Voy. Félibien, t. II, p

2. Probablement Guit^nicourt, dans le département de l'Aisne.

procureur en Parlement, maistre Panthaleon Lebeuf, par l'aulhorité de monsieur de Vendosme, gouverneur de Paris, qui l'envoya en la conciergerie, par quatre de ses archers, parce qu'il estoit refusant paier la somme de X livres à laquelle il avoit esté imposé par les prévost et eschevins de Paris , pour subvenir à payer sa portion de la taille des dictes seize mille livres , qui avoient esté imposées par la ville, à cause de la soulde de deux mil hommes de pied, pour un moys, pour la dicte ville, et pour avoir faict les rampars et fortifications d'icelle. Ce néant moins iceluy Lebeuf paia la dicte somme avant qu'il fut mis hors de prison , nonobstant opposition ou appellation quelconque.

Au dict an 1 523 , le vendredy xx"^ de novembre, arrivèrent en ceste ville de Paris xxv pièces d'artillerie grosses, sur roues et charroys, de la ville d'Orléans et furent mises au Louvre ; et y avoit grand nombre de charroys garnis de pouldres et bouletz de fer, le tout pour mener en Picardie contre les dictz Angloys et Bourguignons ; et, entr'aultres, en y avoit deux fort grosses et longues.

Au dict an , environ la my-novembre , vindrent nouvelles à Paris que le roy d'Angleterre avoit esté tué en Angleterre en une journée et rencontre faicte entre luy et le duc d'Albanye, qui luy faisoit la guerre pour le roy d'Escosse; ce néantmoins, il fut trouvé les dictes nouvelles n'estre vrayes ; bien est vray qu'il y eut journée et rencontre entre les Angloys et Escossoys en Angleterre et qu'il y eut quelque deffaicte d* Angloys et Escossoys et que les Escossoys avoient gaigné la journée.

Le xxvii* de novembre, au dict an, fut reprinse la

ville et cbasteau de Bohain, par noz gens d'armes sur noz ennemis; tellement qu'après que monsieur de la Trimouille, monsieur de Pont-de-Remy et aultres seigneurs furent assiéger et assaillir le dict chasteau pour le r' avoir, il fut rendu par les Angloys et Bourguignons par composition, l'an et jour dessus dict; et ainsi les ennemis qui estoient dedans s'en partirent, leurs vies et bagues saulves. , •

Au dict an 1523, le vingt septiesme jour de novembre, après avoir reprins par noz gens toutes les villes et places de Picardie qui sont sur les limites de Flandres, Hënault et Arthoys, que tenoient les dictz ennemis et lesquelz ilz avoient regaigné sur nous, furent icelles rendues et remises en l'obéissance du Roy , comme auparavant avoient esté '.

Item^ les dictz Angloys et Bourguignons, après avoir par eulx faict les escarmoucbes contre nous es parties de Picardie et qu'ilz en furent cbassez par noz gens , et aussi voians que l'yver estoit venu, ilz délaissent garnison es villes de Flandres , Arthoys et Hénault , assçavoir à Tournay, Vallanciennes , Arras, Sainct- Omer et aultres villes ; puis s'en allèrent les dictz Angloys à Calais ; mais tout soudain le duc de Suffbrt, mary de la royne Marie douairière de France, se mit en mer avec toute l'armée des Angloys et s'en allèrent en Angleterre, et furent ostées les garnisons d'Angloys.

Etoultre, il soudoya quinze cetis hommes Hennuy ers, gens de pied, qu'il amena avec luy, pour passer la mer en Angleterre , dont les Bourguignons furent fort es-

\ . Voyez , sur toute cette campagne de Picardie , le récit fof l détaillé de Du Bellay, p. 166 à 181.

baliis et estonnez, à cause qu'un peu devant il avoit laissé gros nombre d'Angloys es dictz lieux dessus dictz en garnison , es villes d'environ , en espérant de recommencer la guerre en France après l'y ver passé. On disoit pour lors que le duc de Suftbrt s'en estoit soudainement allé avec son armée en Angleterre, parce qu'il estoit vray que le dict roy d'Angleterre avoit eu journée contre le dict duc d' Albanye , qui luy faisoit guerre à l'instance du roy de France et qu'il avoit perdu 4a dicte journée*; et fut la dicte allée des Angloys à Calays à la fin du moys de novembre , au dict an 1523.

(4 524.) En icelle année 1523, en janvier, fut pillée par noz gens d'armes la ville de Baunes, en Hénault, par nuict, par noz gens de pied qui entrèrent de nuict dedans la ville et tuèrent le guet qui fut trouvé dormant ; dont noz gens y gaignèrent gros buttin ; (puis s'en allèrent) car ilz furent advertis qu'il venoit du secours des ennemis pour eulx.

Au dict an, le vendredy quatriesme mars , avant Pasques, arriva le roy de France à Paris, qui venoit de Bloys, où il laissa la Royne sa femme, mallade ; et y estoit avec elle, madame la Régente, sa mère ; et fut lors gros bruit que la dicte Royne estoit morte, ce qui n 'estoit vray pour lors.

Item^ le dimenche ensuivant, le Roy alla à l'Hostel de la ville de Paris où y estoient les prévost et eschevins de la ville, et remercia la ville et habitans de l'argent qu'ilz luy avoient baillé, assçavoir cent mil

1 . Ce récit est inexact. Le duc d'Albany, après avoir inutilement assiégé Wark, se retira précipitamment en Ecosse. — Voy . Lingard, t. m, p. 112.

iU JOURNAL

escus, et leur parla de la poursuite de monsieur de Bourbon et de la fortification de la ville de Paris, pour y faire des boullevers et fossez es faulxbourgs.

Et le vendredy ensuivant , il fit faire procession généralle^ en la dicte ville , où il y fut en personne, jusques à l'église Nostre-Dame de Paris, où il y eust sermon, et y prescha Tëvesque de Troyes, son confesseur ^, lequel fit les remonstrances à son sermon au peuple, comme le Roy et le royaume estoienten grand danger des ennemis et mesmement son armée qui estoit de là les mons devant la ville de Milan , et que noz gens estoient enclos, tellement qu'ilzne pouvoient plus avoir de vivres , en telle manière qu'il leur convenoit combatre ou estre affamez; qui fut la cause qui fit faire les processions généralles à Paris.

Item, le lundy ensuivant qui fut le quatorziesme jour du dict moys, le Roy s'en alla en poste de ceste ville de Paris à Bloys , pour aller visiter madame la Régente , sa mère , de laquelle il avoit eu lettres , qu'elle estoit mallade à Bloys d'une plurésie qui luy estoit survenue de courroux qu'elle avoit eu, à cause de la guerre et des affaires que le Roy avoit en son royaume, en la duché de Milan et ses aultres terres et seigneuries.

Au dict an 1 523, en octobre, estant monsieur de la Trimouille en Picardie pour le Roy, envoya un gentilhomme nommé monsieur d'Escars , qui estoit son lieutenant, à madame la Régente à Bloys, comme prisonnier, parce qu'on disoit que le dict seigneur d'Es-

i. Voy. Félibien, t. II, p. 950 et t. III {Prein>es), p. 581 2. Guillaume Petif.

cars estoit secrettement de la ligue et alliance de monsieur de Bourbon et ses complices, et qu'il avoit promis bailler aux Angloysla ville de Tbéroanne; dont Madame après Tenvoia prisonnier en la Conciergerie , à Paris, où il fut par long temps.

Au dict an 1523, au moys de ,^ fut destruite et

bruslëe l'église des Augustins de la ville d'Anvers par madame Marguerite , tante de l'Empereur; et fut parce que les relligieux tenoient la secte de Lutber et qui se rebelloient contre justice, et s'enfuirent; et en y eust trois prins dont les deux furent bruslez dedans un feu; et, en les mettant dedans, ils chantèrent Te Dcuni laudamus de joye ; mais le troisiesme se repentit.

Au dict an 1523, le vingtiesme octobre, fut publié à son de trompe par les carrefours de Paris l'ordonnance contre les advanturiers" qui sont sans adveu et qui vont sur les champs piller le pauvre homme ; et fust ce faict par commandement du jRoy, estant à Lyon, le vingt cinquesme jour de septembre , au dict an ; et envoioit mandement à la cour de Parlement , qu'iceulx furent prins et mis à mort et que le Roy en donoit puissance à un chacun. Et, pour ce faire, il vou loit et permettoit à tous les seigneurs des lieux où ilz seroient prins des prévosts et mareschaulx , qu'iiz en fissent la justice.

L'an 1524, le mardy, ni® jour de may, veille de l'Ascension, le Roy arriva à Paris pour soy retirer en Picardie , après qu'il eust ordonné de ses guerres et

i . L'indication du mois est restée en blanc dans le manuscrit.

2. L'édit est du 25 septembre. Voyez en le texte dans Isambert,

t. XII, p. 246 et, plus haut, p. 175; cf. Chronique inédite , p. 30.

qu'il eust mis ses gens d'armes en Picardie, pour soy deffendre contre les Hennuyers, Flamans, Brebancoys, Bourguignons et Angloys ; après qu'il eust advitaillé la ville de Thérouanne et y laissa par de là monsieur de Vendosme qui avoit la charge de par luy : et y estoient aussi messieurs de Pont-de-Remy, de Roussy, le comte de Dammartin et aultres avec son ost , et partist de Paris le vendredy ensuivant au matin , pour s'en aller à Bloys où estoient la Royne, madame la Régente, sa mère, monsieur le Daulphin et les aultres enfans du sang royal , avec toute la noblesse des dames et damoyselles.

Au dict an 1 523, fut une grande et mauvaise gelée à Paris et à l' environ et partout ailleurs ; et commença le lendemain de la feste Sain ct-Mar tin d'yver, et dura par six jours seullement, et fut si mauvaise que toutes les herbes estans dedans terre et mesmement aussi les bledz gelèrent. Dont à cause de la dicte gelée, tous les jardins et marez de Paris et les environs furent perdus et gastez, et les dictz bledz aussi ; tellement qu'il convint de nouveau ressemer les dictz bledz. Ce néantmoins ilz ne prouftîtèrent guères, dont il y eust gros dommage es dictz bledz et grande charte ; tellement que dès le commencement d'avril ensuivant, après Pasques, le bled renchérit de beaucoup; et combien que auparavant la dicte gelée il ne valoit que xxi sols le septier, mesure de Paris , néantmoins valut le bon au dict an jusques à quatre livres dix solz le septier.

Et estassçavoir que, depuis la Sainct-Martin jusques à Pasques, ne fut trouvé aucunes herbes en terre, tant de choulx, espinars, poyrée, poyreaulx, lectùes,

ozeille, percil et autres herbes, que tout ne fut gelé ; et estoit bruict que jamais ne fut veûe telle gellée, et en si peu de temps; et aussi les vignes, verjus et arbres furent gastez, car en ceste année il n'y eust comme point de fruictz ès-dictz arbres, et aussi plusieurs arbres moururent.

Au dict an 1 523, en ce temps, le Roy et madame la Régente, sa mère, par délibération de conseil, envoièrent douze docteurs relligieux des quatre ordres mandiennes par toutes les contrées de France et d'ailleurs, pour prescher la foy catholique, pour abbattre et adnichiller* les hérésies de Luther. Et, pour ce faire, furent prins des docteurs à Paris et ailleurs qui furent envoyez, les uns en Normandie, les aultres en Champaigne,les aultres en Picardie, les aultres en Guyenne, les aultres en Bourdeloys et Auvergne, aultres en Lyonnois, aultres en Languedoc et Daulphiné, et plusieurs aultres lieux et leur fut baillé certaine somme d'argent pour ayder à faire leur despence et partirent en novembre.

(1 524.) En la dicte année, le lundy dernier jour de février, fut prins prisonnier par commandement du Roy, un relligieux de l'ordre Sainct-Benoist , nommé Jean Josses, docteur en théologie; et fut prins par le cappitaine Fédéric et ses archers de la garde du Roy, ce dict jour, après son sermon faict en caresme, en l'église Sainct-Sé vérin, à Paris; et de là il fut mené par les dictz archers en la maison de monsieur Rusé, l'un des deux advocatz du Roy en Parlement , en la

1 . Annihiler. — Au moyen âge on écrivait souvent nichii pour nihil. C'est encore Pusage à Rome.

quelle estoit logé pour lors le dict Fédéric. Puis le mesme jour au soir fut mené en la cour de Parlement; et estoit le commun bruict que le Roy l'avoit faict prendre , parce que, en icelle année et aultres précédentes, il parloit aucunes choses contre l'honneur du Roy et de la pollice mauvaise qui estoit au Royaume; après il fut mis en la Conciergerie prisonnier où il fut. /

(1523.) En la dicte année , la veille de Noël furent amenez en ceste ville de Paris, asscavoir messire Jean de Poictiers , chevalier de Tordre, seigneur de Sainct- Vallier, en Daulphiné, cappitaine des deux bandes de deux cens genlilz homiiies; messire Marc de Prye, chevalier; Tévesque du Puy, en Auvergne*, frère de monsieur de la Palisse, grand-maistre de France ; un gentilhomme nommé monsieur de Sainct- Bonnet; un nommé monsieur des Escars% chevalier, qui estoit lieutenant de monsieur de la Trim ouille ; le chancelier de Bourbonnoys, nommé Papillon, seigneur de Parey, qui estoit de Moulins , avec trois aultres gentilzhommes ; lesquels furent tous amenez de Loches où ilz estoient prisonniers. Dont le dict seigneur de Sainct- Vallierfut mis à la Conciergerie, au Palais, et les dictz seigneurs de Sainct-Bonnet et des Escars aussi. Les aultres furent mis à la Rastille de Sainct- Anlhoine et furent amenez avec gros nombres d'archers de la garde du Roy ; et y estoit le cappitaine Fédéric qui avoit chaige de par le Roy de les mener ; et, au regard de Févesque d'Autliun, il demeura prisonnier à Loches,

\. Antoine de Chabannes occupa le siège du Puy de VÔM à