour, en la court épiscopale de monsieur de Paris. Et ce mesme jour, incontinant ledict pardon

1. Cf. Chronique inédite, p. 20. — La collection B<khime contient diverses pièces relatives aux projets de croisade contre les Turcs, et entre autres une lettre sur la levée d'une armée par Pierre de Navarre (Ms. 8496), une lettre de François I^' au pape (Ms. 8489, f" 6), et {ibid.) un Mémoire concernant le dessein de faire la guerre aux infidèles. Voyez aussi collection Foutanieu , portef. 167-108.

de la croysade commença d'avoyr force et vertu jusques à deuz ans fmiz et accomplis, à compter du jour de la dicte publication : et, le dict temps durant, cessèrent tous pardons et indulgences par tout le royaume de France. Et estoit le pardon tel , que, pour le gaigner, il convenoit donner ce que on despendoit soy et sa famille par troys jours ; ce néantmoins ne sortit effect. Les causes pourquoy fut ordonné ledict pardon estoit afïin d'aller contre les Turqs.

L'an 1517, monsieur de La Vernade , chevalier, maistre des requestes du Roy, fît apporter, en ceste ville de Paris , un serpent mort et boully en huylle, nommé crocodille , qui luy fut donné à Venise , par la Seigneurie de Venise, lorsqu'il alla comme ambassadeur pour le Roy, vers la dicte Seigneurie, incontinant après la conqueste de Milan, et la victoyre qu'il eut contre les Suysses, à la journée de Saincte- Croix ; lequel serpent donna, à son retour, à l'église de Sainct-Anthoine, à Paris, et le fit mettre et attacher contre la muraille où il est de présent. Ce serpent avoit été prins dedans le fleuve du Nil, près du Quaire, oii il fut trouvé mort.

(1517.) Au dict an 1516, le jeudy vingt-neufiesme janvier, fit son entrée à Paris monsieur le cardinal de Luxembourg, qui estoit parent du feu connestable Colligny* qui eut la teste couppée à Paris. Et fit son entrée comme légat en France, de par le Pape, pour troys ans seullement, pour la correction de la pragmatique. Il fut receu à rues tendues et à ciel qui fut porté sur luy, qui estoyt de damas blanc,