Voy. plus haut, p

(1518.) Au dict an 1517, en janvier, à Rome et par delà, tant en l'air que en terre, en un boys, furent oys plusieurs gens d'armes se combattre, et sembloient estre environ vi ou vin mille hommes ; et y oy oit-on comme coullevrines , bombardes et armures sonner, les uns contre les aultres ; la quelle bataille dura bien une heure ou plus, sans touteffbys rien voyr.

Après on oyoit plusieurs pourceaulx , en pareil nombre, se combattre, dont le populaire espouvanté estimoit que ces pourceaux signitioient les infidelles mahométistes.

(1518.) Au dict an 1517, dernier jour de février, nasquit à Amboyse, monsieur le dauphin François*, deuxiesme de ce nom , fils du roy de France et de madame Claude , duchesse de Bretaigne.

Le vendredy cinquiesme de mars, fut crié à son de trompe qu'on fîst les feuz, à cause de la nativité du dict seigneur Daulphin, parmy la ville de Paris'. Et, ce jour maisme , fut chanté Te Deum laudamiis en la grande église Nostre-Dame de Paris , présentz les prévost des marchans et eschevins. Le dimanche ensuyvant, furent faicles processions généralles et y eust sermon.

1. Il mourut le 12 août 1536. — La collection Béthune, Ms. 8515, f° 29, contient la lettre suivante, d'Imbert de Batarnay à .... u Mons., dimenche dernier, environ cinq heures après mydy, la Royne nous feit ung beau daulphin, qui est le plus beau et (le plus) poissant effant que l'on sçauroit veoir et qui se faict le myeulx nourrir, et la Royne qui se trouve fort bien et faict trèsbonne chère, grâces à Nostre-Seigneur. Aussy faict le Roy, Madame et nos petittes dames, leurs filles. — A Amboyse, ce premier jour de mars. Le tout vostre, Ymbert de Batarnay. » — Voy. encore dans la même collection , uue lettre de compliments de Charles V, en date du 11 mars, Ms. 8485, f" 35.