Krard, cardinal de La Mark

D'UN BOURGEOIS DE PARIS (loi 8). 67

France fit saisir et mettre en sa main tout le revenu temporel de Tévesque de Chartres; le quel ëvesché luy avoit faict conférer le feu roy Loys douziesme. Et depuis , par le dict évesque de Liège , il y eut des gens de bien, des habitants de la dicte ville de Liège qui eurent les testes couppées, à cause qu'ilz vouloient tenir le party du roy de France; et fut cause de ce^ le dict évesque de Lieige *.

Au dict an 1 51 8, jeudy dix-neufiesme aoust, fut décapité au pillory, à Paris, un nommé monsieur Christofle Legon, advocat, demeurant à Angers, par arrest de la cour de Parlement ; et après fut son corps pendu au gibet de Paris, pour ses démérites et falcifications qu'il avoit par plusieurs foys faictes et commises; mesmement pour la dernière foys , contre un gentilhomme du pays, nommé monsieur du Boys-Daulphin, pour et à la faveur d'un relligieux de l'ordre de Prémontret, abbé de l'abbaye, pour raison du droict de chasse de quelque boys, prétendu par le dict seigneur du Boys-Daulphin contre le dict abbé, pour lequel il avoit falsifié aucunes lettres , par les avoyr frottées d'eaue forte en aucuns lieux d'escripture , pour y mettre quelque chose contre vérité. Et aussi qu'il avoit suborné six tesmoings faulx , pour le dict abbé, contre le dict seigneur du Boys-Daulphyn. Lesquels six faulx tesmoings furent battuz et fustigez, en la présence du dit Legon, tous nudz, avant sa mort, par les quarrefours de Paris et tournez au pillory; et y en eust un qui fut flétry au front, d'un fer chault.

1. Voy. sur la défection de ces deux seigneurs, les Mémoires (chap. Lxix) de Fleurange, qui était leur neveu.

Et depuys la mort du dict Legon , iceuk faulx tesmoings furent encores menez à Angers /où ilz furent battuz et fustigez de verges, parmy la ville ; et aucuns d'iceulx furent bannis du royaulme de France, et chacun d'iceulx condamnez en certaine somme de deniers envers le Roy.

Au dict an 1518, le Roy et la Royne firent leurs entrées à Angers ; et y estoit madame la Régente ; et après leurs entrées, le Roy mit et establit en la duché d'Anjou et du Maine les gabelles sur le sel , là où jamays auparavant n'y en avoit eu ; et donna le Roy à madame sa mère la dicte duché d'Anjou et comté du Maine.

Après, le Roy et toute la noblesse s'en allèrent à Nantes et par toute la Bretaigne , où le dict seigneur Roy et la Royne firent leurs entrées ; et y fit son entrée la Royne comme duchesse de Bretaigne. En après, le Roy vouleust mettre et imposer gabelle sur le sel; mays il y eut conlredict tant des barons nobles, que des gens du pays qui luy remonstrèrent que jamays n'y avoit eu gabelle en toute la duché de Bretaigne et que c'estoit contre le bien public et au grand domaige d'iceluy. Parquoy il n'y en eut point.

Au dict an, jeudy vingt- sixiesme jour d'aoust, fut en la chappelle Nostre-Dame-de-Lorretle, qui est en l'église du Temple à Paris, faict un beau miracle d'une jeune fille de la parroisse de Sainct-Paul de Paris , qui avoit esté, par l'espace de treize à quatorze ans , impotente de tous ses membres, corbée et contrefaicte, tellement que ne se pouvoit ayder ne mouvoyr; laquelle ayant une grande foy et dévotion à la glorieuse mère de Dieu, en soy recommandant souvent à elle , se déli-

béra un jour d'aller à la dicte chappelle ; et y fi sa neufayne par l'espace de unze jours, en grande dévotion , et n'en bougea jou# ne nuict , durant le dict temps, en jeusnes et oraisons, qu'elle faysoit par chacun jour, comme vrayement confesse et repentante de ses péchez. Et à la fin de la dicte neufayne , elle y fit chanter une messe par grande dévotion, après soy estre confessée; et, icelle chantée, commença à s'escrier, en disant : «Hélas! qui est ce qui me redresse ainsy ? » devint toute droicte comme aultres, et s'aydoit de tous ses membres , aussi bien qu'elle eut onques faict. Pour lequel miracle, après avoir rendu grâces à Dieu et à la dicte glorieuse Vierge Marie, en sa dicte chappelle , elle promist et fit veu d'aller visiter en voyage le sainct lieu et chappelle de Lorrette , qui est par delà Rome.

Au dict an 1518, le jeudy deuxiesme jour de septembre, furent adjournez à Paris, par un huyssier du Grand Conseil, de par le Roy, à estre et comparoir en personne , en la ville d'Orléans , au samedy unziesme jour du dict moys, les personnes qui s'ensuyvent : assçavoyr maistre Jacques Dixhommes , Aligres , de L'Autier, et Bouchard, advocatz en Parlement; messieurs Versoris et Julien , advocatz en Chastelet , qui avoient esté à la consultation faicte par l'Université, à cause de la pragmatique , là où avoient esté d'oppinion qu'on en debvoit appeler. Aussi furent adjournez le recteiu- de l'Université, procureur général et scribe d'icelle , lesquelz deux derniers estoient prisonniers à la Conciergerie. Aussi furent adjournez le chancelier de l'Université , le doyen de Paris , nommé Hue, et aultres docteurs en théologie qui avoient tous

appelle au concilie futur, à cause du dict concordat.

Item^ furent adjournez messieurs Chamboty et liuict cordeliers, docteurs en théologie, avec un docteur aussi en théologie de la chappelle de Miguon *, à cause que, en leurs prédications, ilz avoient presché de la pragmatique contre le Roy et le Pappe.

Item j furent adjournez maistre Jean Beaufilz, advocat en Chastelet, et un aultre qui avoient translaté de latin en françois l'appellation interjectée par la dicte Université. Item ^ furent adjournez aulcuns imprimeurs qui avoient imprimé la dicte appellation faicte, en latin par la dicte Université.

Et est assçavoyr que, en la dicte appellation, y estoit contenu le Pappe et le Roy estre comme hérétiques, à cause qu'ilz vouloient aller contre le concilie de Basic ; auquel concilie fut donné au Roy la dicte pragmatique, pour aucuns services que les roys de France avoient faict auparavant au Sainct-Siège apostolique ; et aussi, par ladicte appellation, estoit dict le Roy estre mal conseillé. Parquoy le Pappe et le Roy en furent fort indignez contre eulx; et interroguez à Orléans par les commissaires ordonnez , en comparant par eulx à leur jour, et qu'ilz eurent publiquement playdé leur cause, en la grande salle de la cour du Roy, ilz furent eslargis à caution, jusques au lendemain des Roys , pour eulx trouver là partout où seroit le Roy ; mays depuys n'en fut parlé.

Au dict an 1 518, au moys d'aoust, le Roy estant en Bretaigne, fist et ordonna son ambassadeur monsieur

1. Nijon, en latin Nimio, nom d'un ancien village qui paraît avoir été situé entre Auteuil et Chaillot.

D'UN BOURGEOIS DE PARIS (loi 8). 71

de Bonnyvet *, admirai de France, pour aller en Angleterre ; et luy bailla avec lui monsieur maistre Estienne de Poncher, évesque de Paris, et de Neufville, seigneur de Villeroy, secrettayre; monsieur Chandenier avec xxiiii des gentilzhommes du Roy, et vingt-quatre archers de la garde et aultre grand nombre de gentilzhommes et train ; tellement qu'on les estimoit en tout bien huict cents chevaulx. Puis passèrent par la ville de Paris où ilz furent environ douze à quatorze jours; et le mardy, dernier jour d'aoust , partit de Paris monsieur l'admirai , pour faire ledict voyage d'Angleterre, avec tout le train des susdicts. Mays monsieur de Paris et monsieur de Neufville estoient auparavant partiz de Paris, et allez à Callays , pour y attendre le dict admirai. Arrivez tous à Calays, se misrent sur mer pour aller en Angleterre ; et se faisoit ledict voyage pour tendre à deux fins ; l'une, pour ravoyr la ville de Tournay que le roy d'Angleterre tenoit et possédoit et qu'il avoit gaignée par guerre et en laquelle il y avoit faict faire et construire un beau chasteau; l'autre estoit, affin de faire le mariage de monsieur le Daulphin et de la fille unique du roy d'Angleterre, nommée la princesse de Galles qui est es pays d'Angleterre '. Et est assçavoir qu'eulx estans arrivez en Angleterre furent fort bien recueilliz par le roy d'Angleterre.

1. Voy. la teneur des instructions qui leur furent données, Registre, p. 774 à 686; Ms. Saint- Germain. Harlay, n" 192; collection du Puy, Ms. 745. — Voy. aussi le texte de leurs pouvoirs dans Rymer, à la date du 31 juillet 1518.

2. Marie Tudor, fille de Henri VIII et de Catherine d'Aragon, née en 1515, épousa Philippe II en 1554, succéda en 1556 à Edouard VI , et mourut en 1558.

Le dimanche , troisiesme octobre ensuyvant , après qu'ilz eurent fort parlamenté ensemble , fut faict accord des choses susdictes en la ville de Londres, entre ledict roy d'Angleterre d'une part , l'admirai et monsieur de Paris, etaultres du conseil de France, d'aultre part , tant sur le faict de Tournay que pour le dict mariage * ; et ce mesme jour, fut chanté Te Deum laudamus en la grande église, en la présence du Roy et desdictz ambassadeurs '.

Le mardy, yingt-sixiesme jour du dict moys, le dict admirai et tous les dessusdicts arrivèrent à Paris, pour leur retour; et leur fut donné par le Roy grandz dons, tant en vaisselle que en argent. Et envoya le roy d'Angleterre au roy de France unes bardes couvertes de drap d'or et de pierreries avec un chanfrain de cheval, tout d'or aussi, où il y avoit une pierre précieuse de grande estime ; la quelle housseure de bardes fut d'une sienne robbe qu'il vestit le jour de l'accord par Iriumphe, lorsque le dict accord fut célébré en la dicte grande église de Londres.

Au dict an 1518, au commancement d'octobre, mourust à Amboyse madame Loyse de France , fille du Roy ^, n'ayant qu'environ cinq ans, qui estoit accordée au roy d'Espaigne , comte de Flandres , pour l'avoir à femme, quand elle seroit en aage ; et en traictant le mariage fut dict que (dans le cas) où elle mour-

1. Cf. collection Fontanieu, portef. 167-168, et le Ms. -^pp du fonds latin [olim de La Mare).

2. Voy. Recueil des Traités, t. H, p. 81. — Cf. du Bellay, p. 130-131 ; Registre, p. 608-610, et le Ms. 152 de la collection du Puy.

3. Voy. dans le Registre, p. 607, la lettre de condoléance que le doge de Venise (L. Loredano) écrivit au roi à ce sujet.

roit , le dict roy d'Espaigne preiidroit à femme madame Renée de France, fille du roy Loys douziesme.

Au dict an, vendredy dix-neufiesme de novembre, fit son entrée en ceste ville de Paris monsieur le Légat, cardinal*, que on disoit estre parent du pappe Léon dixiesme ; lequel cardinal , natif de Florence , estoit auparavant secrettaire du Pappe, et avoit telles armes que le Pappe , sinon qu'elles estoient escarlelées. Il fut très honnestement receu à Paris , les rues tendues. Furent au devant de luy les processions et parroisses , les quatre ordres mendiennes ; et (fut) un ciel porté sur luy. Et mourut environ un an après en Italie, s'en retournant à Rome.

Au dict an, samedy vingt -sixiesme janvier, fut abbatu le bordeau de Glatigny, qui estoit derrière l'église Sainct-Denys de la Cliartre, et joignant par derrière à icelle '. Et le fut par ordonnance et commandement du Roy, à la prière et requeste de la Royne estant à Paris, à cause des insolences et maulx qui se commetoient par chacun jour. Et y furent trouvez les

1. Bernard Dovizi ou Divizio, dit Bibbiena, du lieu de sa naissance, cardinal de Sainte-Marie in Porticu^ né en 1470, mort en 1520. Il a laissé, entre autres, une comédie la Calandra^ et diverses lettres fort curieuses sur son séjour en France; cellesci sont imprimées dans le recueil intitulé : Lettere di Principl. Venise, 1570, t. I. — Cf. sur son entrée à Paris, collection du Puy, Ms. 83 ; et Félibien, t. II, p. 939-940.

2. On donnait le nom de Glatigny à la rue qui porte ce nom encore aujourd'hui et aux environs de Saint-Denis le Cbartre jusqu'à l'hôtel des Ursins. Dans un arrêt (24 janvier 1388) concernant les femmes de mauvaise vie de la rue Baillehoc, près Saint- Merry, il fut dit par les défendeurs « que saint Louis ordonna qu'il y eut bourdel en Glatigny et la rue Robert de Paris et de Baillehoc. » Félibien, Preuves , t. II , "p. 539. — La rue Glatigny porta aussi le nom de Val-d* Amour.

osseineiitz de troys hommes morts, en démolissant les maisons; et le lendemain, qui estoit dimanche, par ordonnance de monsieur de Paris, furent faictes processions généralles autour de la cité , à cause de la dicte démolition.

Au dict an 1518, le vendredy... % jour de décembre, arriva à Paris l'ambassadeur du roy d'Angleterre^ assçavoir le grand commandeur d'Angleterre, le cappitayne de Guynes , le grand chambelan et un évesque ; et furent logez en la vieille rue du Temple, et furent très honorablement receuz, par ordonnance du Roy qui estoit à Paris. Et ce mesme jour, les eschevins leur envoyèrent grande quantité d'ypocraz et torches de cyre.

Le dimanche ensuyvant, le Roy les receut au Palais, en sa grande majesté , en la grande sale de Sainct- Loys, aprestée pour ce et tendue bien honorablement ; et y avoit des sièges faictz au propre , pour y asseoir le Roy, les seigneurs de France et les dictz ambassadeurs, et la cour de Parlement aussi ; ce que fut faict au soir, à torches ardentes *.

Et après leur harangue faicte au Roy, ledict seigneur Roy descendit de son siège royal, la teste nue, et alla acoller les dictz quatre ambassadeurs, en les recepvant honorablement et de bon cœur. Et ce faict, remonta le Roy en son siège. Puys, par la bouche de monsieur le chancelier du Prat, leur fit entendre son vouloir et comment il les recepvoit de bon cœur, en promettant faire et accomplir tout le contenu de ce

1. La date est restée en blanc. Ce fut le 40 décembre, suivant le Registre, p. 612.