Cf. Registre f p. 44Ô et suiv

D'UN BOURGEOIS DK PARIS (1517;. rir.

Mais néanlmoins le Roy et aucuns jeunes gentilzbommes de ses mygnons et privez ne faisoient quasi tous les jours que d'estre en habitz dissimulez et bigarrez, ayans masques devant leurs visaiges , allans à cheval parmy la ville et ail oient en aucunes maisons jouer et gaudir ; ce que le populaire prenoit mal à gré.

L'an 1517, premier jour de may, à Londres, en Angleterre , fut faicte grande esmeute par les Angloys contre les François , Italiens et aultres estrangers demeurans au dict Londres. Lesquels Angloys, faignans d'aller au may ce jour, se bandirent jusques au nombre de quatre ou vi*^ hommes , ou environ , et se délibérèrent de piller tous les estrangers qui estoient demeurantz à Londres , assçavoir Françoys , Italiens , Espaignolz , Flamans, Escossoys et autres nations; et de ce faire se misrent en leur effort, tellement qu'il y eut des maisons d'iceux estrangers pillées ; et n'estoit pour lors le roy d'Angleterre à Londres , mais estoit à Grenne *; laquelle chose venue à sa cognoissance et advertissement , il en fit faire merveilleuse punition ; car il y en eut bien deux à troys cens hommes qui furent occis, par justice, tant penduz que descapitez. Et dit-on que ce fut à cause qu'un cordelier angloys preschea le jour de Pasques , ou les fériés d'iceîuy jour, que c'estoit mal faict de laisser les estrangers vivre au royaume ; lequel prescheur fut suborné d'un bourgeoys angloys de Londres, qui luy avoit donné auparavant charge de dire toutes ces parolles en sa prédication. Dont par ce, le peuple s'en esmeut contre iceulx estrangers, mays à la fin ilz en furent très fort chastiez.

i. Il s'agit peut-être deGreenwich.

Au dict an 1517 , douziesme de may, la royne de France, madame Claude, duchesse de Bretaigne, fit son entrée en la ville de Paris, qui fut très belle 5 et, le dimanche de devant*, elle fut couronnée en l'église Sainct-Denis en France, en grand triumphe. A laquelle entrée estoient plusieurs grandes princesses, assçavoir madame la Régente, mesdames d'Alençon, la vieille et jeune, mesdames de Vendosme, de Ravaste, et autres princesses , jusques au nombre de seize, richement accoustrées , dont les jeunes estoient vestues de robbes avec houssures de drap d'or à cordelières , montées sur hacquenées. Et ayant chascune d'icelles en leur teste un chappeau d'or, en manières de couronnes ; mays néantmoins sont nommées et appelées en bon langaige des Ijes^.

Au dict an 1 51 7, fut l'année des vignes gelées, c'est à sçavoir es terrouers de Paris , Orléans , Ny vernoys , Sainct-Porcin , Cliampaigne , l'Auxerrois et aultres lieux; et commancèrent à geler les jeudy , vendredy , samedy , dimanche et lundy d'après Pasques; qui fut grand dommaige pour tous ces lieux.

En ceste mesme année , y eut grande seicheresse es environs de Paris, tellement qu'il n'y avoit point d'herbes, au moins bien peu; au moyen de quoy valut lors le cent de boy teaulx de foing huict livres ; et le septier d'avoyne, quarante-cinq sols. Item^ la rivière de Seyne fut moult longuement petite , qui fut cause que toutes les marchandises venant par eaue furent chères, comme vin, boys, foing, et autres choses. Par

\. Le 10 mai. Cf. Registre , p. 448.

2. Voy. sur cette entrée Félibien , t. II, p. 936; Cérémonial français, t. I", p. 733.

D'UN BOURGEOIS DE PARIS (1517). îi?

quoy, le luiidy septiesme de juin , fut descendue la châsse de madame saincte Geneviefve, à Paris ; laquelle fut portée en procession générale * avec plusieurs autres châsses et reliquiaires , et , semblablement , les rues tendues; dont depuys ne cessa de plouvoir par l'espace de troys moys ou environ.

Au dict an, le jour de l'Ascention*, après disner, fut à Orléans une grande esmeutte de peuple contre un marchand et bourgeoys de la ville , nommé Jean Bernard, demeurant rue de la Vielle-Poterie , qui eut sa maison pillée et desrobbée; et n'eust esté qu'il est oit ce jour absent de la ville , ilz l'eussent tué ; et y survindrent de troys à quatre cens personnes qui luy rompirent son huys. Puys entrèrent en sa maison et pillèrent tout; tellement qu'il n'y demeura que les murailles, et rompirent et bruslèrent tout le mesnaige de boys et utancilles de la maison. Et y avoit si grande esmotion de peuple, que personne ne se ausoit trouver en la rue, dont le lendemain en furent prins par le prévost d'Orléans jusques à soixante personnes, desquelz furent pendus deux. Puis fut envoyé devers le Roy, par les eschevins de la ville, à Compieigne, pour luy requérir d'en faire justice ; dont fut commis de par le Roy, monsieur de Luppé , cappitaine de Jenville, pour y aller; et en fut la justice (nonobstant toute opposition et appellation ) , en appelant avec luy les gens du Roy et de la justice , pour en faire justice ; dont finablement en furent penduz jusques à quinze.

1. Voy. sur cette procession les Mss. 83 et 253 de la collection du Puy.