Saint-Pol

à ses armoyries, et fut porté le dict ciel par les drappiers de Paris. Et entra par la porte de Sainct- Jacques ; et luy fut porté jusques à l'église Nostre-Dame de Paris, et y fut tenu par la ville bel ordre; et y furent les quatre ordre mandiennes seullement, sans autre clergé. Puys après, les archers et arbalestiers de la ville et les Prévost et Eschevins de la ville de Paris*.

Et y vint au devant de luy le cardinal de Boysi, où, dès la porte de Sainct-Jacques, il le fist estre avec luy sous le dict ciel, ailans eulx deux, parrny la ville, jusques à la dicte église Nostre-Dame de Paris.

Le dict seigneur légat , très homme de bien et de très noble maison , estoit évesque du Mans, et estoit d'aage environ quatre-vingts ans ^

(1517.) Au dict an, le mercredy dix-huictiesme février, fut crié à son de trompe par les quarrefours de Paris , de par le Roy et monsieur le Prévost de Paris ; et deffendit que doresnavant n'entrent aucuns draps d'or, d'argent, veloux, satin, damats, camelotz, taffetaz brochez et brodez d'or et d'argent et cramoysis; et ce, sur peyne de confiscation d'iceux et d'amende arbitraire. Et aussi deffendit à tous marchans de tenir en leurs boutiques, ne vendre aucuns des dictz draps, soit en gros ou destail , à quelque personne que ce soit, sur peyne de confiscation d'iceux et d'amende arbitraire.

« François par la grâce de Dieu, roy de France,

4 . Le parlement refusa d'aller en corps au-devant de lui. — Voy. collection du Puy, Mss. 83 et 215; -— et Félibien, t. II, p. 936.

2. Philippe, cardinal de Luxembourg, fut évéque du Mans de 4477 à 4507, puis de 4509 à 1549.

D'UN BOURGEOIS DE PARIS (loi 7). 51

duc de Milan, seigneur de Gennes, à tous ceux qui ces présentes lettres verront, salut. Comme depuis, par la grâce de Dieu, soyons parvenuz à la couronne, aions trouvé noz subgetz, avoir esté grandement fouliez et apauvris, tant par guerre, que par la superfluité et désordre des habillementz, des draps d'or, d'argent et de soye, que ne convient porter à leur estât; dont l'or et l'argent sort de nostre royaume, pays, terres et seigneuries, par les diclz désordres et abbus d'iceux draps d'or et de soye. Sçavoir faisons que, pour le bien, profïît et utilité de la chose publique, avons deiïendu et deffendons que, en nos dictz royaumes, pays, terres et seigneuries , deçà les montz , n'entreront aucuns draps d'or, d'argent, veloux, satin, damatz, camelotz, taffetaz brochez ou brodez d'or, d'argent, ou craraoy* siz; et ce, sur peine de confiscation d'iceux et d'amende arbitraire.

(( Item , avons prohibé et deffendu , prohibons et deffendons à tous marchans, de quelque estât, qualité ou condition qu'ilz soient , de tenir en leurs bçuticques, ne vendre aulcuns des dictz draps , soit en gros ou en destail, à quelque personne que ce soit, sur peyne de confiscation d'iceux, et d'amende arbitraire ; et de n'avoyr autre action ou contrainte de la déclaration qu'il en pourroit faire. Et d'autant que d'aucuns marchans en auroient en leurs bouticques, leur avons donné terme de six moys à commancer du jour de la publication de ces présentes, pour les vendre aux églises, pour faire ornementz, ou aux princes de nostre sang, et les mettre hors nostre royaume; et les dictz six moys passez , s'il en est trouvé qu'il y en ait, nous les avons confisquez et confiscons par

ces présentes sans aultre déclaration ; de la quelle confiscation le tiers en appartiendra au dénonciateur.

« Item y deffendons à tous cousturiers , pourpoinctiers, chaulcetiers , ouvriers de cielz et couvertures , courtines , cortepoinctes et autres parementz de maisons , de ne tailler ne ouvrer de leurs dictz inestiers les draps dessusdictz , pour quelque personne que ce soit, fors pour ceux de nostre sang et églises ; et ce, sur peyne d'amende arbitraire, et d'estre privez et déclairez incapables à jamays exercer leur art mecanicque en noslre royaume ; et à ceux qui les révéleront sera donné par les mains de nos recepveurs, ordonnez sur les lieux, pour cbascune foys, cent solz tournois qu'ils reprandront sur le délinquant.

« Si donnons en mandement, par ces mesmes présentes à nos amez et féaulx, les gens tenans noz cours de Parlement , tant en nostre royaume , Daulphiné que Provence , et à tous nos justiciers et officiers , qu'ilz facent observer et garder nostre dicte ordonnance , sans icelle enfraindre aucunement. Et néantmoins procèdent contre les infracteurs , par déclaration des peynes y contenues ; et affin que nul n'en prétende cause d'ignorance, avons ordonné et ordonnons par ces présentes, qu'elles seront publiées à son de trompe, es lieux accoutumez, par toutes les bonnes villes de nostre royaume, pays de Daulphiné et Provence. En tesmoing de ce, nous avons fait mettre noslre scel à ces dictes présentes. Donné à Paris, le dix-huictiesme jour de février, l'an de grâce mil cinq cens dix sept (1 51 8), et de nostre règne le quatriesme. Ainsy signé par le Roy, nous les seigneurs d'Orval et

de La Trimouille, présens; de Bonnyvet, admirai, Chambanes, admirai de France*, les généraux des finances et aultres présens. Ainsy signé de NeufviUe , et scellé en double queue de cire jaulne. »

Et en Tan 1517 furent envoyez par le Roy deux genlilzhommes pour visiter les bouticques, pour voir s'il n'y avoit nulz draps d'or, d'argent et de soye cramoysiz.

(1517.) L'an 1 51 6, le mecredy premier avril, fut tué Fluraut, le bourreau de Paris, par ce qu'il faillit à coupper la teste à un homme au pillory, par justice ; dont, après ce , fut tant oppressé de pierres , qu'il luy convint s'en aller mucer en la cave du dict pillory. Quoy voyant le peuple , mist le feu dedans la dicte cave ; parquoy fut iceluy bourreau estainct et trouvé mort. Dont après furent un ou deux des maulvais garçons, qui avoient mis le feu, prins par justice et battuz par les quarrefours de Paris. tiSÉT'

(1517.) Au dict an 1516, en mars, avant Pasques, furent citez par le pape Léon tous les couventz des Cordeliers de toute la crestienté , tant des Observantins que de Sainct-François , à la requeste et supplication de ceux de Sainct-François, ad ce qu'il pleust au Pappe de les unir avec les dictz Observantins, pour vivre soubz une mesme règle. Dont finablement, au jour assigné, au moys de juillet ensuyvant, fut dit par le Pape tenant son consistoire , par sentence deffinitive, que tous les dictz Cordeliers, tant Observantins que de Sainct-François , seroient tous unis ensemble soubs une mesme religion et vie , ce qu'ilz ne fay-

i . Lisez : Chabannes, maréchal de France.

soient auparavant , mais qu'iceux Cordeliers auroient pour leur général un cordelier observantin.

(1 51 7.) Au dict an, jeudy dix-neufiesme de février, fut espousé monsieur de La Trimouille à la fille du duc de Valantinoys \ de laquelle la mère estoit fille de monsieur d'Albret et laquelle avoit eu pour espoux le dict duc de Valantinoys. Et lequel duc de Valantinoys fut en son vivant filz naturel du feu pappe Alexandre ; et furent célébrées les espousailles , à Sainct-Houyn *, près Paris.

L'an 1517, dix-neufiesme de may, s'en allèrent de Paris, le Roy, la Royne , madame la Régente et toute la noblesse, premièrement coucber au cbasteau d'Escouan, appartenant à monsieur de Montmorancy, puis à Compieigne. De là à Sain ct-Quen tin , à Amyens, à Boullongne, à Montereul, à Thérouenne, à Abville, à Crotoy , et à Dieppe. Esquelz lieux ilz firent leur entrée et finablement allèrent à Rouen ** , où le Roy et la Royne firent pareillement leur entrée, le dimanche deuxiesme aoust ensuyvant, au dict an.

Et est à noter que le Roy et toute la noblesse n'avoient bougé auparavant de Paris depuys le xxvi* de janvier 1516 (1517), qu'ils y arrivèrent, au dict jour dix-neufiesme de may. Pendant lequel temps y furent traictées moult de choses , tant de la paix et alliance de l'Archeduc que du mariage de luy et de madame Loyse de France, et aussi de la paix du Roy et de l'Empereur , et de la paix et alliance du Roy et des Suysses , et de plusieurs autres grandes choses.