Cf. Registre

après furent muées en deuil; car environ un moys après il mourut.

Au dict an , en octobre , fut tue le Chevalier blanc , nomme de La Bastie, lequel estoit au royaume d'Escosse, lieutenant pour monsieur d'Albanye, lequel duc estoit régent en Escosse, pour le roy d'Escosse qui estoit son parent prochain, à cause que ledict Roy n'avoit que troys à quatre ans ; et lequel duc d'Albanye estoit absent lors du dict meurtre faict, et estoit venu en France. Et fut tué des gentilzhomraes d'Escosse, parcequ'il avoit faict coupper la teste à un chevalier d'Escosse, nommé.... ^, à cause qu'il disoit tenir le party et aliance de la veufve royne d'Escosse, la quelle s'en estoit secrettement fuye en Angleterre , vers son frère, le roy d'Angleterre ^

Au dict an , en décembre , retournèrent monsieur Estienne de Poncher, évesque de Paris, et monsieur de La Guyche, du royaume d'Angleterre où le Roy les avoit envoyez par devers le roy du dict pays , pour r'avoyr par rachapt la ville et le chasteau de Tournay ; mays ilz s'en revindrent sans rien faire, à cause que le roy d'Angleterre vouloit avoyr son argent comptant, de ce que luy avoyt cousté à fayre le chasteau. Et lesdictz ambassadeurs offrirent bailler pour le Roy, conmie ayans charge de luy , cinq cens soixante mille escus d'or, à payer, par chacun an, soixante mille escuz, jusques à fin de payement. Lequel offre, le roy d'Angleterre ne voulut accepter ; ains vouloit avoir la moytié comptans et l'autre moytié par chascun an , en certaine somme de deniers.