Cf. Registre, p

D'UN BOURGEOIS DE PARIS (1518). 7?î

qui avoit esté faict par ses ambassadeurs avec le roy d'Angleterre. Et leur dict qu'ilz estoient les très bien venuz , et que le Roy les recepvoit de très bon cœur et à grand'joye.

Et fault noter que le Roy estoit venu de son logis des Tournelles , deux jours devant, loger au Palays, pour y recepvoir les dictz ambassadeurs.

Le mardy ensuyvant, quatriesme de décembre*, furent en la grande église Nostre-Dame de Paris , le Roy et les dictz ambassadeurs, en grand triumpbe, avec les seigneurs du sang royal de France et toute la noblesse , pour faire le serment solemnel avec les dictz ambassadeurs.

Et est à noter que , à aller par les rues , il y eut la plus belle triumpbe que on vit jamais; car le Roy estoit accompagné de ses arcbers de la garde, qui marcboient devant, puys après sa garde des Suysses; après iceulx, les deux cens gentilzliommes, ayans chacun sur leurs espaules leur baston à bec de faulcon , singulièrement les pensionnaires de sa maison , tous à pied ; conséquemment les seigneurs et cappitaines , ducs et comtes : puis suyvoient les seigneurs du sang royal, ayans chacun entre eulx un des ambassadeurs. Et en tel estât partist le Roy de son logis des Tournelles , et allèrent en la dicte église de Nostre-Dame de Paris, passant par-dessus le pont Nostre-Dame, le Roy accompaigné de cinq cardinaulx : assçavoir du Légat de nouvel venu par le Pappe en France, du cardinal de Boy'si , du cardinal Bohier, du cardinal de Vendosme et d'un cardinal, cordelier observantin ,

i . Lisez 14 décembre, cf. Registre, p. 613.

nouvel venu de Rome à Paris. En laquelle église de Nostre-Dame, chanta la grande messe monsieur le Légat , et faysoient le diacre et soubdiacre deux cardinaulx , et estoit le cœur de la dicte église tendu ; et y avoit un grand pavillon de drap d'or, soustenu de quatre gros pilliers d'argent doré. Et, pour ce faire, il convint rompre toute la maçonnerie de pierre qui estoit entre le cœur et le grand autel où y a de présent un entredeux faict de cuyvre. Audict pavillon y avoit une salemande faicte toute de broderie , enlevée et faicte d'or traict fille , moult riche et fort triumphante. Et à bien dire, on ne sçauroit exprimer ledict triumphe qui y fut faict, sans l'avoir veu. Et là y fut chanté Te Deum à chant d'orgues et toutes les grosses cloches sonnantz; et estoit plus de troys heures après midy quand ce fut faict. Puis allèrent disner le Roy, les dictz ambassadeurs et toute la seigneurie en la maison épiscopale de l'évesque de Paris. Et quelques jours après, furent les dictz ambassadeurs festoyez de plusieurs à Paris ; premièrement de madame la Régente , puis de la Royne, des prévostet eschevins de l'Hostel de la ville; après, de monsieur de Bourbon, de monsieur d'Alençon, de monsieur de Vendosme, de l'évesque de Paris , puys des cardinaulx de Boysi , Bohier et auitres prélatz; de monsieur l'admirai, de monsieur le grand maistre, son frère, du grand bastard de Savoye et auitres plusieurs. Et y furent faictz les plus beaux banquelz qu'on n'eust sceu jamais voir. Mais après , le Roy leur refit son bancquet , au lieu de la Bastille, le mercredy vingt-deuxiesme jour de décembre ensuyvant, qui fut la chose la plus solemnelle et magnifique qu'on vit jamays; car premièrement, la dicte

Bastille estoit toute tendue par terre de draps delayne à la livrée du Roy , assçavoir , blanc , tanne et noir ; et le hault à troys estaiges où il y avoit tant de luminaires , de torches de cyre ardantes qu'il sembloit qu'il fust jour clair; car on y estimoit plus de douze cens torches. Et fut ce bancquetfaict de nuict à torches ardantes. Briefvement, on ne sçauroit exposer le triumphe faict tant en viandes que en pa'rementz.

Item^ la dicte Bastille estoit tendue, tant à la court que aultres lieux ; et y avoit, à la court , du lyerre et assiettes, et dura ce bancquet jusques à passé mynuict. Puys, il y eut moresques d'hommes et femmes, habillez tout de drap d'or et d'argent; en après y vindrent des masques habillez en hommes et femmes qui dansèrent. Quelques jours après, furent faictes jouxtes à Paris , devant l'hostel des Tournelles : puis leur donna le Roy grandz et riches dons. Et, environ la my-janvier, s'en allèrent les uns ambassadeurs voir monsieur le Daulphin qui estoit à Bloys*; les aultres allèrent à Tournay pour bailler et livrer la dicte ville en l'obéissance du Roy; puys s'en allèrent tous à Calays et montèrent sur mer pour aller en Angleterre.

Audict an 1518, environ le moys d'octobre, fut desgradé à Rome par le pappe un cardinal , Prescheur , qui preschoit à Rome; parce qu'on disoit qu'il parloit mal des gens d'église ; et fut privé de ses bénéfices; et dict-on qu'à ceste cause, il s'en alla rendre au Grand- Turc, comme infidelle, qui le receut à grand joye.

Audict an, en décembre, fut commencée à faire toute de neuf l'église et abbaye Sainct-Yictor lez

i. Cf. Registre, p 615.

Paris. Et y mist la première pierre révérend père en Dieu monsieur l'évesque de Langres , nommé Boulet % natif de Bloys, qui avoit esté conseiller et président de la chambre des enquestes en la cour de Parlementa

Audict an , en décembre , mourut à Chartres le seigneur Jean-Jacques% noble et vaillant cappitaine et notable chevalier italien , qui estoit grand seigneur en Italie, et tant qu'il vesquit fut bon Françoys. Et estoit pour lors esleu cappitaine des Vénitiens ; lesquelz le vouloient avoir après la mort de leur cappitaine , messire Barthélémy d'Alvyano, depuys un an décédé. Il estoit fort vieil quand il mourut ; et dict-on qu'il mourut de couroux parceque le roy Françoys , à présent régnant, le traictoy t mal, au prix que faysoit en son vivant le feu roy Loys douziesme , duquel il estoit compère*.

(1519.) Audict an, au moys de janvier, trespassa Maximilian, empereur d'Almaigne, au dictpays d'Almaigne ^ Après le trespas duquel , il y eut grande